الموضوع: تجربه الزواج من فتكات

بمناسبه الموضوع ده
http://www.nilemotors.net/Nile/416269-a.html
حبيت بس انبهكم اني من شهرين قابلت عروسه من الجيزه عن طريق فتكات والتواصل كان مع اخت العروسه الكبيرة ولما سألتها على موضوع الشكل قالتلي انها بيضاء وعنيها عسلي وجميله قولتلها ابعتيلي صورتها ومتخافيش قالتلي الافضل انك تشوفها على الطبيعه وسيبك من الصور قولتلها ياستي ما ينفعش بدل ما اتعب في المشوار ع الفاضي وفي الاخر ما نعجبش بعض قالتلي مش هينفع ابعت صورتها لانها بنت وكده
قولتلها خلاص وحددنا ميعاد للزياره وقابلتها برا بس لقيت حاجات مختلفه كتير عن المواصفات المذكورة
دا غير اني غرمت 60 جنيه مشاريب بس لاننا كنا قاعدين في كافتيريا
يعني غرمت وتعبت في المشوار وفي الاخر ما اتجوزتش يلا ربنا يرزقها ويرزقني ويرزق الجميع باللي نتمناه

يعني من الاخر الجواز من على النت فكسان
الا لو كانت اجنبيه ممكن الموضوع يبقى عادي لانك بتبقى عارف اخرها وبتكون شوفت صورتها وهي كمان كذالك

ده الواحد يتجوز من اي مكان الا فتكات :)

المشاركة الأصلية كتبت بواسطة نور القمر

ده الواحد يتجوز من اي مكان الا فتكات :)

هههههههههه فعلا ااا
بس ليه ؟ ايه وجهه نظرك ؟

المشاركة الأصلية كتبت بواسطة prof2013

بمناسبه الموضوع ده
http://www.nilemotors.net/Nile/416269-a.html
حبيت بس انبهكم اني من شهرين قابلت عروسه من الجيزه عن طريق فتكات والتواصل كان مع اخت العروسه الكبيرة ولما سألتها على موضوع الشكل قالتلي انها بيضاء وعنيها عسلي وجميله قولتلها ابعتيلي صورتها ومتخافيش قالتلي الافضل انك تشوفها على الطبيعه وسيبك من الصور قولتلها ياستي ما ينفعش بدل ما اتعب في المشوار ع الفاضي وفي الاخر ما نعجبش بعض قالتلي مش هينفع ابعت صورتها لانها بنت وكده
قولتلها خلاص وحددنا ميعاد للزياره وقابلتها برا بس لقيت حاجات مختلفه كتير عن المواصفات المذكورة
دا غير اني غرمت 60 جنيه مشاريب بس لاننا كنا قاعدين في كافتيريا
يعني غرمت وتعبت في المشوار وفي الاخر ما اتجوزتش يلا ربنا يرزقها ويرزقني ويرزق الجميع باللي نتمناه

المفروض كنت استاذنت للحمام وانتا عارف الباقي بقي . او فكرة افضل لما ييجي الشيك حاسب علي اللي شربته انتا وقوله حاسب الابلتين علي مشاريبهم

هههههههههه بهزر ها

المشاركة الأصلية كتبت بواسطة lena jo

الزواج عن طريق النت مجازفة لا داع لها لأصعب شئ في حياة الانسان . لو شغل مش عاجبك هتسيبه بدون خسائر لكن زواج. ....اول شئ لا انت عارف حاجه عن الطرف الاخر و لا هي ولا الوسيط مهما كان الموقع محترم لكن لا يعرف صفات اي من الطرفين . كل واحد بيقدم بيانات فقط . الله اعلم بمستواه الاجتماعي او المادي او الاخلاقي . يعني مجهول في مجهول . و حتي زواج الصالونات ده غير مريح . مقبول بعض الشئ لو الوسيط يعرف الطرفين او طرف واحد و الاخر عن طريق شخص ثقة مثلا واحد متزوج يعرف زميله الذي يريد الزواج في العمل جيدا و زوجته ممكن تشوف له زميله معها هي او قريبه لها. او ماشابه يعني زميل ، جار..... معرفة حقيقية و ليست افتراضية..
بالنسبه لفتكات . انا دخلت حب استطلاع بعد الموضوع ده فقط لاتعرف علي المنتدي اللي اتظلم ده. اولا المنتدي كبييير جدا عليه رقابة داخلية مثل منتدانا و بعيدا عن موضوع الزواج لاني لم اضع وقتي في القسم ده مش شايفه حقد و لا اي حاجه وحشه بين العضوات بالعكس كل المواضيع مفيدة و نصائح و تجارب لافادة العضوات في التدبير المنزلي و الاكلات ......الخ اقسام كثيرة انا استفدت منها كتير و جربت كام اكله منه و كمان بالصور و طلعت حلوه الحمد لله . و شفت المحتارة ده لكن ايضا لم اضع وقتا طويلا فيه لكن المشكله انهم بيحكوا براحتهم علي الاخر و لا كأن فيه اغراب و زوار من غير العضوات لكن طبعا الاسم الاصلي للعضوة مختفي لكن طبعا ال i.p للعضوة معروف فبالتالي الادارة ممكن تعرفها لكن الادارة نفسها بتنبههم ان محدش يحط صور البيت او الاولاد حتي لا يعرفهم احد. المنتدي مفيد جدا لاي واحدة و بيشجع علي النشاط و حب شغل البيت سواء للمتزوجة او غيرها.

لم نقل غير ذالك ولكن من دخل قسم الزواج وعاشر الفتيات الموجودات به سيعرف عما اتكلم