الموضوع: ايه اقصى سرعه جبتها باللانوس؟؟

المشاركة الأصلية كتبت بواسطة hazem_khidr

معلش اصل انا طول عمري متعود اركب عربيات نضيفه
ما بعرفش اركب العربيات التعبانه

الأخ حازم أحب أن ألفت نظر سيادتك أن العربيات الزبالة دى معظم الناس فى المنتدى جابوها بعد جهد و عرق وشقاء سنين فى الغربة و يعد التدرج من عربيات أقل و لم يكن عندهم بابى و مامى يجيبولهم عربيات نضيفة زى بتاعة حضرتك و العربيات دى تفى بإحتياجتهم و زيادة و حتى لو معاهم فلوس زيادة مش حيجيبوا أغلى منها عشان ده يبقى سفه وعته وبعدين برضه خد بالك إن عربياتك النضيفة دى ممكن تكون زبالة بالنسبة لواحد عنده همر أو جاجوار أو بورش يعنى مافيش داعى للردود المستفزة دى لأن الراجل كان بيهزر معاك و كل عام و أنتم بخير.

المشاركة الأصلية كتبت بواسطة hazem_khidr

و فرقت ايه لما اقول عربيه تعبانه و انا ما بعرفش اركب عربيه تعبانه؟؟؟!!!!!
يا سيدي الفاضل انا بنقد العربيه و ما جتش ناحيه الاعضاء ليه عاوز تقلب الحق زور و الزور حق.
اهدي كده و بلاش الاسلوب دا.

نقول تانى يا استاذ حازم فيه فرق واضح بين ان حضرتك تقول انها مش عجباك و انها عربية تعبانة و حضرتك متعود انك تسوق عربيات نضيف مش عربيات تعبانة
كلامك واضخ يا استاذ حازم و فيه تريقة و سخرية من نلاك اللانوس و خاصة رمز الضحكة اللى حضرتك حاططها فى المشاركة و الموضوع دلوقتى فى ايد مشرفين المنتدى و خاصة ان مش انا لوحدى اللى اشتكيت من الجملة
يعنى واضح ان حضرتك اللى بتحاول تقلب الحق زورا مش انا
ياريت حضرتك اللى تهدى و تبطل اسلوب الاستفزاز مع ملاك اللانوس

تم غلق الموضوع تجنبا لتحولة الى صراع شخصى

مشرف القسم