مساء الخير و كل عام و أنتم بخير،
عندى بعض الاستفسارات حول تربيط العفشة و أرجو من الزملاء الاعزاء مساعدتى :)
أولا ما هو تربيط العفشة و ما هى الاجزاء التى يتم تربيطها؟
متى يجب القيام به؟ هل كل فترة زمنية محددة أم كل عدد من الكيلومترات؟
فوائده و مضار عدم الالتزام به.
هل يجب ضبط الزوايا بعد التربيط؟
و أخيرا، أين يمكننى تربيط العفشة؟ هل لازم بالتوكيل (السيارة فى الضمان) أم ممكن فى أماكن أخرى؟
أيضا، أين يمكن تربيط العفشة فى المعادى؟
و شكرا لكم مقدما :)
اهلا يا استاذ أحمد
هو تربيط العفشة بيحصل نتيجة شوارعنا الجميلة المليئة بالمطبات الطبيعية والصناعية وبالتالي بتحس كل فترة ان العربية مفككة من كتر النزول في المطبات دي وبالتالي محتاجة تربيط عفشة (في العادي مع الصيانات الدورية للعربية كل 10 آلاف كيلو بيتعمل تربيط عفشة خاصة لو طلبت).
انا مش عارف بيتربط ايه بالتحديد بس هما بيرفعوا العربية على الكوريك الكبير ومن تحت العربية بيقعد العامل يقرط على كل الصواميل والمسامير اللي قدامه (ده اعتقادي يعني)
الموضوع ده ملهوش علاقة بالضمان لكن لو تحب ممكن تعمله في محطة الخدمة السريعة لميتسوبيشي (مركز معتمد) داخل محطة بنزين موبيل المعادي شارع 9 أمام محطة مترو الانفاق.
أهلا بشمهندس طارق :)
أتمنى أن تكون بخير، شكرا على المعلومة و سأذهب الى موبيل شارع 9 غدا أو بعد غد :)
و أراك قريبا ان شاء الله.
أضافة بسيطة بعد أذنكم
يتم تربيط مسامير وصواميل المساعدين والقنطرة والمقصات
ولا يحتاج ظبط زوايا بعدها