بى تك والفرز الثانى

**A.Saad** · 27-10-2013 11:46 AM

حد سمع عن ان معرض بى تك قرب طريق السويس بتبيع اجهزة فرز تانى بخصم على سعرها
وان الفرز ده مش عيب فى الجهاز لكن بيكون عيب فى الكرتونة والجهاز حالته جيدة
وهل حد اشترى من هناك

**MotorX** · 27-10-2013 12:23 PM

انا طبعا ماعنديش معلومات عن الموضوع ده ، بس اعتقد انه لو موجود هايكون العيب مش في الكرتونة ممكن يكون عيب ظاهري في الجهاز غير مؤثر على عملة ، يعني مثلا تقشير في الدهان ، خبطه خفيفة من النقل او ممكن تكون من الاجهزة اللي بتبقى معروضة في محلاتهم ومعرضة للتعامل الخشن من الجمهور ، وده ممكن يأثر عليها شكليا وليس وظيفيا .

تحياتي .

**fourseasons** · 27-10-2013 12:54 PM

الموضوع ده كان موجود فى راديوشاك وكان اسمه red table وكانت حاجات بتبقى سليمة بس ممكن فيها خرابيش او مشروخة او او لاكن معظمها كانت شغالة لاكن بدون ضمان

**ahmedteam** · 27-10-2013 03:41 PM

يا باشا الفرز الاول اللى هما بيقولو عليه بيبقى كراتينه متبهدله و شاربه ميه من سوء التخزين او التحميل

وكمان ف بلدنا لما يبقى معاك ضمان للجهاز يتدوخ عقبال ما تاخد حقك و خناق و صوت عالى و شكاوى قد كده فما بالك باللى من غير ضمان

نصيحه فى الاجهزه : اشترى من مكان معروف (هايبر او كارفور مثلا) و اشترى ماركه ليها ضمان محترم و معروف اهم من الجهاز نفسه

و دمتم للنضال :)

**ابو لؤى** · 27-10-2013 03:46 PM

اصلا بى تك غالى اوى يعنى تبقى الحاجه برا ب 500 عندهم تبقى 750 يعنى الفرز التانى هتلاقى عندهم بنفس سعر الفرز الاول برا

**mOuStaFa_ERTU** · 27-10-2013 07:23 PM

حضرتك متأكد من مصطلح فرز تانى ده ؟؟
ممكن يكون اوت ليت واختلط عليك الامر عشان هما ليهم فروع كتيره فيها نظام ال اوت ليت ده
وال اوت ليت حاجات مفيهاش اى مشكله خالص بس فات على الموديل بتاعها ازيد من 18 شهر (( موديلات قديمه يعنى )) بس بدون اى تلفيات

**aliabdo** · 27-10-2013 07:32 PM

بص الموضوع عباره عن ان البضايع دى اسمها اوت لت يعنى الى كانت معروضه فى المعارض للناس تتفرج عليها و تجربها و كده او الى حصل فيها خربوش او شرخ اثناء النقل و هى سليمه و كل حاجه بس طبعا مش بحاله الجديد و بتلعمه و فى كياسها يعنى
المعرض الى اعرفه و رحته قبل كده كان فى مدينه نصر فى وش الشارع بتاع سيتى ستارز و بابه من الخلف