انا بحثت فالمنتدي علي المواضيع الخاصه بتعديل شكل التابلوه وألوانه ملأتش موضوع فيه تغيير جذري غير بعض الاضافات او التعديلات اللي متناسبش جميع الماركات فحبيت اضيف الموضوع ده علشان الناس تعرف ان أي حاجه في تابلوه عربيتك ممكن تتغير للشكل واللون اللي تتمناه وبكل سهوله انشاء الله.
وده مش كلام وانشاء الله حرفع صور قريب لبعض الاعمال اللي قمت بها مؤخراً واتمني انها تعجبكوا.
بالتوفيق ان شاء الله
ومتابع معاك كل جديد
صديقي المواطن
سر ونحن ورائك ومنتظرين الجديد وبالتوفيق وإلى اﻷمام ومن نصر إلى نصر
ودمتم للنضال
انا بحاول ارفع الصور مش عارف بيديني الموقع تحت الاصلاح
جارى عمل صيانة ... برجاء عمل اعادة تحميل للصفحة
باشا انا مش عارف اشوف الصورة ياريت تحاول ترفعهم تاني
في مشكلةفيهم
انا رفعتهم علي موقع الرفع بتاع المنتدي اللي هو نايل اب وعموما جرب كده اللينك بتاع الصور علطول أههو:
http://nileup.com/up/watermark.php?s...891652.jpg&p=c
http://nileup.com/up/watermark.php?s...891651.jpg&p=c
لا بجد تسلم ايدك شغل حلو وتغير جميل
بس هل كده الشغل بيقف علي العداد ولا بيكون في تغير في اضائات اخري في التابلوه زي التكيف مثلا والانتظار وكده
بس الله ينور عليك
ﺷﻐﻞ ﺟﻤﻴﻞ
ﻭﻋﺎﻳﺰﻳﻦ ﻧﻌﺮﻑ ﺍﻟﻂﺮﻳﻘﻪ
ﻭﻟﻮ ﺑﺮﺳﻢ ﻛﺮﻭﻛﻰ ﻟﺘﻌﻢ ﺍﻟﻔﺎﻳﺪﻩ
ﻭﺷﻜﺮﺍ
اصعب حاجه بتتغير هي الأضاءه بتاعت العداد لكن باقي التابلوه بيتغيير عادي سهل اما بالنسبه لطريقة التغيير نفسها كان نفسي اعرفهالكو طبعاً بس ده سر المهنه يا استاذ عادل وصدقني صعب جداً تنفيذه حتي لو شرحته لأنه محتاج حرفه وادوات ده لوحتغيير بنفس خرايط الفابريكه لكن لو حتغيير الخرايط تماماً فالموضوع سهل جداً بس لو لاقيت الخريطه باللون اللي انت عايزه وتركب علي تابلوه عربيتك.
عذراً اخواني لا أقصد منع معلومه والله.
مع العلم ان التابلوه اللي فالصوره هو تابلوه نيسان صني ٢٠١١ وهو كما معروف اضائته صفراء و لونه بالنهار فضي وفالصوره المرفقه ستجد ان التعديل تم في لون الاضاءه فقط يث ادخلت عليه بعض الاحمر وتغيير الاضاءه الصفراء الي البيضاء وده ذوق اللي طالب.
الله ينور يا باشا...طيب لو حبيت أغير عدادات صني 2006 لونها الأرضيةأبيض أو فضي تقريبا زي مانت عارف و بليل بيخلي شكل الاضاءة الضعيفة أساسا مشلول. ليها حل عندك؟
لو عملت شبها..ابعت صورة ...و لو حابب أعملها عندك تكلفني كام؟
لو في تليفون أكلمك عليع يبقى أفضل
و ده تليفوني
01001124438
مفيش عداد ملوش حل وده رقمي ٠١٠٩٥٤٧١٧٧٧
شغل تحفه ما شاء الله
بس عايزيين نعرف رنج الاسعار والعنوان بتاع حضرتك
لسعر ٢٥٠ الي ٤٥٠ علي حسب حجم التابلوه وجاري رفع صور اخري انشاء الله
وشكراً علي الردود والله رفعتو روحي المعنويه لأني بلائي الناس مبتهتمش بالتابلوه اصلاً
شكراً
عايز أغير لون لمبات عربيتي (318is) من البرتقالي إلى الازرق
التغيير هيكون في العدّاد والتكييف والساعه (3 قطع هتتفك من مكانها)
هتتكلّف كام ؟ سمّعني سعر مشجّع حتى لو على الخاص
شرطي الوحيد إن الحاجه ترجع مكانها وتكون أنظف وأفضل من الأول . قولت ايه ؟
وهستأذنك في حاجه . هل في إمكانية تربّطلي كل مسامير التابلوه والدرج والحتة الّي تحت الدركسيون
لأني بسمع أصوات مزعجة (لخلخة) في المطبات والحفر
مكان حضرتك فين ؟
كل حاجه حتكون زي مانت بتحلم وده وعد ومكاني فالهرم ورقمي مكتوب عند سيادتك والسعر حنوصل للي يرضينا احنا الاتنين انشاء الله متشلش هم.اقتباس:
المشاركة الأصلية كتبت بواسطة m.elqabbaney
منتظرين الصور اخى الفاضل
احيك على شغلك الرائع يا باشا ويهمني اعرف برضه رأيك في العداد بتاعي ... انا برضه غيرت اضائته بنفس طريقتك لانها كانت مشروحة قبل كده في المنتدى ...العربية لانوس ...
