السلام عليكم ورحمه الله ..انا امبارح كنت مسافر والعربيه كانت تمام وانا راجع بقي لقيت الكهربيه بتاع العربيه بتعلي وتوطي يعني مروحه التبريد صوتها بيتغير والكلكس صوته بيتغير والعربيه بتتقل وتخشن وترجع تاني كويسه وترجع تخشن تاني ...ايه السبب فى ده ؟؟
عرض للطباعة
السلام عليكم ورحمه الله ..انا امبارح كنت مسافر والعربيه كانت تمام وانا راجع بقي لقيت الكهربيه بتاع العربيه بتعلي وتوطي يعني مروحه التبريد صوتها بيتغير والكلكس صوته بيتغير والعربيه بتتقل وتخشن وترجع تاني كويسه وترجع تخشن تاني ...ايه السبب فى ده ؟؟
صديقي المواطن
كشفتلي على شحن الدينمو وتسليكاته وقطاشات البطارية واﻷرضي بتاعها جايز الشحن أقل من 13 ونص وجايز التوصبيلات محتاجة مراجعة ولو البطارية قديمة وميه ممكن يحصل فيها قطع داخلي وممكن سير الدينمو بيودع أو بيقطع أو مرتخي وممكن كتاوت الدينمو بيشاور نفسه يعطل المهم تروح كهربائي نظيف يراجع ويقيس منظومة الشحن ونصيحة أي يوم الدينمو بتاعك حيودع إياك تجيب نفس أمبير العربية دايما خد أمبير أعلى
وبالتوفيق وإلى اﻷمام ومن نصر إلى نصر
ودمتم للنضال
طيب ليه اجيب امبير اعلي من بتاعها؟؟
سير الدينمو مرخى شد السير وشيك على البطارية ....
سياتك راجع على شحن الدينمو
و الوصلات و الكتاوت الشحن و السير
و شوف كدة الارضى متثبت كويس و له لالالا
وراجع على البطارية
طيب صوت الموتور بيعلى وبيوطى؟؟؟
العربية بتنتش منك وانتا ماشى؟؟؟؟
اخبار السحب معاك ايه؟؟؟
دى كلها مشكلة اسبرتير وبوجيهات........
اما بالنسبة لموضوعك اعتقد حاجة من الأثنين اما سير الدينمو مرخى او علية زيت او الكتاوت فيها مشكلة وياريت بلاش الكتاوت الخارجية هات الكتاوت الاصلية اى نعم حتدفع اكثر بس النتيجة باذن الله مضمونه ولو عاوز تركب الكتاوت بنفسك انا ممكن اشرحلك بالصور بس لما تنوى تغير....
[QUOTE=sakr1964;3875255046] طيب صوت الموتور بيعلى وبيوطى؟؟؟
العربية بتنتش منك وانتا ماشى؟؟؟؟
اخبار السحب معاك ايه؟؟؟
دى كلها مشكلة اسبرتير وبوجيهات........
اما بالنسبة لموضوعك اعتقد حاجة من الأثنين اما سير الدينمو مرخى او علية زيت او الكتاوت فيها مشكلة وياريت بلاش الكتاوت الخارجية هات الكتاوت الاصلية اى نعم حتدفع اكثر بس النتيجة باذن الله مضمونه ولو عاوز تركب الكتاوت بنفسك انا ممكن اشرحلك بالصور بس لما تنوى تغير....[/QUOTEصوت الماتور بيعلي ويوطي والعربيه بتتخنق ..والسحب مخنوق بردو والعربيه مبتجبش اكتر من 110
هو الكتاوت لما اتحرق الميكانيكي ركب ده من عنده مكنش فيه الداخلي ..الاصلي بتاعه اجيبه من عند بتوع قطع الغيار هيبقي كويس ولا سكه ؟؟
تمام ياعم صبحي ..يعني الكهربا الزياده سببها الكتاوت ..والسحب من البواجي
انا مقلتش كدا ممكن يكون ضعف وقوة الكهرباء سببها بوجيه بقطع يعنى علشان نشخص المرض صح لزم نعرف العرض وحضرتك قلت انو السيارة بتنتش والسجب ميت وصوت الموتور بيعلى ويوطى يبقى اكيد فى بوجية بيقطع ودا اللى بخلى الموتور يوطى فبكدا الدينمو يضعف *
