الكلاكس والايرباج..قصة لا تنتهي!

حاسس ان حد عاملي عمل في الكلاكس! لازم كل فترة يضرب مره في الجامعة وانا في محاضرة وعمال اقول مين الحمار اللي كلاكسه معلق ده وافوجئ انها عربيتي وفضا البطارية وحرق الكلاكس وساعتها مفيش ولا كهربائي رضي يمد ايده على التارة وكأن فيها وحش اسمه الايرباج هيضرب في وشهم وعملته في التوكيل الجبار اللي بياخد مصنعية فك الطارة بس 500 جنيه!!!! علشان الايرباج السحري وبعدها دخلت في سلسلة عجيبة من أعطال الكلاكس وتغييره وشريط الايرباج وكنت مقضيها تقليب نور

ومن يومين ضرب في وسط شارع زحمة وحلف ما يرجع واللي قدامي نزل يشتمني ووقفت فصلت الكتاوت بتاعته ورحت لكهربائي قلتله شفلي حل راح جايب سرنجة وحبة أمير وراح مديها حقنة في الحتة الملمسة والكلاكس اشتغل زي الفل لمدة يومين وبعدها بقى مررة يزمر و10 مرات ادوس وميزمرش

تفتكرو ايه الحل غير الـ500 جنيه بتوع التوكيل؟ والاقي فين كهربائي يعرف يفك البتاعة دي علشان انا حاسس انها مش لغز ومتصور اننا لو فكينا البطارية والفيشة الصفره بتاعت الايرباج من الفبرة اللي تحت ممكن نفك التارة بس اللمبة هتنور ونصلح الكلاكس زي أي عربية عادي وبعدها هنحتاج كمبيوتر يطفي اللمبة اللي مش عارف هلاقيه فين؟

يا ريت اسمع اقتراحاتكم لو حد مر بالتجربة دي قبل كدة مع اني اعتقد ان المشكلة دي موجودة في موديلات قبل 2007 بس علشان التارة اتغيرت بعد كدة

ياباشا دي مشكلة قرص الاير باج

القرص ب 500 جنية استيراد او ب 1100 جديد

موجود في التوكيل او في ورشة المتخصصون نسخة توكيل قليوب المصغرة

التركيب في 5 دقائق و شفتها قدام عيني او يمكن اقل من 5 دقائق

اللى اعرفه انه لما يشتغل بمزاجه كده ان سلك الارضى مش متوصل صح

لا مش مشكلة قرص أنا عارف القرص ومغيره قبل كدة دي مشكلة الصفيحتين اللي بيلمسو في بعض لما تدوس على الكلاكس في حتة لمسو فيها ومش عايزين يرجعو حتى الكهربائي وراني الحتة اللي لما بيدوس عليها الكلاكس بيفصل وشغله عادي لما عزلها انما القرص بيفصل خالص واللمبة بتنور
المشكلتين حصلولي قبل كدة وصلحتهم في التوكيل

اقتباس:

---

المشاركة الأصلية كتبت بواسطة amr011111

اللى اعرفه انه لما يشتغل بمزاجه كده ان سلك الارضى مش متوصل صح

---

بصيت عليه والكهربائي بص عليه وقالي المشكلة 100% في التارة

صديقي المواطن
أنا أعرف واحد متخصص في الحاجات المجعلصة دي سوست غريبة زراير ملهاش قطع غيار بس عنده مشكلة يعني ممكن تستناه 7 أو 8.ساعات عشان يشتغل فيها وممكن يشتغل من أول نص ساعة أما لو أروح أنا فأنا بيسيبوا شغل الناس ويعملولهم أفلام ويسيبوهم ويشتغلوا في عربياتي فلو حضرتك تستحمل تعالالي وأخلصك من القصة دي وبالتوفيق وإلى اﻷمام ومن نصر إلى نصر
ودمتم للنضال

في واحد في مساكن زينهم اسمه حاموكشة من ناحية الشارع اللي من وقف الاتوبيس ل مجري العيون قبل الجامع اللي ي وش لمستشفي اللي هناك علي اليمين
ده كهربائي مشكلة وعنده كمبيوتر اعطال لو محتاجه

اقتباس:

---

المشاركة الأصلية كتبت بواسطة saddam

صديقي المواطن
أنا أعرف واحد متخصص في الحاجات المجعلصة دي سوست غريبة زراير ملهاش قطع غيار بس عنده مشكلة يعني ممكن تستناه 7 أو 8.ساعات عشان يشتغل فيها وممكن يشتغل من أول نص ساعة أما لو أروح أنا فأنا بيسيبوا شغل الناس ويعملولهم أفلام ويسيبوهم ويشتغلوا في عربياتي فلو حضرتك تستحمل تعالالي وأخلصك من القصة دي وبالتوفيق وإلى اﻷمام ومن نصر إلى نصر
ودمتم للنضال

