تجربتي مع تأثير المياه على بلية شداد سير الدينامو
السلام عليكم يا شباب
كنت رحت لواحد يغسلي دورة المياه
فك الخرطوم اللي على الشمال اللي بيخرج المياه من الرادياتير ربنا يسامحه بقى...
و دخل مياه في القربة و ساب العربية دايرة كدة ربع ساعة و خرطوم خارج الرادياتير عمال ينزل المياه جوة حوض العربية ناحية السيور
المهم الدورة بقت تمام و سافرت و ركنت العربية اسبوع
جيت أخرج بيها سمعت صوت خشونة عالي من عند البلية
رحت للميكانيكي قالي بلية شداد سير الدينامو باظت من المياه
جبتها جديدة إيطالي نوع نضيف ب 110 !
و ركبتها و الحمد لله ماشية تمام
كنت الاول لما اغسل الدورة بفك الخرطوم الرفيع الداخل على القربة و اطلعة برة الحوض
لما لقيت الراجل دا بيفك خرطوم خارج الرادياتير و ينزل المياه جوه الحوض في كل العربيات حسيته فاهم و قلت اكيد مش هتأثر على حاجة
يلا ربنا يسامحه و الحمدلله..