العربية بتنتش و لمبة التشك بتنور

**amr_adel00** · 28-10-2013 06:16 AM

السلام عليكم يا شباب,,
دلوقتى انا عندى مشكله ان العربيه ساعات تبقى ماشيه كويسه جدا و ساعات تنتش كده و تفضل تقطع بس مش بتبطل و احيانا بلاقى لمبة التشيك بتنور و اوقات تانيه مش بتنور..
روحت حطيت العربيه على الجهاز قالى مفيش اى اعطال حسيت انه مش تمام و لسه فى حاجه غلط سيبته و روحت لواحد تانى كشف و قالى ده حساس الشكمان بايز
هو كانت قرايته ما بين 300 الى 400 هى متغيره بس مش بتعدى ال 400 و انا اصلا مغير الحساس ده من سنة تقريبا عامل مثلا 25000 كيلو و كان الاصلى..
هل بقى لو الحساس بايز يخلى العربيه ساعات تنتش و تقطع كده ؟؟
اعمل ايه دلوقتى ؟؟ ممكن افاده..
اسف على الاطاله

**MITSUKERO** · 28-10-2013 08:26 AM

هتعمل ايه يعني هتغيره تاني و امرك الي الله بس اتاكد الاول عند حد بيعمل اسكان بيفهم

**xero4zero** · 28-10-2013 08:55 AM

نصيحتى هى إنك تروح مركز صيانة معتمد أو التوكيل مش كل الناس بتفهم رسائل الخطأ بتاعة الكمبيوتر .... باشمهندس أشرف فى مودرن سيرفيس (عند السندباد) راجل محترم

**Ahmed-SAMIR** · 28-10-2013 09:38 AM

متهيألى التنتيش ده من حساس الماب ومبدأيا ممكن تتأكد من الخرطوم الرفيع اللى داخل للحساس بيكون ممسوك فى جسم الحساس بجزء كاوتش ...اتأكد ان الكاوتشة دى سليمة وحالتها كويسة مش مشققة ولا مقطوعة

**Eslam.Adly** · 28-10-2013 10:08 AM

المشاركة الأصلية كتبت بواسطة ahmed-samir

متهيألى التنتيش ده من حساس الماب ومبدأيا ممكن تتأكد من الخرطوم الرفيع اللى داخل للحساس بيكون ممسوك فى جسم الحساس بجزء كاوتش ...اتأكد ان الكاوتشة دى سليمة وحالتها كويسة مش مشققة ولا مقطوعة

المشكلة دى شهيره اوى فى اللانوس ياريت تتأكد منها والخرطوم ده مكانة وانت واقف امام الكبوت على ايدك الشمال وقريب جدا من الايدل

لو طلع هو حلها بسط لو مش هو روح اكشف تانى بالجهاز وفى حد فى المعادى جامد

**14rallymotors** · 28-10-2013 10:45 AM

ممكن يكون طقم بوجيهات على فكرة

**ekotta** · 28-10-2013 12:51 PM

حصلت معايا وكنت حاطط مشكله في المنتدي هنا
ونصحوني اغير سللوك البوجيهات والبوجيهات نفسها
جبت سلوم بـ 45 جنيه وركبتها ونضفت البوجيهات بالبنزين
العربيه فارقت جامد والنتشه راحت والسحب بقي حلو جدا

**kha_led29** · 28-10-2013 02:57 PM

المشاركة الأصلية كتبت بواسطة ahmed-samir

متهيألى التنتيش ده من حساس الماب ومبدأيا ممكن تتأكد من الخرطوم الرفيع اللى داخل للحساس بيكون ممسوك فى جسم الحساس بجزء كاوتش ...اتأكد ان الكاوتشة دى سليمة وحالتها كويسة مش مشققة ولا مقطوعة

تمام هو غالبا الماب

**medoreda** · 29-10-2013 09:05 AM

بص يا باشا لو الموبينة صيني غالبا هتظهر لمبة التشيك ... ولو العربية مع التنتيشة بتضرب معاك مدافع يبقي احتمال يكون حساس كرنك وهتظهر لمبة التشيك بردو

**emad_S_D** · 29-10-2013 09:33 AM

نفس المشكله كانت عندي
وروحت لحد كشف كومبيوتر و قالي انه حساس و ظبطه بدون فعل اي شيء و اخد خمسين جنيه

وطول مانا باستخدم العربيه يوميا مافيش مشكله المشكله كانت بتظهر لما باركن العربيه يومين

ف روحت لميكانيكي و قالي ده الحساس " حساس الماب " بايظ و هنغيره بواحد استيراد

طبعا كانت ليله الوقفه قولتله امين
المهم غيره بحساس استيراد و اخد 110 جنيه

رجعت العربيه تمام

لكن ردت تاني مفس المشكله ف التنتيش و لمبه التشك منوره

نزلته ف العيد من بيته و روحتله بالعربيه

اتحجج و قالي ده البنزين يا باشا

و علشان كنت ف العربيه بادور العربيه و ابطلها ما قدرتش اعرف عمل ايه و اللمبه طفت و العربيه رجعت تمام

للاسف ردت مره تالته

روحت و زعقت

فتح الماكنه و طلب سبراي و فضل ينضف فيها

تمام

ردت تاني

كان كابل البطاريه مهزوز

اتربط الكابل و كله تمام حتي الان الحمدلله

الشاهد من الموضوع

بس فعلا علي حساس الماب و فك الوصله بتاعته و ركبها و اتاكد انها نضيف

ااكد علي البطاريه كويس

نضف الماكنه ب اسبراي

و ربنا يرزقك بميكانيكي ابن حلال مع انهم قله نادري

و ييسر ليك الخير باذن الله

"اللهم اغفر للمؤمنين و المؤمنات الأحياء منهم و الاموات اللهم اميييييييييييين "