اما زيادة الكهربا دا موضوع تانى اكشف بس على البوجيهات والوصلات وخدها كدا خطوة خطوة انتا ممكن تكشف على البوجيهات بنفسك دور العربية وانزل افتح الكبوت وشيل وصلة او بوجية وراقب حركة وصوت الموتور لو تغير يبقى البوجيه شغال لة لم يتاثر صوت او حركة الموتور يعنى زى عدمة يبقى البوجيه دا تالف وخدهم واحد واحد....*
هيا مش بتنتش ياعم صبحي السحب بس الي ضعيف والكهربا مش بتوطي الكهربا بتعلى فجاه وترجع زي ماكانت تاني .لو بوجيه او سير المفروض الكهربا هتقل ..صح ولا انا كلامي غلط؟؟
بالبلدى كده انت لما بتدوس بنزين بتحس ان نور العربية بيزيد وتحس ان نور الطابلوه بيزيد برده كده هيبقى الدينامو عندك فيه مشكلة وده هيبان لما تروح تقيس الشحن بتاعه وتقيس الشحن مرتين مرة والانوار مطفية وساعتها لازم الشحن يكون فوق 13.5 ومرة والانوار شغالة وساعتها الشحن لازم يكون لايقل عن 13 ان مكنش 13.5 ولو الدنيا عندك طلعت غير كده يبقى الدينامو عايز يتفور ويتعمل صيانة ليه
طيب أنا عنديييييي ملاحظة ابتدت تظهر معايا من كام يوم
لما اجي ادور العربية أحس العربية بتعتل فى الدوارة لو اللفظ صحيح يعني بحس ان البطارية نايمة والمش بيقوم بصعوبة ومتدور العربية وفى تاني محاولة العربية تدور عادي من غير تعتيل أو أى شيئ
والكلام دة ظهر عندي بعد فك الاسبراتير ومحاولة ظبط الكهربا أكتر من مرة
ياتري فيه علاقة بين الاتنين
اشكرك يا استاذ صبحي على الملاحظة
أنا غلب حماري من ظبط السلانسية والكهربا
العربية دايرة تمام وصوت الموتور معقول
بس المشكلة الموتور مبقاش يعرق ماية زي الاول والصوت اللى بقولك علية
هوة السبب الاسبراتير لحد دلوقتي مش عارف الظبطة المثالية لانه اتفك واتغير مكانة ومش عارف اذ اكنت ظبطة ولا لاء
الــ rpm عندي على عشرة وأنا قاصد يبقي على عشرة
بظبط السلانسية كتالي
1- بقفل مسمار الهواء للاخر وبفتح المسمار بمقدار لفتين ونص تقريبا
2- بببتدي اظبط مسمار البنزين
3- بفك الاسبراتير ولاني مش عارف مكانة القديم فبعمل اية احرك الاسبراتير لحد ملاقي العربية هتبطل وبتدي ازود سنة سنة لحد صوت الموتور يبقي كويس والموشر ثابت على عشرة والعربية مبتصقفش ......... دة اللى انا بعملة مش عارف دة الصح ولا ليك تعليق
طيب لو راجع من مشوار ووقفت المؤشر برضو بيبقى على 10 ولا اعلى شوية ؟؟؟؟؟
بص يابوحميد لما بنظبط كهربة العربية فى الصباح بيبقى عدد لفات الموتور 700يعنى المؤشر فوق النص(7) ولما تمشى مشوار وتقف يبقى المؤشر على 10 دا الظبط المثالى للاسبرتير....
طبعا بيختلف وضع الاسبرتير يعنى دى مش اسطمبة ثابتة يعنى انا شفت عربيات فيها الاسبرتير يااااااااااا متغير خالص عن اللى عندى....*
بص يابوحميد احنا بنبداء اول بالسبرتير الصبح كدا دور العربية وطبعا تكون مهوى على مسمار الاسبرتير الصمولة ال10 وتابع صوت وحركة الموتور وايضا عداد الار بي ام او عداد لفات الموتور عندك والظبطة التمام يكون العداد على 7 يعنى 700لفة دا الصبح وتابع صوت الموتور وصوت التكيهات وايضا حركة الموتور اهتزازة درجة ثباتة خلاص كدا وصلة لأقصى درجة ثبات واقل صوت والعداد ع 700 بطل العربية وحرق على الاسبرتير خلى بالك لو الصوت عالى شوية والعداد على 700 يبقى حنوطى السلانسية شوية زى ماحقولك....
السلانسية بقى مسؤل على دوام حركة الموتور اثناء التوقف هو شغلتة يسمح بمرور كمية من البنزين داخل الكاربرتير لضمان استمرا دوران المحرك بس ملهوش فايدة تانية طيب لما يكون البنزين كتير اكيد صوت الموتور حيعلى فنبداء نقفل عليه سنة الى ان نصل الى الثبات وقبول الدوران عند بداء الادارة والموضوع كلة صوت وثبات الموتور....
لو عاوز تظبط الأسبراتير الخطوات كالتالى والعربية مبطلة :
حتفك البوجية رقم 1
حتفك غطاء الأسبراتير
وترفع العربية من الجنب اليمين وتعشق غيار 4
تلف العجلة اليمين وتحط مفك فى مكان البوجية فى السلندر 1 لغاية لما تلاقى البستم يبقى فى اعلى مستوى ليه فى السلندر
تحط اتجاه الشاكوش فى الأسبراتير على اتجاه طرف السلك رقم 1 ولو مش مظبوط تلف جسم الأسبراتير لغاية مايبقى اتجاه الشاكوش على 1
تقفل غطاء الأسبراتير و تدور وتسخن العربية و لما المروحة تدور توطى مسمار البنزين خالص لغاية rbm 5 وتحس بهزة الموتور وتبدء تظبط الأسبراتير مع دوس دواسة البنزين من الكاربراتير لغاية مالعربية تبطل تسقيف وبعد كده تظبط مسمار البنزين على 7rbm
تحياتى !!
رحت للكهربائي امبارح وطلع العيب فى كتاوت الدينامو وظبطته وبقت تمام..لسه بقي عايزين نظبط البواجي والاسبراتير الملعون الي عمره مايتظبط :)
طيب يا جماعة كيف يتم عمل الكلام ده مع فليشيا 2000انجكشن اي ظبط الكهرباء والبنزين لان علي ما اعتقد الامر يختلف بعض الشئ عندي ولا انا غلطان لاني من النوع الجرئ حبتين وبحب اعمل كل حاجة بايديا ولما الظروف بتخرج من ايدي واذهب لمكانيكي ولا كهربائي ببقي لزقة بغرة جنب منه لحد ما اعرف هو بيعمل اية بالظبط لان انا دائما بامن بان كل الناس سواسية في هبة العقل ومحدش اتولد لمكانيكي ولا كهربائي
كلام جميل انا بعمل كل ده و تقعد اسبوعين الار بي ام ينزل لوحده علي 5 ارجع اظبط تاني و هكذا ليه كل ده
فية احتمال يكون مسمار البنزين خفيف وبيحل لوحدة انا مسمار البنزين فى عربيتى بالفة بصعوبة وتقيل لو المسمار خفيف ممكن تغيرة بواحد سليم ؟؟؟
بالنسبة للانجكشن الوضع مختلف فية وحدة كومبيوتر وحساسات والبوابة ودة بديل للكاربراتير بيضبط الشرارة وحقن البنزين للموتور حسب طريقة السواقة واحتياج الموتور للبنزين وده طبعا اوفر فى البنزين لكن لايمكن ظبطه يدوى لازم تحط العربية على كومبيوتر الأعطال علشان يظبطلك توقيت الشرارة وكمية البنزين اللى داخلة فى الموتور
وده مختلف عن الكاربراتير علشان كده انا شخصيا بافضل الكاربراتير عن الأنجكشن بسبب سهولة التعامل مع الكاربراتير فى الظبط اوالتنظيف بالأضافة للبنزين القذر اللى بنفولة فى مصر حتى لو بتفول 95 بيعمل مشاكل للرشاشات والحساسات فى المواتير الأنجكشن وخش فى متاهة الكومبيوتر والحساست
ملحوظة : بلاش تكتب باللون الأحمر احسن تتعرض للوقف
تحياتى !!
انا متشكر جدا علي الاهتمام والرد والكتابة بالاحمر المقصود منها لفت الانتباه لسؤالي فقط لاغير