عرض للطباعة
العربية موديل 2006 عاملة 120000 من اسبوع تقريبا وبعد مشوار للغردقة رايح جاى :w_030: ابتدى يخرج من الشكمان عادم ابيض خفيف وبعديها باسبوع ابتدى يذيد شويه بشويه - فيارايت ياجماعة تقولولى العربية كده عايزه عمره ولا ايه ربنا يستر مع العلم انى مشتريها مستعملة من 5 شهور بس وكانت عاملة 110 الف.
لا العربيه عايزه كشف كمبيوتر ممكن يكون عندك حساس عطلان ولا حاجه اكشف عليها الاول عند حد بيشتغل سكودا
مش اى ميكانيكى
لما روحت بيها انهرضه للاقصى مرديوش يشتغلوا فيها :(
لما روحت بيها لمركز الاقصى انهرضه مرديوش يشتغلوا فيها وقالوا مش عارفين ممكن يكون فيها ايه حتى مرديوش يغيروا زيت الفتيس :(
ياسلام هما فاتحين مركز صيانه ولا سوبر ماركت ؟؟؟؟؟؟؟؟؟؟؟
العربيه تدخل على الجهاز ويشوفوا ايه السبب
لان ممكن كلنا نقول لك افتراضات على اساس الدخان الابيض ونكبر لك المشكله وتدخل فى ضيق ويكون الموضوع ابسط مما نتخيل
مش عارف بس اظن عندك حساس عطلان وهو اللى عامل المشكله دى
مش راضيين يشتغلوا فيها !!!!!!!!!!!!!!!! ليه داخلة عليهم عريانة ولا إيه ؟؟؟؟؟
زي ما قال الأستاذ طارق لابد من كشف كمبيوتر عشان يبان إذا كانت مشكلة سينسور بتاع حاجة معينة ولا مشكلة ميكانيكية
بص انا حبسطهالك
دخان ابيض + رائحة بنزين قوية = حساس
دخان ابيض + زيت الموتور بينقص = طقم شمبر
ان اسف لو تشخيصي حيدايقك بس هي دي الاحتمالات
الدخان الابيض ده عادة زيت محروق وده معناه ان زيت الموتور بيدخل غرفة الحريق
ان شاء الله بسيطة
تقبل تحياتي