الموضوع: اشكرك يارب اولا ثم يا نوبيرا ثانيا

امبارح وانا راجع على اسكندريه الصحراوي وكنت سايق مسافه كبيره من اسماعيليه ثم القاهره ثم اسكندريه و بدون نوم واول مره في حياتي من ساعه ما مسكت تاره اني اعمل الحركه الغبيه دي اني اقعد العب في الكاسيت وانا على 160 وارفع عيني واني بحس بهبد جامد اتاري الطريق لف وانا مش مركز الا مع الزفت ولاقيني خلاص داخل في بلدورات الشمال والهبد ده من كوام الرمل اللي بتبقى جنب البلدورات لميت نفسي طبعا مع الخضه في الاول لميت يمين جامد لقيتها حتلف و حتبدأ تميل للانقلاب وتريلا على يميني ربنا الهمني ببرررررررررود ونسيت مراتي اللي بتصوت و اتشعلقت في دراعي و واحده واحده من اليمين للشمال لمتها و كملت.... الحمد لله لولا الله ثم وزن النوبيرا و ثباتها لا كان فيه احمد ولا اثره في الدنيا بيا انا مراتي و بنتي و بنتي اللي لسه في الطريق( فعلا ايدك لازم تكون دايما في العفشه اهم من الميكانيكا والسواقه مالهاش كبييييييير انا والحمد لله اولا مره اعمل حاجه زي كده انا طول عمري بجري وعمري ماحكيت ولا عربيه،و كنت بقول هيا الناس بتعمل حوادث ليه يعني لحد معرفت انه هفوه غباء او قله تركيز تعمل حدثه مع استهوانك بيها) الحمد لله والشكر و الفضل ليه اني لسه عايش انا واسرتي