معايا مازدا فاميلي 97 بورتيجيه امريكي
التكييف شغال معايا بس فيه مشكله مش عارف لها حل
التكييف يبقى شغال زي الفل وبيسقع تمام التمام وفجأه هواء بس اللي يطلع ويوقف تبريد والهواء اللي طالع مش سخن بس بيبقى الهواء اللي داخل للعربية من بره
عرض للطباعة
معايا مازدا فاميلي 97 بورتيجيه امريكي
التكييف شغال معايا بس فيه مشكله مش عارف لها حل
التكييف يبقى شغال زي الفل وبيسقع تمام التمام وفجأه هواء بس اللي يطلع ويوقف تبريد والهواء اللي طالع مش سخن بس بيبقى الهواء اللي داخل للعربية من بره
هل فيها ثرموستات ؟ لو فيها اكشف عليها
هل لما بيحصل كدا الكومبريسور بيكون معشق و لا فاصل ؟ تقدر تتأكد بالنظر لكلاتش الكومبريسور بيدور مع الطارة و لا لأ ؟
لا كان قصدى ان فيه عربيات تصميمها من غير ثرموستات
عامة لو عندك ثرموستات لازم حد يتأكد انها سليمة
الكلاتش زيى ما فى الصورة
http://idqusa.com/wp-content/uploads...or-engaged.jpg
المفروض و التكييف مش شغال تبقى الكلاتش مبتلفش مع الطارة اللى عليها السير ( الطارة بتلف عرض مستمر مع السير )
و لما تشغل التكييف الكلاتش تضم على الطارة و تعشق معاها بفعل التأثير الكهرومغناطيسى
ساعتها الكومبريسور يبتدى يضغط الفريون فى الدورة
بص على الكومبريسور و التكييف مقفول و العربية دايرة حتقدر تحدد الكلاتش و هو ثابت مبيلفش مع الطارة
و لما تشغل التكييف على كلامك طالما فى الاول بيسقع يبقى حتقدر تشوف الكلاتش بيلف مع الطارة
لما تحصل المشكلة حتبص على الكلاتش
لو لقيته مبيلفش يبقى فى مشكلة فى الثرموستات او فى الكلاتش ضعفت
لو لقيته بيلف يبقى فى مشكلة فى الدورة فى حتة تانية
فمبدئيا اتاكد من الكلاتش
انا هانزل اشوف وارجع ارد عليك
انا نزلت جربت ما يقرب من ساعه ومشيت بيها كتير ومفصلش وشغال زي الفل
ايه الحل؟
الحل تنتظر فى عز الظهر و فى نقحة الشمس و تكون العربية سخنت كويس و تشغله تانى فى الشمس و تشوف
لان امبارح بالليل و فى بورسعيد كمان اكيد الجو برد
انا ناوي اعمل كده بس مانزلتش النهارده بكرة ان شاءالله اشوف واقولك وشكرا ياباشا.