ممكن مساعدة بخصوص باليو و سيينا 2008 ؟

السلام عليكم و رحمة الله وبركاتة
الاول : كل عام و انت بخير

ثانيا : انا عايز مساعدة حضراتكم بخصوص انى عايز اجيب عربية زيرو فى حدود 70000 و طبعا كنت فكرت فى الصناعة الصينية فقولت خلينا فى المضمون
الفيات برضة اسم كبير و ايطالى و كدة يعنى
لاقيت الناس بيقولولى الباليو دى تقفيل صينى !!! :sorry:
فا انا بجد مش عارف و السيينا اخبارها اية حلوة ولا وحشة ولا صينى برضة ؟ !!

ياريت تفيدونى بخصوص اداء السيارات الفيات دى و اخبار قطع غيارها و التوكيل بتوعهم اية ؟؟؟

و لو انا عامل رينج 70000 هتكون اية احسن سيارة لية فى السعر دة

لانوس - فيرنا - باليو - سيينا - A113
ولا ازود شوية و افكر فى نوبيرا - افيو - فولكس فاجن بوينتر

معلش انا طولت عليكم بس انا حاسس انى محتار اوووووووى و خايف اجرب عربية تتطع مقلب .........:sorry::sorry:

وكل عام وانتم بخير

اية يا جماعة هو مافيش حد عندة فكرة عن الموضوع دة ولا اية ؟؟؟ !!!!

ابعد عن الصينى دلوقتى مش هاتشترى عربيه كل يوم بالنسبه للفيات الاعضاء اللى معاهم الباليو والسينيا اكيد هيفيدوك بس انا ارشحلك الافيو او تزود 2000 جنيه عربيه محترمه وشكل واوبشن نظيف وعاليه عن الارض ده غير التوكيل خدمته ممتازه



..mokhtar..

انا رايى اللانوس انتشار +قطع غيار متوفرة +سهولة الصيانة+سهولة البيع+تقبل بنزين 80

لانوس او افيو او نوبيرا او كليو(بس خليها اخر اختيار )

أفيو افضل بكثير و يعتمد عليها وشكل جميل و واسعة وقطع غيار رخيصة نظرا للانتشار

شكرا على الاهتمام ............ يعنى الأفيو هى احسنهم
بس انا عاجبنى شكل و سعر السيينا ........ بس انا كدة هبعد عنها و خلينى فى المضمون

يعنى فيه فرق بين سيارة صينية و سيارة مجمعة فى الصين,
السيينا متجمعة فقط فى الصين تماما كما تجمع السيارات فى مصر, يعنى بتيجى القطع الأساسية من الشركة الأصلية و بتتجمع و ربما يتم صناعة بعض المكونات البسيطة فى الصين مثل الكراسى مثلا, لكن بوجه عام مادام السيارة تحمل اسم فيات يبقى أكيد فيه اشراف من فيات و ده هيضمن حد أدنى من الجودة, لكن بصراحة معرفش نسبة المكونات الصينى فى السيارة,
لو فيه قلق من ناحية الصين ممكن تشوفى البونتو كلاسيك صناعة ايطالية بالكامل.

بالضبط سيبك من القلق
ممكن تزود لحد 75 و تجيب بونتو كلاسيك جميع الكماليات و جنوط و فودات
و ايطالي 100%

انا سألت قالوليلى سيينا 2008 تجميع صينى فعلا وقت ما كنت بسأل كان لسة موجود 2007 كان اغلا منها لأنو تجميع برازيلى