---

هي مش مشكلة مجعلصة بالعكس دي حاجة تافهة جداً والفكرة كلها في فك التارة بس ،يا ريت لو حضرتك تقولي على مكانه علشان ألجأله لو نفذت مني الحلول او لو احتاجته في أي حاجة تاني ودمتم للنضال :tumb:

اقتباس:

---

المشاركة الأصلية كتبت بواسطة Citrooh

في واحد في مساكن زينهم اسمه حاموكشة من ناحية الشارع اللي من وقف الاتوبيس ل مجري العيون قبل الجامع اللي ي وش لمستشفي اللي هناك علي اليمين
ده كهربائي مشكلة وعنده كمبيوتر اعطال لو محتاجه

---

شكراً على ردك
في واحد صاحبي وصفلي كهربائي قريب مني ،لو معرفش يعملها هروحله ان شاء الله

اقتباس:

---

المشاركة الأصلية كتبت بواسطة citrooh

في واحد في مساكن زينهم اسمه حاموكشة من ناحية الشارع اللي من وقف الاتوبيس ل مجري العيون قبل الجامع اللي ي وش لمستشفي اللي هناك علي اليمين
ده كهربائي مشكلة وعنده كمبيوتر اعطال لو محتاجه

---

كهربائي تقيل قوي حموكشه
ولا استشاري مخ واعصاب
اوعدنا يارب

يا عم روح عنده واتفرج :))))

فك التارة مفيهوش اى مشكلة
انت تفك القطاش بتاع الارضى اللى فى البطارية وتسيبها حوالى من نص ساعة الى ساعة (انا اما فكيت الطارة فكيت الارضى من بالليل وبعدين فكيت الطارة الصبح لزيادة الامان)

اقتباس:

---

المشاركة الأصلية كتبت بواسطة momo44

فك التارة مفيهوش اى مشكلة
انت تفك القطاش بتاع الارضى اللى فى البطارية وتسيبها حوالى من نص ساعة الى ساعة (انا اما فكيت الطارة فكيت الارضى من بالليل وبعدين فكيت الطارة الصبح لزيادة الامان)

---

ايوه ده الكلام بحب الناس اللي بتشتغل بإديها
يا ريت شرح للموضوع بتفصيل أكتر شوية يعني هفك البطارية وبعدين هفك الكابل الاصفر بتاع الايرباج من تحت الدركسيون وبعدين هفك المسمار النجمة اللي في الجنب هيطلعلي ايه ؟ علشان انا خايف معرفش اوصل للكلاكس والاقي الايرباج مغطي عليه وأوعدكم لو فضيت وعملتها بنفسي هصور الخطوات

الحقوووووووووووووووونى عندى نفس المشكله امبارح الكلاكس علق وضرب لوحدة تانى مرة الساعه 3 الصبح تحت البت والسكااان صحونى من النوم وخرجت فصلت البطاريه. يا ريت حد يفدنى دى طارة ولا ايرباج عشان الكلاكس تانى مرة يتحرق بسبب الحوار دة. وكمان الحوار دة بيحصل احيانا وانا ماشى وبلف التارة وادى كلاكس يعلق منى لحد اما اخبط على التارة والتعليقه تروح.

اقتباس:

---

المشاركة الأصلية كتبت بواسطة sherif309

الحقوووووووووووووووونى عندى نفس المشكله امبارح الكلاكس علق وضرب لوحدة تانى مرة الساعه 3 الصبح تحت البت والسكااان صحونى من النوم وخرجت فصلت البطاريه. يا ريت حد يفدنى دى طارة ولا ايرباج عشان الكلاكس تانى مرة يتحرق بسبب الحوار دة. وكمان الحوار دة بيحصل احيانا وانا ماشى وبلف التارة وادى كلاكس يعلق منى لحد اما اخبط على التارة والتعليقه تروح.

---

هي عربية حضرتك موديل كام والتارة شكلها ايه ؟ علشان اعتقد ان الشكل اللي عندي (2006 سبورت) هو بس اللي بيحصل فيه المشكلة دي

اقتباس:

---

المشاركة الأصلية كتبت بواسطة ralliart

ايوه ده الكلام بحب الناس اللي بتشتغل بإديها
يا ريت شرح للموضوع بتفصيل أكتر شوية يعني هفك البطارية وبعدين هفك الكابل الاصفر بتاع الايرباج من تحت الدركسيون وبعدين هفك المسمار النجمة اللي في الجنب هيطلعلي ايه ؟ علشان انا خايف معرفش اوصل للكلاكس والاقي الايرباج مغطي عليه وأوعدكم لو فضيت وعملتها بنفسي هصور الخطوات

