الموضوع: تعرف اكثر علي دين الولايات المتحدة الامريكية

المشاركة الأصلية كتبت بواسطة mohamed -moham

الحل الوحيد العودة الي قاعدة الذهب كقاعدة دولية للتعامل زي زمان

مش هينفع لان ذهب العالم كله اصبح خلاص لا يغطى قيمة النقد اللى فى العالم و العالم ينتج سنويا حوالى ما قيمته فقط $ 12,805,000,000 ذهبا:
HowStuffWorks "How much gold is there in the world?"

و ده طبعا مبلغ كلام فارغ بالمقارنة بميزانيات الدول و مصاريفها
اضف لكده صعوبة التعامل بالعملات الذهبية فى الحياة اليومية فى مقابل سهولة العملات الورقية اللى بيتعمل منها كل الفئات من الربع جنيه لل 200 جنيه

اضف لكده كمان انه اصلا العملات الورقية بتلف تلف و ينتهى بها الامر الى انها تصبح مجرد رقم فى حساب بنكى لاحد الافراد او المؤسسات...... بعكس الذهب اللى بيحتاج تخزين فى اقبية (جمع قبو) خاصة مؤمنة فى البنوك المركزية و كمان صعوبة نقله من دولة لدولة كثمن للسلع بعكس العملة الورقية اللى بيتم نقلها بضغطة زر على الكيبورد يتم بها التحويل البنكى للاموال بين الحسابات

و هكذا

موضوع دين امريكا كان عبارة عن لعبة سياسية بين الجمهوريين و الديمقراطيين بس قلبت بغم شوية وسط عناد من الطرفين..... لكنها انتهت لانها لازم تنتهى و الا نتائجها على الاقتصاد العالمى هتكون كارثية و هو الشئ الذى يصعب حدوثه و يكفى ان الصين كانت اكتر دولة ناشدت امريكا انها تنهى الازمة دى لانها ببساطة اكبر مستثمر عالمى فى سندات الخزانة الامريكية......

الخلاصة ان النظام المالى العالمى الحالى مصمم بنظام محكم و مش من السهل انهياره رغم ان ده وارد كأحتمال بس هيتطلب حدث زلزالى الطابع ...... كمان اقتصاد الدول متداخل فى بعضه بشكل كبير جدا لدرجة انه زى ما قلنا مثلا مش من مصلحة الصين ابدا ان امريكا تقع اقتصاديا رغم المنافسة الكبيرة اللى بينهم

و هكذا