قبل
http://im31.gulfup.com/UH2fI.jpg
بعد
http://im31.gulfup.com/mJrJ7.jpg
باشا ممكن تعمل اضاءة للانوس زي اللي في الفيديو ده بالضبط ؟؟
zegary lanos cyniu88 Daewoo Lanos Dash Dashboard Lighting (Night) - YouTube
طبعاً مجرد الوصول انك تغيير الالوان الاصليه ده شئ رائع ولكني للأسف لا أقبل فروق فالألوان والاضاءه الواضحه وكأنها شخبطة ألوان فلوماستر من الخلف ولا أظن بعد مرور الوقت ان العين ستري العداد وكأنه فابريكه لانه فعلاً مش فابريكه.
واذا كان هناك شرح لكيفية تغيير الالوان فأنا واثق من انه لا يشمل جميع عدادات السيارات فالخرائط انواع بعضها يقبل المسح بسهوله وبعضها لن يمسح حتي بإستخدام المواد الملتهبه وبعضها مع استخدام الماد الملتهبه يصيب الخريطه بالتنميل وده شي مستحيل معالجته والبعض الاخر بيسيح الارقام الشفافه علي الظل وده برضه مستحيل معالجته للرجوع لحالة الفابريكه.
ولكن في حالة سياراتك الانوس فلا عائق قابلك والحمد لله في مسح الالوان الاصليه للخريطه ولكن رغم ذلك لا يبدو العداد وكأنه ميه واحده وذلك لاستخدامك للألوان لاضافة الاضاءه الجديده وصدقني هذا لا يصح تماماً.
شكراً للمرورك الكريم.
لو ده اقصي طموح لسيادتك فده أسهل حاجه الحمد لله اعرف اوصلهااقتباس:
المشاركة الأصلية كتبت بواسطة abo_lamar
طيب ممكن اعرف التكلفة حتكون كام تقريبا ومده الشغل في العداد ؟؟اقتباس:
المشاركة الأصلية كتبت بواسطة elwan117
بتعمل الكلام دا في الفولكسفاجن بييتل 1970 ؟ عايز اركب عداد مضيء وحلو كدا
ما شاء الله
حضرتك عندك امكانية اضافة تطعيمات نيكل للتابلوه حسب طلب صاحب العربية ؟
التكلفه كما ذكرت من ٢٥٠ الي ٤٥٠ ومدة الشغل حتكون من ثلاثة ايام الي اسبوع ، حتعدي عليا بالهرم ممدة نصف ساعه حفك اللي محتاج يتعدل عندك وحضرتك تتحرك بعربيتك عادي بس من غير عدادات فتكون عارف فيها اد ايه بنزين مثلاً.اقتباس:
المشاركة الأصلية كتبت بواسطة abo_lamar
وفخلال الفتره المتفق عليها حترجعلي نص ساعه اركبلك اللي اتعمل انشاء الله
بص هو انا معملتوش قبل كده بس ده ميمنعش اني انشاء الله اعرف اعمله.اقتباس:
المشاركة الأصلية كتبت بواسطة edoameen
عندي يا معلماقتباس:
المشاركة الأصلية كتبت بواسطة تامر.محمد
متابع
والله حاجة جميلة ... تسلم ايدك عاوزين نشوف بقى شغل التابلوهات
طب انا في الهرم .....عنوانك فين وممكن رقم تليفون .....انا معايا صني 2003 وغالبا نفس عداد ال 2011 ؟؟اقتباس:
المشاركة الأصلية كتبت بواسطة elwan117
انا في شارع ابن بطوطه محطة مدكور مابين فيصل والهرم ورقمي مذكور من قبل ٠١٠٩٥٤٧١٧٧٧.اقتباس:
المشاركة الأصلية كتبت بواسطة george yousef
لو سمحت انا عايز اغير تابلوه عربيتي ومش لاقي منها ولا جديد ولا مستعمل
هيا عربيه شارد موديل 83
هل ف امكانيه عن حضرتك لتصنيع طابلوه جديد مع التعديل فيه ويبقي شيك كده وفخم
ولو ف امكانيه هيتكلف ف حدود كام
او الرنج يعني
ارجو الرد بسرعه