---

انا بحب اعمل كل حاجة بنفسى على اد ما اقدر عشان تقفيل الصنايعية الزباااااااااالة
انا هكلمك على الكريستالة
ولو تحب نتقابل واعملهالك معنديش مشكلة
انا فكيت كابل الارضى
والكهرباء كمان احتياطى
وتانى يوم بدأت فك التارة
فكيت المسمارين النجمة اللى فى الجنبب
طلعلى الايرباج وفيه فيشتين من تحت فكيت فيشة الكلاكس والايرباج (الفيشتين)
وبعدين بقى قدامى شريط الايرباج والتارة لوحدها
اللى جاى انت ممكن ما تحتاجهوش لو المشكلة من الفيشة اللى فوق
لو هتفك التارة هتعلم الاول بقلم فلومستر على التارة وقصادها علامة تانية على المكان اللى بتركب فيه التارة
ليه بقى
عشان اما تيجى تركبها تبقى معدولة للامام ومتبقاش مايلة للجنب اليمين او الشمال
لو ليك اى استفسار قولى انا تحت امرك

اقتباس:

---

المشاركة الأصلية كتبت بواسطة momo44

انا بحب اعمل كل حاجة بنفسى على اد ما اقدر عشان تقفيل الصنايعية الزباااااااااالة
انا هكلمك على الكريستالة
ولو تحب نتقابل واعملهالك معنديش مشكلة
انا فكيت كابل الارضى
والكهرباء كمان احتياطى
وتانى يوم بدأت فك التارة
فكيت المسمارين النجمة اللى فى الجنبب
طلعلى الايرباج وفيه فيشتين من تحت فكيت فيشة الكلاكس والايرباج (الفيشتين)
وبعدين بقى قدامى شريط الايرباج والتارة لوحدها
اللى جاى انت ممكن ما تحتاجهوش لو المشكلة من الفيشة اللى فوق
لو هتفك التارة هتعلم الاول بقلم فلومستر على التارة وقصادها علامة تانية على المكان اللى بتركب فيه التارة
ليه بقى
عشان اما تيجى تركبها تبقى معدولة للامام ومتبقاش مايلة للجنب اليمين او الشمال
لو ليك اى استفسار قولى انا تحت امرك

---

أنا المشكلة عندي في الحديدتين اللي بيلمسو في بعض لما بدوس على الكلاكس مش في الشريط الفكرة في الوصول للحديدتين دول لان لما بفك الوش بتاع التارة بيبقى الايرباج لازق فيه مش لازق فيه ومغطي عليهم مش لازق في جسم التارة
هو حالياً ربنا هاديه وشغال كويس لو سكت تاني هفك البطارية وافك التارة واحاول اوصل بأي طريقة وربنا يستر

الاستاذ Ralliart عربيتى 2006 التاره الرباعيه والعلامه فى النص فى دايرة. انا لحد دلوقتى خايف اروح لكهربائى عشان الى بسمعه هنا دلوقتى الكلاكس اتحرق عندى ودة تانى كلاكس يا ريت حد يفدنى اعمل ايه لانى خايف من حوار الكهرباء دى

ايوه دي نفس اللي عندي بالظبط ! زي دي
http://i.ebayimg.com/t/Mitsubishi-La...F)B!~~60_3.JPG
التوكيل بيعملها بس بياخد مصنعية فك التارة بس 500 جنيه!! وانا عملتها عندهم قبل كدة وباظت تاني بعد سنتين
وبحاول اشوف حل تاني منطقي غير التوكيل
انا المسكن اللي عملته هو ان الكهربائي حط لمبة بدل الكتاوت وقعد يجرب يدوس في كذا منطقة في التارة لحد ما وصل للحتة الملمسة وحقنها بحبة أمير صغيرين جداً واشتغلت شوية ورجعت فصلت وبعدين حالياً شغال طبيعي جداً بس مش هسكت لحد مافكها واوصل للمنطقة الملمسة واظبطها

اقتباس:

---

المشاركة الأصلية كتبت بواسطة ralliart

ايوه دي نفس اللي عندي بالظبط ! زي دي
http://i.ebayimg.com/t/mitsubishi-la...f)b!~~60_3.jpg
التوكيل بيعملها بس بياخد مصنعية فك التارة بس 500 جنيه!! وانا عملتها عندهم قبل كدة وباظت تاني بعد سنتين
وبحاول اشوف حل تاني منطقي غير التوكيل
انا المسكن اللي عملته هو ان الكهربائي حط لمبة بدل الكتاوت وقعد يجرب يدوس في كذا منطقة في التارة لحد ما وصل للحتة الملمسة وحقنها بحبة أمير صغيرين جداً واشتغلت شوية ورجعت فصلت وبعدين حالياً شغال طبيعي جداً بس مش هسكت لحد مافكها واوصل للمنطقة الملمسة واظبطها

