ريموت مفتاح العربية مش عاوز يشتغل :(

ازيكوا يا شباب

انا معايا النترا ٢٠١١ ومعاها مفتاحين، مفتاح منهم ما بيلقطش بالمرة مع ان لمبة الريموت بتنور لما بضغط الزراير (اللي اشتريت منه العربية قلي الموضوع موضوع بطاريات وصدقته، ودي غلطتي)

رحت لواحد بتاع مفاتيح مشفرة في ٦ اكتوبر ( في ميدان ماجدة عشان هنا حبايب كتير من اكتوبر)، وكشف عليه بالجهاز لاقى الريموت ما بيطلعش اشارة، صلحه وحاول في العربية ابدااا

بعتني لمحل اسمه محمد جمب السرساوي في الحجاز مول وماقدرش يشغله برضه

حد عنده اقتراح غير التوكيل يلحقني بيه لو سمحتم عشان مهم يكون للعربية مفتاحين للطوارئ بريموتهم

تسلموا :)

صديقي المواطن
مشكلتك شائعة وبسيطة ولا تقلق وأتا برضو أظن البطارية لازم تتغير بنوع كويس ثن تجرب منفعتش تطلع على طول على عزب للمفاتيح في شارع السودان مقابل بنزينة موبيل يعملهالك ويبرمجلك المفتاح وكمان بالمرة خلي قسم المفاتيح العادية زيادة في الحيطة و الحذر يغيرلك خريطة المفاتيح عشان إنت شاريها مستعمل ومحدش ضامن السايس أو حد عامل نسخة لمفاتيح العربية مع مالكها القديم وده إجراء إستاندرد أنا بعمله في كل عربية مستعمل أشتريها
وبالتوفيق وإلى اﻷمام ومن نصر إلى نصر
ودمتم للنضال

اقتباس:

---

المشاركة الأصلية كتبت بواسطة saddam

صديقي المواطن
مشكلتك شائعة وبسيطة ولا تقلق وأتا برضو أظن البطارية لازم تتغير بنوع كويس ثن تجرب منفعتش تطلع على طول على عزب للمفاتيح في شارع السودان مقابل بنزينة موبيل يعملهالك ويبرمجلك المفتاح وكمان بالمرة خلي قسم المفاتيح العادية زيادة في الحيطة و الحذر يغيرلك خريطة المفاتيح عشان إنت شاريها مستعمل ومحدش ضامن السايس أو حد عامل نسخة لمفاتيح العربية مع مالكها القديم وده إجراء إستاندرد أنا بعمله في كل عربية مستعمل أشتريها
وبالتوفيق وإلى اﻷمام ومن نصر إلى نصر
ودمتم للنضال

---

تسلم يا صدام باشا ويخليك للمواطنين الغلابة وما يحرمنا من نضالك :)

هاروح إن شاء الله لعزب ده ونشوف هايقدر يعمل ايه


انا شاريها من اسكندرية وبطاقتي اللي مع المالك فيها عنوان غير عنواني الحقيقي، وبدفع في الجراش ٢٠٠ جنيه في الشهر عشان ده جراش ما بياخدش مفاتيح العربيات، فده مطمني شوية والتوكل على الله بعد كده

سؤال بقي يا باشا؛ يعني ايه يغير خريطة مفاتيح العربية؟؟؟

حل تاني انك تغير الانذار بريموتين جداد بالشكل الي على مزاجك وتضيف خاصية فصل طلمبة البنزين

انا عندي مشكله مشابهه تماما
أحد الريموتات ما بيشتغلش برغم انه بينور وغيرت الحجاره الخاصه به
بس انا ناوي قريبا جدا أركب جاهز إنذار اضافي spy2 مثلا .. علشان يكون اكثر حساسيه وللإستفادة من مميزاته الأخري
وبالتأكيد ريموتاته هتغني عن الاصليين

بالتوفيق

اقتباس:

---

المشاركة الأصلية كتبت بواسطة mahmoud_afifi

حل تاني انك تغير الانذار بريموتين جداد بالشكل الي على مزاجك وتضيف خاصية فصل طلمبة البنزين

---

تسلم يا باشا على الحل ده، كنت بفكر فيه

بس ممكن تقولي ايه موضوع فصل طلمبة البنزين دي؟

مش العربية فيها إم موبيلايزر؟ وده كفاية

أرجو التفاصيل

اقتباس:

---

المشاركة الأصلية كتبت بواسطة engahmedsakr

انا عندي مشكله مشابهه تماما
أحد الريموتات ما بيشتغلش برغم انه بينور وغيرت الحجاره الخاصه به
بس انا ناوي قريبا جدا أركب جاهز إنذار اضافي spy2 مثلا .. علشان يكون اكثر حساسيه وللإستفادة من مميزاته الأخري
وبالتأكيد ريموتاته هتغني عن الاصليين

