استفسار عن مشكله واسعار قطع غيار فكترا95

السلام عليكم يا شباب
انا لسه اوبلاوى جديد جبت عربيه فكترا 95 مانيوال 2000 سى سى من قبل العيد من واحد صاحبى والحمد لله العربية زى الفل بس نعمل ايه بقى لازم تأخد عين كده عال ماشى لقيتها ضاربة زيت فتيس وزيت ماتور جامد المهم سألت واحد صديق كده فبعتنى عند واحد اسمه شعبان بتاع اوبل فى صقر قريش المهم روحتله باص كده قالى الزيت ده جاى من اولسيه العقربه بتاع الفتيس والعقربه تتغير كلها احسن وقالى زيت الماتور هيحتاج قصه وهنطلع المكنه بره عشان هيغير اولسيه كرنك خلفى وامامى وجوان كارتيره نيجى بقى لسؤالى
ممكن اعرف اسعار الحاجات دى لو حد عنده معلومه :-
عقربة الفتيس
اولسيه كرنك خلفى
اولسيه كرنك امامى
جوان كارتيره
المصنعيه تبقى فى حدود كام

ولو حد يعرف حد كويس ومضمون يعملهالى عشان انا معرفش شعبان ده نظامه ايه مع العلم انى ساكن فى حلوان
معلش طولت عليكو بس ماليش غير المنتدى واعضاءه الكرام استنجد بهم

بص يا باشا
اتصل بجيرانك م / شريف 01000007195 ساكن فى 15 مايو و معاه نفس العربية بالظبط
و يعرف مركز محترم جدا بتاع زميلنا اوتو ماستر سيرفس بتاع استاذ / محمد طنانى و هتلاقى طنانى هنا فى المنتدى لانه منسق فى قسم اوبل
يعنى الموضوع اسهل من السهولة - و اللى يقولك المكنة تطلع دة عربجى مش ميكانيكى

بعيدا عن المركز
اويل سيل العقربه بس اللى بيتغير
مش كلها

اويل سيل الكرنك الخلفى و الامامى
بيطلع فيهم الموتور لو اكيد انهم ضاربين
الاهم ضربوا ليه
و ممكن تكلمنى و انا تحت امرك

01003222021
فى انتظارك

جوان الكارتيره هو اللى غالى

شوفت قدام عينى اويل سيل الكرنك الخلفى يتم تغييره بدون تطليع المكنه لان المساحات عندنا براح
و جوان الكرتير بيتعمل فل تخين و بيتحط علية سليكون حرارى و بيطلع باشا
و انا هجرب حكاية الجوان دى مع الميكانيكى لانه هو اللى قالى عليها

-اويل سيل عقربه الفتيس سهل جدا بس هتحتاج تعمل جوان ورق حراري للعقربه نفسها لانك لما تشيلها لتغيير الاويل سيل الجوان بتاعها بيتقطع لانه بيبقي لازق من الحراره .
-اويل سيل الكرنك الخلفي يمكن تغييره بدون رفع الموتور , الشغل كله من فجوه العجله الشمال (امام السائق)
الاويل سيل نفسه هايف ومش بفلوس انما علشان تغيره هتفك الفتيس وطقم الدبرياج وترس الفولام !!
-جوان كارتيره الزيت . د هلالي جاب الخلاصه .

والله انا فى يوم حظى النهارة ان عمالقة الاوبل هما اللى ردو على استفساراتى ربنا يخليكو لينا دايما والله انا انتو سبب اساسى انى مشلش الهم وانا بشترى اوبل معلش بتعبكم معايا عشان بس مش عايز يضحك عليا بس وانا كلمت استاذ طنانى وربنا يكرم وكويس ان استاذ شريف طلع من مايو كده طلعنا جيران عشان انا كمان من مايو :d بس هو موضوع طلوع المكنه ده اللى مش عارف انهى الصح