على فكرة من ضمن ملاحظاتي ومن خلال تجاربي اللي مريت بيها عرفت ليه نسبه الطلاق كتيرة وبتزيد يوم بعد يوم
الحكايه وما فيها انه نظرا لصعوبه الجواز في مصر الشاب من دول بعد ما ييأس في ايجاد شريكه حياته بالمواصفات اللي هو عايزها بيحصل عنده نوع من الانتقام ويقولك الحلوة زي الوحشه كلهم ولاد تيت وبالتالي بيتنازل ويتجوز واحده مش على مزاجه ومش فيها المواصفات اللي عايزها زي مثلا تكون مش جميله مثلا تكون مستوى اجتماعي متدني او تعليمي متدني وهكذا امور بس اهو بيتجوزها وخلاص علشان يمشي حاله ويلحق يخلفله عيلين وفي نفس الوقت واحده تقضيله مصلحته ففيه منهم بيرضى بالامر الواقع وبيستمروا وفيه منهم بتحصل مشاكل بتوصل للطلاق ونفس الامر بالنسبه للفتيات
علشان كده الحفاظ على المبدأ هو خير وسيله لنجاح الزواج ما تتنازلش ابدا او انتي ما تتنازليش ابدا عن المواصفات المطلوبه في شريك او شريكه حياتك
انتهى ....