أهل الخبرة فى السماعات الصوتية 5.1 !!
السلام عليكم
مبدئيا كده عايز أجيب سماعات 5.1 ومش عارف أجيب ايه بالظبط عشان ماليش خبرة فيهم
ومش عايز هوم ثيتر عشان مش محتاج الديفيدى روم وقولت اجيب سماعات فقط
الانواع كتير ودورت كتير وتوصلت لشركتين وعلى حسب الريفيوهات انهم ممتازين هما Edifier و Logitech
1- ايه رأيكوا فى النوع ده Edifier C6XD 5.1 ؟
C6XD | Edifier
http://www.loa.com.vn/image/speaker/...ier_C6XD_2.jpg
والموقع بتاعهم عليه بالظبط 5 انواع 5.1 ومستبعد موديل S550 عشان غالى ب 3500 تقريبا
ومعرفش بقية الموديلات أسعارها ايه وانهى أفضل
انا اللى خلانى اقول النوع ده بالتحديد انى لقيته فى الموقع ده ! ب 1700 جنيه ومش لاقى خيارات كتير فى الحدود دى
Edifier C6XD 5.1 Speaker System With Optical And Multiple Connections | Price in Egypt سعر فى مصر | Maximum Hardware
هل الموديل ده كويس والصوت نقى ومحيطى فعلا؟ والبيز كويس ؟
وبيدعم صوت DTS ؟
استخدامى هيكون أفلام بلوراى DTS وممكن اغانى
2- سعرها كده كويس؟ وممكن ألاقيها فين ووكيل الشركة دى فين؟
انا هوصلها على تليفزيون 47 بوصة وكمان عايز أوصلها على اللاب
3- هل ينفع أوصلهم الاتنين مع بعض بالسماعات؟
وبخصوص اللاب هيتوصل ازاى ؟ انا كنت قريت انهم 3 وصلات تقريبا طب ازاى هشغل السماعات على اللاب؟
وبخصوص وصلة أوبتيكال موجودة فى الموديل ده؟ وممكن أوصلها بالشاشة مثلا؟ انا معلوماتى عن الوصلة دى معدومة بس بيقولوا انها أحسن حاجة !
لو فى حاجة أحسن فى حدود الميزانية دى اوكى مفيش مشكلة ترشحولى ايه؟؟
وياريت يكون بريموت لاسلكى
انا حاسس ان الموضوع ده هيفضل ذكرى خالدة عندى بعدم الردود هههههههههههههه
بس انا عشمى فيكوا كبير :) :tumb: