مشكلة صعبة فى الدبرياج

**dedi** · 26-10-2013 08:27 PM

من فضلكم يا جماعة الموضوع دة قالب دماغى وقلت ماحدش هايفيدنى غير حبايبى فى المنتدى
من شهر تقريبا لاحظت دواسة الدبرياج بتنزل وموش فاصلة كويس فرحت للميكانيكى و قال لى نرفع البدال وبعدها باسبوع تكررت نفس المشكلة فذهبت لة مرة تانية فقال ناخذ هواء من ماستر الدبرياج و بعدها الامور تمام و بعد اسبوع تكررت المشكلة فرفع البدال تانى و قال لى موش عارف احدد المشكلة من الماستر العلوى ولا الماستر السفلى ولا اسطوانة وديسك فبدل مانغير وماتكونش المشكلة استمر اسبوع و بعدها نحدد المشكلة ثم اليوم تكررت نفس المشكلة فذهبت الية فطلع بموضوع جديد خالص وقال لى دة فرش الفتيس لانة كل مرة بنعلى الدواس بيدوس علية لغاية لما اثر علية فكدة هانفك الفتيس
كل مرة بافتكاسة شكل ولو رفع الدواسة بياثر على الفرش طيب رفعة لية المهم دلوقت ممكن يكون العيب من اية الواسة دايما بتنزل و موش بتفصل بين الغيارات ملحوظة يودج زيت خفيف حوالين الماستر العلوى و لما سالتة قال لى لا يؤثر ماعلش للاطالة بس فى انتظار راى الخبراء

**dedi** · 26-10-2013 08:29 PM

ملحوظة سحب العربية زى الفل و بتجرى تمام

**Omar2017** · 26-10-2013 08:41 PM

المشكلة دية عندي انا غيرت اسطوانة و ديسك و ماستر علوي و الفتيس بالكامل و على فكرة كل دة كان كوري قمت طلعت على البحر من سيدي بشر لبحري و انا راجع الدبرياج فصل قعدت بتاع نص ساعة في الشارع لغاية لما رجع بس كان تقيل اوي زي القديم و اسوء كمان رحتلة تاني قالي دة ماستر تحت و انا لسة معملتهوش هعملة و اقول لحضرتك

**dedi** · 26-10-2013 08:48 PM

المشاركة الأصلية كتبت بواسطة omar2017

المشكلة دية عندي انا غيرت اسطوانة و ديسك و ماستر علوي و الفتيس بالكامل و على فكرة كل دة كان كوري قمت طلعت على البحر من سيدي بشر لبحري و انا راجع الدبرياج فصل قعدت بتاع نص ساعة في الشارع لغاية لما رجع بس كان تقيل اوي زي القديم و اسوء كمان رحتلة تاني قالي دة ماستر تحت و انا لسة معملتهوش هعملة و اقول لحضرتك

شكرا لرد حضرتك
يعنى حضرتك غيرت كل دة و مازالت المشكلة قائمة
طيب ماكان من الاول غير الميكانيكى الماستر بدل كل المصاريف دى
فى انتظار رد حضرتك للاستفادة وياريت لو حد عندة معلومة مايبخلش بيها

**Abo Yasso** · 26-10-2013 08:57 PM

اعتقد ان ماستر سفلى

**dedi** · 26-10-2013 09:52 PM

المشاركة الأصلية كتبت بواسطة wael_kamel

اعتقد ان ماستر سفلى

يا باشا انا ملاحظ زيت خفيف حولى و لما سالتة قال لى لا يؤثر بس اعتقد انة ممكن يكون كلامك صح انا سوف اذهب الية بعد يومين وربنا يسهل طيب ممكن اعرف لو عندك معلومة اية هى اعراض تلف الفرش
وشكرا للنصيحة جازاك اللة خيرا

**a_mohamedsamir** · 27-10-2013 01:53 AM

لو عندك نقص فى مستوى زيت الفرامل
يبقى الماستر السفلى هو المشكلة
لكن مجرد تعليق الدواسه تحت
ده غالبا بيكون ماستر علوى

**AHMADALY1999** · 27-10-2013 04:10 AM

متابع ...........

**MITSUKERO** · 27-10-2013 08:37 AM

ماستر علوي او سفلي و التوكيل بيوصي بتغيير الاتنين مع بعض

**dedi** · 27-10-2013 01:36 PM

المشاركة الأصلية كتبت بواسطة a_mohamedsamir

لو عندك نقص فى مستوى زيت الفرامل
يبقى الماستر السفلى هو المشكلة
لكن مجرد تعليق الدواسه تحت
ده غالبا بيكون ماستر علوى

شكرا لردك طيب كدة يبقى اغير الماستر العلوى
ماعلش سؤال ينفع اركب طقم اصلاح بدل من تغيير الماستر ويطلع صينى على اساس انة الراكب الاصلى بتاع العربية بتاع الاكسسوار قال لى الكلام دة فهل دة صح و لا لا
واية هى اعراض تلف الفرش
شكرا