انا محتار بين ابيزا 2001 و بولو 2001 ( 1400 سى سى) ياريت الافاده
حيث ان الرنج( 35-45) حد اقصى ..
:what:
عرض للطباعة
انا محتار بين ابيزا 2001 و بولو 2001 ( 1400 سى سى) ياريت الافاده
حيث ان الرنج( 35-45) حد اقصى ..
:what:
صديقي المواطن
قولا واحدا بولو أفضل فإبيزا الموديلات القديمة عربيات مش خدومة ومش وطنية وهي والميكانيكية حبايب وبيموتوا ببعض البولو طبعا أحسن ولكن اﻷمانة العلمية تحتم علينا القول إنها مش أحسن منها بسنين ضوئية ولو إنت بتحب الهاتشباك يا إما تعلى بالفلوس شوية وتجيبها جولف ألفينات أو أواخر التسعينات أو تريح نفسك خالص وتشتري صحتك وتجيب الخلاصة وتشتري جولف 2 أم 4 فوانيس موديل 91 وتجيبها إكصدامات بلاستك مش الصاج وترشها أخضر زيتوني الفبريكة بتاعها وحتعيش متعة القيادة والنظيف بتاعها من 35 إلى 42 ألف
وبالتوفيق وإلى اﻷمام ومن نصر إلى نصر
ودمتم للنضال
متفرقش الاتنين زي بعض و علي نفس الشاسيه و بنفس المحرك و اعتقد الكماليات كمان
الفرق بينهم في بعض الاجزاء في التقفيل فقط زي التابلوه و الصالون و الشكل الخارجي لكن عفشة شاسيه محركات الاتنين واحد تقريبا
المهم يا اخي الفاضل الحالة يعني لو قدامك الاتنين نفس المودل و الكماليات اللي حالتها افضل اشتريها بدون تفكير
الأتنين زى بعض ونفس العائلة فولكس فاجن الالمانية vw
الثبات : Ibiza 2001 اكثر ثبات من Polo 2001واوسع شويه
المواتير والعفشه : زى بعض تمام
كماليات : Ibiza اعلى من Polo
سعر أعادة البيع : زى بعضهم الأتنين مطلوبين
قطع الغيار : الأتنين مشتركين فى كل حاجه عدا الشكل الخارجى والتبلوه - وقطع الغيار متوفرة جديد واستيراد وبكثره فى كل مكان
الأعتمادية : الأتنين فى غاية الأعتمادية ومعمره جدا
التعديلات : التنين بينزلهم مواتير كتير ومتنوعه أكسسوارات vw أكتر تعديلات الشكل الخارجى ما اكثرها للأتنين
الأزواق انا بفضل Ibiza 2001 مميزه فى الشكل ولو حابب أغير أجيب الجولف 4
متفق بشدة ;
وزى ما تفضلت بالظبط انا كنت بدور على ابيزا 2001 وملقتش حالة نضيفة قدامى واللى كان قدامى حالة نضيفة كانت بولو 2001 وجبتها لان زى ما حضرتك قلت الاتنين زى بعض تماما الفرق ان كماليات الابيزا اكتر من البولو وممكن كمان تكون اوسع بس للاسف صعب تلاقى منها حالة نضيفة لان الشباب مطلع ... اللى جابوها
وربنا يوفقك ان شاء الله
على فكرة ده موضوع ممكن يفيدك فيه مقارنه بين الابيزا والبولو
http://www.nilemotors.net/Nile/220614-2001-2001-a.html
البولو افضل
البولو نفس الابيزا في الموتور والعفشة والاختلاف في الشكل الخارجي والتقفيل من الداخل
بس فيه حاجة مهمة جداً الأعضاء مش واخدين بالهم منها
وهي ان صالون الابيزا أوسع من البولو لان الابيزا علي شاسيه الجولف
يعني كأنك راكب جولف 4 مع اختلاف الشكل الخارجي وشكل الصالون وتقفيله
هات الحالة الاحسن ولو الاتنين كويسين انا بحب الابيزا اكتر