أيه رأيكم؟
عرض للطباعة
أيه رأيكم؟
شوف ياسيدي خلينا نكون موضوعيين
الاثنين يصنفوا city car وثبات الصني لل 140 كويس . انا مجربتش البيجو لكن من اراء ملاكها حاسس ان الثبات افضل في البيجو .
الارتفاع عن الارض في صالح الصني . الوسع في صالح الصني . اعادة البيع في صالح الصني - الفرنساوي مازال بيقلق الناس - خصوصا لو بتغير غلى فترات متقاربه . التوكيل في صالح الصني . التقفيل في صالح البيجو . جودة الكاوتش في صالح البيجو ولو ان دي مش نقطه مهمه لانك ممكن تغيره . النيسان صني اكثر انتشار . الاعتماديه في رأيي الخاص جدا نيسان افضل من بيجو او اي فرنساوي .
اخيرا قرار الشراء هو ارتياح شخصي ودراسه ولكن انا عن نفسي وبدون دخول في مهاترات من اي نوع لايمكن اشتري حاجه من بيجو ولو كانت ارخص من النيسان فمابالك وهي اغلى ! السبب اني مش عاوز توكيل يدايقني او قطع غيار اتفاجيء باسعارها وانا شاري عربيه اقتصاديه اصلا .. او لما اجي ابيع اقعد مده طويله عشان اسمع سعر مرضي واسمع الجمله المكرره جدا من اي حد بيشتري " دي عربيه فرنساوي وقطع غيارها غاليه " طلبا لنزول السعر .. دمت بصحه
ال 301 حتى الان زى البطيخة يعنى لو هتجبها انت و حظك.
و النيو صنى الناس اللى جبتها بتلعن و تسب فيها.
نصيحتى شوف اختيار تانى
بيجو 301 طبعا
والله اللى بيلعن ويسب فيها 90% منهم ماركبهاش اصلا والباقى بعضهم من ملاك الصنى القديمة وبعضهم متطوعين للشتيمة فى العربية كده لله فى لله .. ملاك العربية وانا منهم بنحمد ربنا عليها وربنا يديمها نعمة :tumb: وعلى فكرة البيجو والصنى الأتنين حلوين وشوف انت اللى يريحك وسيبك من كلام الناس
http://www.nilemotors.net/Nile/3875252202-post58.html
صديقي المواطن
لا تحتار ولا تقلق فالموضوع بسيط وأنت من ستختار
كسيارة وكمنظر وكبرستيج البيجو قولا واحدا أفضل
كسيارة إنتشارا وإعادة بيع وقطع غيار فقولا واحدا صني
ولكن البيجو 301 في توسع ولا يعلم إلا الله أين ستصل فقد تصل قرب ما حققته السيراتو عام 2009 من توسع وإنتشار فالناس مقتنعة بها وهي أرخص الجيد المتاح ومنظرها مقنع وإسم عريق أما النيسان صني فمعتمد على سمعته ولا تقلق اﻷقاليم إتملت نيسان الشكل الجديد وستظل ناجحة وستستمر أيضا في التوسع واﻹنتشار لغلاء السيارات المنافسة كسيراتو وإلانترا وكورولا ولكن من حيث.المنظر ومن حيث اﻷداء والهيبة وشد إنتباه الناس فالبيجو 301 تكسب
وإنت الحكم منظر وركوب
ولا بيع وتقضيلك المشوار وخلاص
وبالتوفيق وإلى اﻷمام ومن نصر إلى نصر
ودمتم للنضال
لانسر بومه احسن من الصني و ال ٣٠١ و ربنا يوفقك في الشراء
لو تقدر تزود شوية هات لانسر
لو متقدرش خليك فى الصنى
بيجو 301
301
بيجو 301 و العربيه مش زي البطيخه ..في ناس معديه بيها 20 الف
دى عربيه اسد مش بتاعه بطيخ ..................
لو العربية دى عملت مبيعات عالية جدا و وقفت سوق عربيات تانية يبقى الصنى الجديدة محدش بيشترى غيرها
بص يا باشا من الاخر العربيات اللى فى السعر دة ليها عيوب و مميزات و اكيد كل واحدة تتميز على التانية فى حاجات و كل واحد بيختار الانسب
الصنى تتفوق على البيجو فى الوسع و الارتفاع و الانتشار نعومة العفشة و الفتيس و الباور و استهلاك البنزين و التوكيل و توافر و اسعار قطع الغيار و سعر اعادة البيع
اما البيجو تتفوق على الصنى فى الشكل الخارجى و فخامة التابلوه و جودة التقفيل و قوة الموتور و التسارع و الثبات على السرعات فوق ال ١٤٠
شوف تحضرتك ايه المناسب ليك و هاته و العربيتين حلوين و ربنا يكفيك شر الطريق
باختصار لو عايز عربية عائلية عملية و موفرة و متتعبكش و هى معاك ولا لما يحصلها حاجة او لما تحب تبيعها هات الصنى
اما لو عايز حاجة فخمة و شيك و حابب تجرى شوية هات البيجو
و هقولك نصيحتين
اولا اركب الاتنين و شوف بنفسك انت مرتاح فى انهى و صلى استخارة قبل ما تشترى
ثانيا متاخدش كلام على اى عربية غير من صاحبها عشان هنا فى المنتدى هتلاقى ناس كتير بتفتى و هى متعرفش حاجة و ليها مصالح و اخر حاجة ممكن يفكروا فيها هى خدمة الاعضاء و لو سبت نفسك ليهم عمرك مهتشترى اى عربية من كتر الهرى و الشتايم
ربنا يوفقك للخير
يا جماعة نيسان صني الشكل الجديد ممتازة وشوفو حجم المبيعات و الانتشار الرهيب للسيارة.. وهي الافضل في فئتها
شكرا لكل واحد رد .... و ردودكم كلها زوق و تدل علي اخلاقكم العالية بجد ... ربنا يكرمك
لسة محتار و مستمر في البحث :)
البيجو شكل افضل من الصنى
قطع غيار اغلى من الصنى
توكيل غير جيد زى الصنى
الصنى اوسع من البيجو
الصنى عربيه اعتماديه اكثر من البيجو
الصنى تقدر تبعها سريعا عن البيجو
ايااااك و الانسر
معانا لانسر 2013
ولانسر 2007
ال 2007 تضربها بالجزمه
الجديده سيئه للغايه
الماتور باحساس واضح جدا
اضعف بكتيير جدا ف القوه و السحب
نصيحه
بلاش لانسر الجديده نهائي
اللانسر المحترم هو 2007 و 2008