ممنوع من السواقة .... ممكن يكون مؤقتا

**MEDO_AHMED2** · 14-09-2008 12:35 AM

انا ممنوع من سواقة العربية ...كنت ماشى بالعربية ومرة واحدة طلع قدامى مطب مشفتوش طرت من فوقية العربية اختلت فى ايدى رفعت هاند بريك العربية لفت 180 وخبطت وهيه بتلف فى الرصيف كان فى ناس وعربية وراية الرصيف دة كان علية كافية قاعد على ناس تبع رئيس مجلس محلى فى منطقة كدا او ناس تبعة المهم من الفزعة جبت تانى وطرت حدفو عليا حاجات وكراسى ازاز طار عليا ( ملحوظة انا كنت فى حتة شعبية شوية ) المهم جريت وقلت الحوار خلص ركنت العربية وبلمعهالقيت كمية من التكاتك والموتوسيكلات هجمت عليا ومسكونى و ضرب للصبح انا حاولت وكان فى مطاوى ودة كلو علشان انا بامرك المهم ناس جت من قرايبى كانو عايزنى اروح القسم ( انا معيش رخص ) المهم فلت منهم وركبت العربية وطرت ركنتها فى جراج وغطيتها الناس الكبيرة اتدخلت و حلو المشكلة مبدايا المهم الاكصدام من قدام مخبوط والقايم الى فوق و العتبة اليمين و بونية فى وشى و تعويرات فى اماكن متفرقة والدى خد المفاتيح وقالى مفيش سواقة قبل متطلع رخص لو طلعت رخص وهخليك تسوق لوموت حد حتى اتحرق مليش دعوة لكن انت عليك 6 شهور حبس الكلام دة لسة دلوقتى حالا انا متخانق معاة ومفيش كلام بينا اعمل اية انا مقتول

**boty50** · 14-09-2008 12:58 AM

مش عارف اقول لك ايه بس

بتسوق من غير رخصة وزعلان؟
كانت سرعتك كام في الموضوع ده؟
جريت بالعربية ليه بعد ماعملت الحادثة؟

انت في حالتك اضربت علشان جريت بعد الحادثة
لو فكرت انك عملت الحادثة بسبب المطب
كانت الناس اللي قاعدة قدرت ده وكانوا ماتصرفوش
زي ما حصل ، ولا ايه؟

كمان انا عاتب علي والدك انه سمح لك بالسواقة
من غير رخصة ، انا بنتي معاها رخصة من 5 شهور
وخايف اخليها تسوق اصلا".

صالح والدك اولا لأنه بيحبك جدا علشان خلاك
تسوق ثم وقف جنبك في الكارثة دي ، ده مش موضوع
سهل علية ابدا" انه يشوفه بيحصل لأبنه.

**blazer** · 14-09-2008 01:24 AM

انا مقدر موقفك اصل عندى 20 سنه
بوص هو الحوار مش كدا
اعتقد هيخليك تسوق بس هيعسفك شويه بس اصبر شهر كدا ولا حاجه قبل اما تطلب منه انك تاخد المفاتيح
و عموما مش مشكله كبيره احنا داخلين على الشتا و الكليات و الحركات دى و
احمد ربنا انك طلعت سليم والخساير فى الحديد ومفيش حد اتعور ولا حصل حاجه

**fahd_628** · 14-09-2008 01:27 AM

بصراحة اكتر خطأ عملتة انك رفعت الهاندبريك دية حركة غلط خالص خالص خالص خالص و لازم العربية تلف منك

مش عارف لية الناس دائما بترفع الهاندبريك فى المواقف انا بنت عمتى كانت راكبة مع واحدة صحبتها و فجأة واحد وقف قدامهم قامت رافعة الهاند بريك و طبعا قعدو يلفو و الحمد لله ربنا ستر و متقلبوش ( سيتروين سى 3 )

**momenhamdy** · 14-09-2008 01:34 AM

معلش قدر الله ما شاء فعل ......... علي فكرة يا جماعة ساعة القدر لما بيحصل انت مش بتعرف انت بتعمل ايه لان عنصر المفاجئه بيسيطر عليك في اللحظة دي ............. بس برده دا ميمنعش انك غلطان لانه من الاساس غلط السواقه من غير رخصه ........... و علي فكرة لازم تصالح والدك و تحاول تهون الموضوع عليه علشان بيني و بينك لو كان في حد حاصلة حاجة كنت حتروح في السلامه اساساً .............. و ربنا يسترها ............ و رمضان كريم