كارينز و لا جراند تريوي و لا اقتراحات تانيه
السلام عليكم
المسئله انه عندي 4 ابناء وبنات عشان كده عاوز عربية 7 راكب
و نظرآ لسلاسة المرور في مصر المحروسه افضل انها تكون اوتوماتك
فكرت في الكارينز 2013 اوتوماتك عامله 135 الف في المتوسط 20000 كيلو
رد عليا احد الاعضاء و قالي لأ خليك في الجراند تريوس
بحثت لقيت في حدود السعر ده 135000 موديل 2010
سألت احد الاعضاء العاملين في صيانة التريوس شكر في العربية قوي بس نبه على قوة العفشه حبتين و بصراحه ماتفرقش معايا اوي المسئله دي
انا عاوزها عائليه و كمان تخدم تحركات شغلي
و كون التاريوس ياباني و دفع خلفي يبقى افضل
و سألته عن الكاتينه الجنزير في الكارينز قالي التاريوس نفس الشيء
المهم بعد حيرة قلت اسألكم و لو في اقتراحات عن عربية تكون منافسه ليهم و في نفس رينج السعر و الحد الادنى للموديل 2010 ياريت تقولولي
و شكرآ