+1
و دمنا جميعا للنضال
عرض للطباعة
http://www.nilemotors.net/Nile/382420-a.html
http://www.nilemotors.net/Nile/378530-2013.html
تزايد الاسئلة و الكلام و مافيش رد على اى حد و لا توضيح
صديقتنا المواطنة
أنا أسجل شديد أسفي وإعتذاري إنك زعلتي مني وأنا عارف أحيانا المواطنات في المنتدى قد يعتبروها معاكسات ولكن أنا عندي مباديء ومقدرش أفرق في المعاملة بين الذكر واﻷنثى ولكن للأمانة أنا بقدم خدمات إستثنائية مجانية للأخوان اﻷعضاء ودايما بخلصلهم مصالحهم ليه بقه
ﻷن الرسول صلى الله عليه وسلم قال رفقا بالقوارير
وأنا مبحبش حد يستغلهم ويضحك عليهم ويغلي عليهم ففي عندنا عضوات في المنتتدى بيعطلوا في الشارع بروح أقطرهم أو أجيبلهم ونش وأحيانا لما بنزل التوفيقية بجيبلهم كماليات وقطع غيار وأحيانا بروح معاهم أوقف في التصليح لعربياتهم بس مخليهاش تسوق وأنا جتبها أتكسف وأحيانا بيعملوا حوادث وأنا باخد عربيتها من عند البيت وأرجعهالها من عند البيت رغم أنا عارف عضوات المتتدى وأحيانا فيه منهم شوية شغب تكون بتخدمهم لله وتسيب حياتك وتجري لهم وهي من وراك تقعد تسأل وتاخد فتاوي ويضحكوا عليها وتصدق مره نزلت أجيب حاجات لوحده زميلة في المنتتدى بنت ناس كنت جبتلها حاجات نصحتها بيها وكنت حروح بنفسي لغاية بيتها أخلصلها مشاكل عربيتها تصوري في الطريق تكلمني وبعد مشتريت الحاجة كلمتني وقالتلي بلاش طبعا أنا يومها إتحطمت نفسيا عشان أساعد وببلاش وترفضي مساعدتي وطبعا الحاجات مرجعتهاش وحطيتها لعربياتي ﻷن أنا عندي 9 عربيات وبعاملهم أهم من ولادي لما أخلف وطبعا مش محتاج أقلك من هنا ورايح أي مشكلة تصادفك فكلميني على طول وأنا قولا واحدا مش حكسفك
وبالتوفيق وإلى اﻷمام ومن نصر إلى نصر
ودمتم للنضال
صديقي المواطن
أنا مش فاهم المطلوب أوي
ولكن أنا مبرجعش لمواضيع قديمة إلا بطريقتين حد يبعتلي رسالة تنبيهية عالخاص أو حد يحط شكر أو إعجاب عشان يبان عندي إشارة وأرجع أخش الموضوع من تاني
وفي الموضوع اﻷولاني بتاع فرش إلانترا الراجل مبسوط من شغله والعوازل اﻷصلية عجباه ومش مهتم ياخد بنصيحتي فحمل له إيه فتركته براحته وسعادته
الموضوع التاني فواحد بيسألني عن بتقول ليه صديقي المواطن فأجاوبه بإيه مثلا أنا عندي شوية مصطلحات مشهور فيها في كل مكان مصطلح وشفره يعني مثلا تروح مكان يقلك جنابز وده لقبي متفرع من جنابه ولما تكلم حد في التلفون تقوللو إحفظ رقمي تحت إسم صدام ولقب العيلة يقلك ﻷ صدام المواطن تخش شارع تدي كلاكس فتلاقيها كلها بتقول صديقي المواطن وناس بتقول أخي المواطن بس أنا مبحبش أخي المواطن بحسها رسمية تبع إعلانات الحكومة دايما تبتدي كده أخي المواطن سوف يتم تحويل مجرى الصرف الصحي من كوبري النيل إلى كوبري الجلاء
وواحد زعلان إن الكاوتش ينفجر أو يتلوح أو يتمسح الكاوتش فأغيره مهو دي علامات إنتهاء الكاوتش يعني وهو سليم عايزين أغيره والراجل بيقول الكاوتش بقاله 3 سنين وبيستفسر يغيره ولا يسيبه فلازم نطمنه وأنا تحت أمرك قلبا وقالبا
وبالتوفيق وإلى اﻷمام ومن نصر إلى نصر
ودمتم للنضال
الأستاذ/ صدام
أنا من المتابعين جداااً لردود حضرتك ، وبستمتع بردودك دايماً.
وعلى فكره محبة الناس ومسالة إنه يكون لك قبول عندنا وعند الكثير من الإخوة فى المنتدى ، فهذه نعمة من الله .. أسال الله أن يديم عليك محبة الناس.
ودمتم للنضـــــــــــال.
وشكراً للأستاذ صاحب الموضوع
صديقي المواطن
لو راجعت ردودي المختصة عالمواطنات حتلاقي اﻹفتتاحية صديقتنا المواطنة
والخاتمة تلاقيها برضو دمتم للنضال وليست دمتي للنضال عشان متقولش إني بعاكسها أو بوجه كلامي ليها بالذات فبسيب الصيغ عامة وجامعة
وبالتوفيق وإلى اﻷمام ومن نصر إلى نصر
ودمتم للنضال