سؤال لاصحاب الخبرة ف عالم تويوتا كرولا .. لسه فيه موجود الشكل القديم الى قبل موديل 2014 ؟
و ياريت حد يقولى سعرها كام الى هى 2013 قبل الشكل الجديد ؟
عرض للطباعة
سؤال لاصحاب الخبرة ف عالم تويوتا كرولا .. لسه فيه موجود الشكل القديم الى قبل موديل 2014 ؟
و ياريت حد يقولى سعرها كام الى هى 2013 قبل الشكل الجديد ؟
2013 موجوده عند سمير ريان والهاى لان معديه ال 200,000
لاء انا كنت عاوز اسأل عن موديل 2013 بس مش الهاى لين
يعنى المانول او الاتوماتيك بكام سعرها ؟
155 الف دى مانيول
و
178 دة الاوتو فول اوبشن ( وليست الهاى لاين )
و
200 الف وشوية سعر الهاى لاين
الاسعار دى من 3 اسابيع معرفش الدنيا دلوقتى ممكن تبقى ماشية ازاى اسئل وشوف
نصيحة اخ لو هتجيب الفول اوبشن او الهاى لاين عام ................ 2013
بلاش نصيحة وبالفلوس دى اركب 2014 لانك بالفلوس دى انت ركبت موديل السنة ولاحظ ان الشكل اتغيير تمام وكمان الكامليات فمينفعش يبقى السعرين قرييبن اوى من بعض كدة وتركب موديل قديم شكلا قديم اوبشن وفقير كماليات علاوة ان سعر اعادة بيعها مش هيبقى زى موديل السنه
وسيبك من نقطة دى يابانى او خليجى
والجديدة دى تركى
الكلام دة مش موجدى اوى في النقطة دى وعلى راى التجار ياباشا يكفى انه عليها علامة تويوتا
دى توووو يووووتا
اتمنى تكون المعلومة وصلت
ولحضرتك طبعا القرار الاول والاخير
بس انا واجى يحتم عليا انى انصحك وربنا يوفقك
ومبروك مقدما
كلام صحيح 100% لو هتركب، يبقى أركب موديل 2014 شكل أحسن من 2013 مليون مرة وتكنولوجيا وخامات وإماكنيات أفضل، ولاحظ أن الشكل الجديد سيستمر لمدة 5 سنوات على الأقل.
شكرا لجميع الاعضاء و الاهتمام ع الرد و عندكم فعلا حق
بص يا باشا انا لسا شاريها من عند سلطان اوتو اللي في م نصر هوه موجود عنده ال 2013 الخليجي وكل الالوان موجوده
هيه المفروض اول فئه الكلاسيك اللي هيه بتكون اوتوماتيلك وباقي الاوبشن بس طبعا بدون الجنوط والسبويلر والفوج لايت .
كل اللي بيحب الشكل والمنظر اكيد هيقولك ال 2014 احلي لان شكلها جديد بس من وجه نظري ان الشكل الجديد مش حلو من قدام شبه الهوندا ومن ورا شبه الالنترا والالنترا كمان شكلها احلى منها في الفوانيس
الشي التاني : العربيه تجميعها تركي والكورولا ليها سابقه في موضوع التجميع اللي بيكون برا اليابان زي اللي حصل مع ا2008 -2009 - 2010 جنوب افريقي وظهرت المشاكل في الجير بتاعها والي الان سعرها في السوق بيخسر جامد
الشي التالت : ارتفاع السيارت الواطي لا يتناسب ابدا مع الطرق في مصر وزيها زي اباسات واطيه وبتحضن المطابات
ال 2013 اهم ميزه فيها انها يباني 100% والاهم انها متجربه ولا يوجد غبار ولا عيوب فيها وماسكه سعر الى الان
سعر العربيه 167 ولو اتكيت عليهم هتاخدها ب 165 ومعاها سنه ضمان من تريبل ايه وهيه طبعا خليجي
طبعا بعد ماتستخير ربنا
انا لو هدفع المبلغ دا في عربية وقدامي ازود حاجه بسيطه واخد الشكل الجديد طبعا هعمل كدا حتى لو كانت تقفيل تركي
لان مااعتقدش ان تويوتا تغلط تاني ويكون فيه عيوب في فتيس عربيه ليها تاريخ زي الكورولا
معايا الشكل دا الحمدلله اتوماتك عادي وجنوب مشيت بيها 35000الف كيلو مابين مسفات طويل ووسط البلد العربية الحمدلله ماصرفتش عليها غير الحجات المستهلكه فيها حبيتها رغم فيها كام عيب ماعجبنيش بالمقارنة بسعرها وسعر عربيات تاني ارخص اولا العفشة ناشفه لما تدخل مدق او نقر بسرعة بس في المقابل ثباتها جيد عشان النظام الاكتروني اللي هو مش موجود في الخليجي بس الخليجي انعم واقل ثبات وارخص في قطع الغيار
العيب المشترك اللي مش عاجبني فيها بالرغم من سعرها المرتفع هو ان العربيه شكلها مش انسيابي لو مسافر بيها وفي هوا جامد العربيه تحس انها بتحارب مع الهوا ودا بيخلي اي عربيه شكلها انسيابي وفيها ماتور كويس تعدي منك بكل سهوله المشكله دي اكيد حلوها وباين في الشكل الجديد
فقدامك خيارين تتكل على الله وتشتري التركي وتتمتع بالمواصفات على قد مادفعت وتكون متقبل ان قطع غيارها هيكون غالي زي الالماني او اكتر لاما لو هتفكر في بيع قريب تستنى وتشتري الخليجي منها لما ينزل وتضحي بالكماليات الزياده في مقابل سعر اعادة بيع معقول
وإن شاء الله التركي ينتشر ومايكنش فيه عيوب