---

انت سألت محمد حسين بتاع المتخصصون ؟ اساله علي التليفون حتي

اقتباس:

---

المشاركة الأصلية كتبت بواسطة mitsukero

انت سألت محمد حسين بتاع المتخصصون ؟ اساله علي التليفون حتي

---

انا اتصلت بيه سألتهولك

قال لي لو مبقلله مش هتتصلح و احسن له يجيب واحدة استيراد بدل القرف لانها هتقرفه فعلا

فقولت له دي متصلحة قال يبقي يرميها احسن

قول له طيب ما تحاول فيها في الورشة برة قال هتتكلف حوالي 300 جنية و هتبوظ تاني و يبقي حرام عليا خليه يجيب واحدة استيراد ب 500 جنية احسن له

اقتباس:

---

المشاركة الأصلية كتبت بواسطة mitsukero

انا اتصلت بيه سألتهولك

قال لي لو مبقلله مش هتتصلح و احسن له يجيب واحدة استيراد بدل القرف لانها هتقرفه فعلا

فقولت له دي متصلحة قال يبقي يرميها احسن

قول له طيب ما تحاول فيها في الورشة برة قال هتتكلف حوالي 300 جنية و هتبوظ تاني و يبقي حرام عليا خليه يجيب واحدة استيراد ب 500 جنية احسن له

---

أنا متشكر جداً جداً على تعب حضرتك معايا

بس يعني ايه مبقللة ؟ هي شكلها طبيعي من ساعة ما جبتها والمشكلة ان الاستيراد اللي بإيرباج مش بـ500 ولا حتى بألف دي هتكسر الـ1500 على أقل تقدير وبيبيعوها بالقطمة كلها مش التارة لوحدها والتوكيل بيبيع التارة بـ5000 جنيه! وممكن الايرباج يعمل مشكلة

ويا ريت لو مفيهاش رخامة تديني عنوان المتخصصون لأني بسمع عنهم كتير وشكلهم محترمين

العنوان هنا

http://www.nilemotors.net/Nile/320944-a.html

بس اظن انه بدام قالك ب 500 يبقي ممكن تلاقي حد بيبيعها لوحدها من غير القطمة هو لافف قوي و بينزل الحرفيين مرة علي الاقل كل اسبوع اذا مكنشي مرتين او تلاته

عدي عليه ياعم و مش هياخد فلوس كشف منك و هيقولك علي اللي فيها من الاخر بدل ما تدوخ نفسك

اقتباس:

---

المشاركة الأصلية كتبت بواسطة mitsukero

العنوان هنا

http://www.nilemotors.net/nile/320944-a.html

بس اظن انه بدام قالك ب 500 يبقي ممكن تلاقي حد بيبيعها لوحدها من غير القطمة هو لافف قوي و بينزل الحرفيين مرة علي الاقل كل اسبوع اذا مكنشي مرتين او تلاته

عدي عليه ياعم و مش هياخد فلوس كشف منك و هيقولك علي اللي فيها من الاخر بدل ما تدوخ نفسك

---

خلاص ان شاء الله هحاول اشوف يوم فاضي وأعدي عليه

طب انا ممكن اركب طارة ٢٠٠٧ الثلاثيه ويا تري هيا بتتباع بكام في الحرفيين وهل تركب اصلا ولا لاء. وبتيجي بالايرباج ولا فاضيه. ممكن الافا ة

لا مش هينفع فيه تغيير في القطمة

طب تقريبا التارة الى فيها ايرباج بالقطمه تعملها كام فى الحرفيين وهل ممكن تتغر كلها

انا لقيت اللينك دى وقولت احطها للافادة
انا على العموم هجربها بكرة ان شاء الله بس يا ريت لو حد عندة فكرة بعد فك التارة بفك الايرباج ازاى عشان اصلح الكلاكس من جوة

How-to-Swap Evo9 Steering wheel to your Lancer OZ rally - evolutionm.net

موضوع الأمير ده حل مشكلة التارة بس طلعلي مشكلة شريط الايرباج وبقى يقطع لما الف الدركسيون! مش عارف في علاقة بينهم ولا ده سوء حظ
المهم عرفت كهربائي برنس اسمه ابراهيم في صقر قريش (جنب همام الميكانيكي على طول) وكان عنده كذا واحد معاهم لانسر بنفس المشكلة وبيفك التارة عادي ويصلحها بس نسيت أسأله بتتكلف كام بس هو عموماً أسعاره مش مبالغ فيها

http://www.nilemotors.net/Nile/39444...post3875327222

غير التارة وريح دماغك واحدة استعمال 750 الى 1200 واعتبرها مرة توكيل

عزيزي هل تم حل المشكله ام لا ؟ لان انا عندي نفس المشكله