المشاركة الأصلية كتبت بواسطة ahmed a rahman
لا يا فندم بس اشتغلت سنتين في مستشفى تابعة لبرنامج الامم المتحدة لعلاج الادمان
حاليا انا محاضر في الامراض المعدية والمناعة
وطبيب الامراض المعدية الاكلينيكية (الحميات)
واخصائي مكافحة العدوى
واخصائي إدارة الجودة الصحية
لو حضرتك عايز عنوان او نمرة اساتذتي في الطب النفسي اثق شخصيا بهم وببعت لهم قرايبي كمان تحت امرك
حاجه كمان عايز اقولهالك
اتذكر كلام د. احمد سعد استاذ الطب النفسي المعروف وهو بيتكلم على تخصص الطب النفسي في محاضرات كلية الطب :
بيقول على نفسه وزمايله: احنا بنعالج كل البلد من اكبر راس لاصغر راس في البلد, بس اللي بيعمل عملية بواسير مش بيخاف يقول لكن اللي بيروح لطبيب نفسي بيخاف يقول ههههههههههههههههه :)
يعني حضرتك حتروح اي عيادة نفسية وعصبية حتلاقي مصر كلها مستنية تكشف على اختلاف الطبقات الاجتماعية كمان
هو بس اللي بيروح مبيقولش لاصحابه انه راح
توكل على الله وجرب
وعلى رأي د. احمد خالد توفيق : من حين لأخر تصدأ تروس النفس البشرية كأي ماكينة اخرى وتحتاج لبعض التشحيم :)
ربنا يوفقك