بالتوفيق

---

ممكن تقولي تفاصيل أكتر لو سمحت، أصل انا نويت إن شاء الله أجيب أي تراكنج سيستم زي الجي بي اس وده هايكلف حوالي 1500 فحابب بس اطمن منك يمكن يطلع عندك حل أوفر

اقتباس:

---

المشاركة الأصلية كتبت بواسطة KamalShawqi

تسلم يا باشا على الحل ده، كنت بفكر فيه

بس ممكن تقولي ايه موضوع فصل طلمبة البنزين دي؟

مش العربية فيها إم موبيلايزر؟ وده كفاية

أرجو التفاصيل

---

الفكره هتجيب جهاز انذار spy بالمفاتيح وهتلاقي كمان نفس الشكل الي معاك.
فصل البنزين ده بيحط relay (كتاوت) عشان تفصل البنزين لو حد حاول يشغل العربيه من غير ما يفتح العربيه بالريموت. وجربها قدامي وفعلا العربيه اشتغلت وفصلت. بتتكلف تقريبا 25 جنيه من كام شهر.

انا مش عارف عربية حضرتك انهي فئه في الوكيل او الخليجي. بس عامة معظمهم مابيكونش فيه immobilizer. حضرتك وانت بتفتح الكونتاكت هتلاقي اللمبات اشتغلت. دور على لمبة لونها اصفر على شكل عربيه وجواها مفتاح. لو موجود يبقى عندك immobilizer ومش هتحتاج فصل بنزين.

اقتباس:

---

المشاركة الأصلية كتبت بواسطة mahmoud_afifi

الفكره هتجيب جهاز انذار spy بالمفاتيح وهتلاقي كمان نفس الشكل الي معاك.
فصل البنزين ده بيحط relay (كتاوت) عشان تفصل البنزين لو حد حاول يشغل العربيه من غير ما يفتح العربيه بالريموت. وجربها قدامي وفعلا العربيه اشتغلت وفصلت. بتتكلف تقريبا 25 جنيه من كام شهر.

انا مش عارف عربية حضرتك انهي فئه في الوكيل او الخليجي. بس عامة معظمهم مابيكونش فيه immobilizer. حضرتك وانت بتفتح الكونتاكت هتلاقي اللمبات اشتغلت. دور على لمبة لونها اصفر على شكل عربيه وجواها مفتاح. لو موجود يبقى عندك immobilizer ومش هتحتاج فصل بنزين.

---

تصدق انك قلقتني كده، لأن فعلا العربية ما بتطلعش رمز العربية اللي فيها مفتاح ده، لدرجة قولت ها تأكد واعمل نسخة عادية من المفاتيح وأجرب عشان أقطع الشورت في البسين

انما يظهر كده هاعمل زيك، لو سمحت قولي عملتها عند مين بالظبط وجبت الحاجات منين؟؟

وشكرا على المعلومة الكبيرة دي، انا عربيتي توكيل مش خليجي، ويا خسارة الام موبيلايزر، ربنا يسامحك يا عم غبور

اقتباس:

---

المشاركة الأصلية كتبت بواسطة KamalShawqi

تصدق انك قلقتني كده، لأن فعلا العربية ما بتطلعش رمز العربية اللي فيها مفتاح ده، لدرجة قولت ها تأكد واعمل نسخة عادية من المفاتيح وأجرب عشان أقطع الشورت في البسين

انما يظهر كده هاعمل زيك، لو سمحت قولي عملتها عند مين بالظبط وجبت الحاجات منين؟؟

وشكرا على المعلومة الكبيرة دي، انا عربيتي توكيل مش خليجي، ويا خسارة الام موبيلايزر، ربنا يسامحك يا عم غبور

---

انا ماقصدش اقلقك بس الحرص واجب. وكويس ان الواحد ياخد الحيطه قبل ما يندم لا قدر الله.
ومع اني حاطت فصل البنزين الا اني بحط كلابش برضه عشان ماحدش يفكر في العربيه اساسا.
على فكره مش لازم تعمل مفتاح وكده. مش هتستفيد حاجه غير رمي فلوس في الارض :)

انا عملت الموضوع ده في سبير كار التجمع الخامس. وكل حاجه عندهم. الحكايه اتكلفت 275 على حسب مانا فاكر.

والعفو يا باشا انا ماعملتش حاجه. وفعلا غبور مجرد العربيه من كل حاجه. كويس انه حط فيها كراسي :biggrin: