الموضوع: مركب اكصدامات عاديه ومش راضيين يرخصوا إلا لما اشيلهم !! مرور المنصورة

المشاركة الأصلية كتبت بواسطة bedos

السلام عليكم ورحمة الله وبركاته
معايا عربية بي ام e30
المهم زهقت من شكل الاكصدامات الحديد وركبت طقم الام بتاع العربيه عادي بس فايبر
لا فيه تنفيخ ولا فيه اي زواد والعتب العادي الاستندرد بتاع العربيه
العربيه لا متهبطبه ولا فيه اي نوع من انواع التنفيخ والشغل دا نفس اكصدامات العربيه بس فايبر

رحت ارخص الظابط قالي مش هينفع شيل دول وركب الحديد ومش هرخصلك كدا لو عملت ايه !!! كدا العربية هتبقى عل الصاج ياحج مفيش فايده

حسبي الله ونعم الوكيل

دلوقتي صعب اني اشيل الفايبر وخاصة اني لسه راشش العربيه
اتنين الاكصدامات الحديد دي مش متوفرة
تلاته لو شلتهم هحتاج ارش العربيه تاني وادخل في فيلم وشكلها هيبقى وحش وهخسر تمن الفايبر اللي انا عملته

هل فيه حل اروح لحد تاني في المرور اقنعه اكلمه لان فعلاً العربية ستوك يعني دا مش تنفيخ

واحد قالي انقل محل اقامتك 6 اكتور وافحص هناك وبيعدوا العربيات المتنفخه جامد ولونين ومش عارف ايه

فا مش عارف اعمل ايه بصراحه

معلش طولت عليكم

اسف

بص يا سيدي حل موضوعك في اتجاهين لا ثالث لهم .

الاول : تروح تلاغي مهندس الفحص بمبلغ مش بهدف انه يمضي ..... لأ بهدف انه يبلغك بالضابط اللي ممكن يعديهالك ( اكيد الضابط الرخم ده مش لوحده في المرور ومش بيجي كل يوم ) او على الاقل فالمهندس يشوفلك سكه لانهم عارفين سكك بعض كويس .

الثاني : تنقل ملكيه العربيه لابوك او اخوك ( علشان ما تنقلش محل الاقامه لانه بياخد وقت ) وترخص في مرور تاني بس دي مخاطره لانك ممكن تلبس ظابط ارخم من الاولاني .


انا شخصيا لو مكانك هفضل ورا الحل الاول واكيد هتعدي لان الموضوع مش كبير .