تشغيل التكييف الساخن مع التكييف البارد بالخطأ

**atpo56a** · 26-10-2013 10:29 PM

السلام عليكم الاخوه الافاضل
معلش لي استفسار بسيط معلش بس قالقني خالص النهارده كنت بجرب التكييف السخن في عربيتي اللانوس كنت مختار اللون الاحمر من البكره اللي فيها اختيار التكييف البارد او السخن واخترت رقم 3 في سرعه المروحه وكان التكييف السخن شغال . بجواري ابني راكب جنبي ضغط علي زرار التكييف اللي هو مكتوب عليه acللتكييف البارد لقيت العربيه عملت صوت غريب رحت بسرعه طافي العربيه وما شغلتش اي حاجه تاني البارد او السخن خايف يكون حصلت حاجه يا ريت الاخوه اللي عندهم خبره يطمنوني جزاهم الله كل خير أرجو الرد للاهميه والله انا خايف طمنوني الله يكرمكم

**aldesha989** · 26-10-2013 11:11 PM

مافيش اى حاجه حصلت

اول حاجه الكمبروسيسور لما بيشتغل بيجرى الفريون فى الدوره وبالتالى المواسير بتسقع والمروحه بتعدى الهواء من خلال المواسير دى وبتطلعلك الهواء الساقع

ولما بتشغل الدفايه
المروحه برضه بتعدى من قدام مواسير التكيف الساقع اللى هو مفصول مدام فاصل ال ac
وبعدين بتعدى على تانى مرحله المواسير السخنه اللى هى بتجيلك من الردرياتير او الماتور بشكل مباشر وبتبقى سخنه جدآ

اللى بيحصل كالتاتى
المروحه شغاله بتعدى من قدام المواسير الساقعه وبتدخل على المواسير السخنه وبتطلعلك من الهوايات هواء سخن لان درجه حراره الدفايه اقوى من قوة الكباس على التسقيع فبالتالى مافيش حاجه حصلت وحتى لو حاجه حصلت هيبرد هواء الدفايه فقط لكن مش هيحصل حاجه ولا لغبطه ولا مشكلة زى ما انتا متخيل والصوت اللى انتا سمعته ده اكيد من حاجه تانيه او صوت البوابه او الكمبروسيسور بيفصل او بيشتغل حاجه زى كده

**FAR!D** · 27-10-2013 12:52 AM

مفيش حاجه ممكن تحصل اصلا اطمن

**saddam** · 27-10-2013 04:33 AM

صديقي المواطن
لا تقلق موضوعك بسيط ولم يحدث شيء ولكن كل صناع التكييف في العالم يوصون أن لو إنت سايق بالعربية وعايز تشغل تكييف الكباس وعاوز تحافظ على عمره أطول فترة وميحصلش فيه ما يسمى الكلاتش بتاعه كلبش فلازم لما تفتح التكييف تكون ممور في المانوال أو ترجعه على n في اﻷوتوماتيك وإنت سايق والعربية ماشية ثم تكمل حياتك عادي خصوصا لو كان اﻵر بي أم فوق 3 وبالتوفيق وإلى اﻷمام ومن نصر إلى نصر
ودمتم للنضال

**MITSUKERO** · 27-10-2013 08:36 AM

انا اساسا لو شغلت السخن لوحدة العربية بتخنق و ببقي هموت و لازم اشغل الكمبريسور معاه

**ابواياد المصري** · 27-10-2013 09:13 AM

المشاركة الأصلية كتبت بواسطة saddam

صديقي المواطن
لا تقلق موضوعك بسيط ولم يحدث شيء ولكن كل صناع التكييف في العالم يوصون أن لو إنت سايق بالعربية وعايز تشغل تكييف الكباس وعاوز تحافظ على عمره أطول فترة وميحصلش فيه ما يسمى الكلاتش بتاعه كلبش فلازم لما تفتح التكييف تكون ممور في المانوال أو ترجعه على n في اﻷوتوماتيك وإنت سايق والعربية ماشية ثم تكمل حياتك عادي خصوصا لو كان اﻵر بي أم فوق 3 وبالتوفيق وإلى اﻷمام ومن نصر إلى نصر
ودمتم للنضال

السؤال فى الجزئيه دى ليه التوصيه بده على الرغم من ان الكباس فعﻻ بيفصل ويشتغل على سرعات عاليه فعﻻ!

**yasser202** · 27-10-2013 09:19 AM

المشاركة الأصلية كتبت بواسطة ابواياد المصري

السؤال فى الجزئيه دى ليه التوصيه بده على الرغم من ان الكباس فعﻻ بيفصل ويشتغل على سرعات عاليه فعﻻ!

الكباس في الانوس بيفصل فقط وانت دايس بنزين للارض تماما فقط وليس مع السرعة العالية فقط
ودا للطواري فقط يعني حصل موقف مفاجى وانت ماشي وعايز تزود السرعة بتسارع عالي فالكنتروللر هيوقف الكباس علشان يستفيد من كام هورس باور اللي ساحه الكباس
عدى الموقف وخففت دوسة البنزين بيشتغل تاني

**aldesha989** · 27-10-2013 05:39 PM

انا ملاحظ عندى حتى فعلآ الموضوع ده انى لما ببقى على الصحراوى او بجرى بالعربيه التكيف مش بيبقى كويس اول ما اقف فى زحمه بيبتدى يبرد تانى ايه الفكره ؟ مش هقول بيفصل خالص بس بيقل جدآ

**FAR!D** · 27-10-2013 06:55 PM

لا تكون بتجري على اي سرعه التكييف بيكون شغال لكن لما تحرق والrpm يكون حيدخل في الخمسه التكييف بيفصل او لما تكون كابس بنزين الاخر انا وانا مجرب كده في النوبيرا