مركب اكصدامات عاديه ومش راضيين يرخصوا إلا لما اشيلهم !! مرور المنصورة

**bedos** · 27-10-2013 05:44 PM

السلام عليكم ورحمة الله وبركاته
معايا عربية بي ام e30
المهم زهقت من شكل الاكصدامات الحديد وركبت طقم الام بتاع العربيه عادي بس فايبر
لا فيه تنفيخ ولا فيه اي زواد والعتب العادي الاستندرد بتاع العربيه
العربيه لا متهبطبه ولا فيه اي نوع من انواع التنفيخ والشغل دا نفس اكصدامات العربيه بس فايبر

رحت ارخص الظابط قالي مش هينفع شيل دول وركب الحديد ومش هرخصلك كدا لو عملت ايه !!! كدا العربية هتبقى عل الصاج ياحج مفيش فايده

حسبي الله ونعم الوكيل

دلوقتي صعب اني اشيل الفايبر وخاصة اني لسه راشش العربيه
اتنين الاكصدامات الحديد دي مش متوفرة
تلاته لو شلتهم هحتاج ارش العربيه تاني وادخل في فيلم وشكلها هيبقى وحش وهخسر تمن الفايبر اللي انا عملته

هل فيه حل اروح لحد تاني في المرور اقنعه اكلمه لان فعلاً العربية ستوك يعني دا مش تنفيخ

واحد قالي انقل محل اقامتك 6 اكتور وافحص هناك وبيعدوا العربيات المتنفخه جامد ولونين ومش عارف ايه

فا مش عارف اعمل ايه بصراحه

معلش طولت عليكم

اسف

**amer_wageh** · 27-10-2013 06:11 PM

واللة حرام اغير محل اقامتى علشان ارخص العربية ... بس هى الفكرة هتنفع وانا اسمع ان مرور اكتوبر اسهل و محترم في التعاملات و ربنا يكمل ترخيصك علي خير انشاء اللة

**hugan** · 27-10-2013 08:30 PM

لاغي مهندس الفحص

**egyption2012** · 27-10-2013 09:12 PM

ادخل لرئيس الوحدة

**bedos** · 28-10-2013 01:05 AM

المشكلة كلها مش في مهندس الفحص

مهندس الفحص وقع وخلص الموضوع بتاع الفحص

اول حاجة عديت على الشخص اللي بياخد البصمات ودا خلصنا منه المهندس فحص على الارقام وفحص كل حاجة تمام والمهندس مرضاش ياخد اي فلوس ومقالش حاجه

الظابط اللي في الاخر بيوقع بس على ورقة الفحص قالي لا مش هوقع وقام معلم على الورقه بالاحمر ان فيه زوايد في العريبه !! وطبعاً دا مش هياخد فلوس

**bedos** · 28-10-2013 01:07 AM

إذا لا علاقة لمهندس الفحص بالموضوع تماماً لانه وقع وخلص دوره
المشكلة كلها في الظابط للاسف !!

**eslamrace** · 28-10-2013 01:40 AM

لو انت فعلا مش مخالف وشايف ان الموضوع قانونا صح حاول تشتكى لمدير الاداره بتاعه المرور عندكم او قدم شكوى فى وزاره الداخليه يمكن يكون الظابط بيتلكك فانت لو قدمت شكوى يمكن يتنظر فيها وينقلوه ولو محصلش ابقى اتصرف وانقل محل اقامتك وامرك لله .بس على فكره انا كنت زيك واضطريت ارجع التعديل اللى كنت عامله لحد معدت من الفحص ورجعتهم تانى لانى بصراحه اتكسفت اشتكى لحد وانا اصلا واضح انى مخالف للقانون اللى ممكن نتفق كلنا انه غلط بس يفضل قانون وشغله الضابط ينفذه .
ربنا معاك وتخلص على خير .

**aldesha989** · 28-10-2013 03:25 AM

الظابط ده اصلآ المفروض ملهوش دعوه بالعربيه لان المهندس خلص فحص والظابط ده بيمشى على الورق ويختمه بس ملهوش دعوه باى حاجه تانيه المفروض يمضى على الطفايه وورقة الفحص وبس
ادخل لرئيس الوحده هتلاقيه ظابط اكبر من المعفن التانى ده
جرب مش هتخسر حاجه قبل ما تعمل حاجه فى العربيه او تنقل مرور تانى ولا حاجه

**bedos** · 28-10-2013 03:51 PM

والله اعتقد ان اللي فوق عمره ما هيرجع كملة اللي تحته او بالصح مش هيبقى فيه فايده
انا بشوف طريقة تانيه ناس من اللي بتخلص منفعش خلاص بقى هسلك احد ا لطريقين وخلاص

-

الموضوع: مركب اكصدامات عاديه ومش راضيين يرخصوا إلا لما اشيلهم !! مرور المنصورة

LinkBack

أدوات الموضوع

عرض

-

-

-

-

المواضيع المتشابهه

الظابط مش راضي يرخص العربيه اعمل ايه - مرور المنصورة

رخصة قيادة من مرور المنصورة

نيابة مرور المنصورة حدث ولا حرج!!!!!!

خطوات نقل الملكية وتركيب النمر الجديدة في مرور المنصورة

لاخواننا اللى ناويين يرخصوا اليومين دول(تجربه شخصيه)

الكلمات الدلالية لهذا الموضوع

المفضلات

المفضلات

ضوابط المشاركة