تفتيح المكنة :)

**AhmedNaeem** · 29-10-2013 11:44 AM

الخنقة وضعف السحب غالبا ليه علاقة بالزيت و نظافة البنزين

**lanos2004** · 29-10-2013 11:45 AM

المشاركة الأصلية كتبت بواسطة khaabas

موش متفق معاك يا لانوس
استعمالى للعربية اغلبه سفر ومع ذلك بلاقي الموتور مخنوق وتجميعه موش عاجبنى
السؤال ايه هى الطريقة المثلى للتفتيح

عربيتك اصلا مش قويه قوى لو اتوماتيك لو مانوال كانت هتفرق معاك جامد
انا جريت مع ار بى ونيو اكسنت عربيات مش جرايه قوى زى ما الناس متخيله
متنتظرش منها كتير
كل عربيه وليها حدود
انا جريت مع اكسنت ار بى كتير واخرها معايا كان بيكون 190

**msobhy** · 29-10-2013 12:51 PM

وجهة نظرى الشخصيه
كل موتور سواء عربيات أو جن ازرق بيبقى ليه مواصفات استاندرد بيطلع بيها من المصنع
الموتور أول لما يطلع من المصنع ((((مستحيل)))) يكون فى احسن حالاته - لازم يشتغل شويه بالسرعه المتوسطه بتاعته علشان يطبع على نفسه - طيب سؤال هل بتوع المصنع اغبياء انهم يطلعوا الموتور وهو مش مظبط - طبعا لأ الموتور بيتم تصميمه وتجربته مثلا على سرعة 3000 rpm لفتره وبعدها بيتفتح الموتور ويتشاف ايه الاضرار اللى حصلت له - وموتور تانى بنفس التصميم يتشغل على 3000 وبعدها 6000 لفه ويتفتح ويتشاف ايه الاضرار اللى حصلت له وهكذا لغاية لما يوصلوا للتصميم المناسب
السؤال هل منطقى انى اول لما أقفل الموتور انى اشغله على 20.000 لفه مره واحده - ده فعلا صعب - ممكن فى المواتير الكهربائيه - لكن مواتير السيارات متهيألى صعب جدا
فى البدايه انت محتاج تطبع موتورك اللى الناس بتقول عليها انك تلينه وخلى بالك ان ده فعليا لازم بيحصل جوه المصنع لكن بيبقى بدون احمال على الموتور - وفى وجهة نظرى التلين يبقى لمسافة 1000 كيلو بسرعات مختلفه اقصاها 100 كيلو فى الساعه ---- بعدها هاتلين موتورك تانى لمدة 1000 كيلو ولكن على سرعات عاليه بدون حد اقصى ولكن بالتدريج (يعنى اول 200 كيلو ابقى العب فى رينج 100 الى 130 كيلو فى الساعه - ال 200 اللى بعدها العب فى رينج 130-160 - ........ وهكذا)

بخصوص ان مفيش حاجه اسمها تفتيح موتور زى ما احمد عبدالهادى باشا بيقول - الكلام ممكن يكون صح - لكن الاكيد ان فيه حاجه اسمها تنظيف موتور من الرواسب الكربونيه والبلاوى السوده اللى موجوده فى الجو - وعن تجربه العربيه بتفرق تماما بعدها - اكتر عربيتين سوقتهم فى حياتى لانوس والنترا كنت بعمل فيهم كده - كل 5000 كيلو كنت باطلع على طريق مصر اسكندريه وامشى لمدة 10 دقائق على سرعه بين 140 - 170 وانا قارص على الغيارات - والنتيجه بعدها
1- هدوء نسبى فى صوت الموتور
2- تقليل استهلاك البنزين بنسبة تصل الى 5 %
3- استجابه احسن للموتور فى السرعات بشكل ملحوظ جدا

بخصوص الاخ الفاضل اللى بيتريق على ثورة عكاشه المجيده - عيب عليك يا اخى - اعتبره ابوك يا اخى

**lanos2004** · 29-10-2013 03:06 PM

المشاركة الأصلية كتبت بواسطة agaty1st

لما الميكانيكي بيركب شنبر جديد + صبابات جديده و يعمل روديه للصبابات و الروديه عباره عن تطبيع الصبابات عالوش + لقم سبيكه
كل دن ه بيحتاج يطبع على بعض و بيكون في تقل لو لقيت الموتور بمفتاح من ترس الفلام او طنبورة الكرنك و بعد التليين التقل ده بيروح نتيجة تأكل الخلوص الزياده و هو ده الرايش
اما الفوطه لو لقيتها ابقى هاتها عشان محتاجها

حبيبي يا عم لانوس

طب ما انته لما تركب شنبر لازم تطبعهم على بعض علشان دة شغل بلدى وشغل زى يه البطيخه عنصر الحظ فيه كبير جدا
انا بتكلم عن مواتير خطوط انتاج بتقنيه عاليه وتكنولوجيا القرن مش واحد ماسك شنبر وحتت صنفرة وعمال يكحت فى الشنبر على يحكم مقاسه
والاخر يطلع بيضاوى وياكل البلوك وبعده يقولك احنا نخرط بقه
بالنسبه للفوطه يا باشا متغلاش عليك اجبلك احلى فوطه فى مصر انته تأمر
اصل الفوطه ليها قصه
صحبى كان بيعمل عمرة فى عربيه وخلاص كله تمام وفل اخد العربيه ماشى بيها
فجاءة لقى العربيه بتولع من الكبوت وقف وجاب الطفايه وفتح الكبوت وطفى والسبب ان الميكانيكى ساب فوطه على فرن الشكمان وولعت وحرقت الضفيرة ومروحه الرداتير وغطا الماتور وربنا ستر ان العربيه كلها مولعتش

**agaty1st** · 29-10-2013 04:18 PM

المشاركة الأصلية كتبت بواسطة lanos2004

طب ما انته لما تركب شنبر لازم تطبعهم على بعض علشان دة شغل بلدى وشغل زى يه البطيخه عنصر الحظ فيه كبير جدا
انا بتكلم عن مواتير خطوط انتاج بتقنيه عاليه وتكنولوجيا القرن مش واحد ماسك شنبر وحتت صنفرة وعمال يكحت فى الشنبر على يحكم مقاسه
والاخر يطلع بيضاوى وياكل البلوك وبعده يقولك احنا نخرط بقه
بالنسبه للفوطه يا باشا متغلاش عليك اجبلك احلى فوطه فى مصر انته تأمر
اصل الفوطه ليها قصه
صحبى كان بيعمل عمرة فى عربيه وخلاص كله تمام وفل اخد العربيه ماشى بيها
فجاءة لقى العربيه بتولع من الكبوت وقف وجاب الطفايه وفتح الكبوت وطفى والسبب ان الميكانيكى ساب فوطه على فرن الشكمان وولعت وحرقت الضفيرة ومروحه الرداتير وغطا الماتور وربنا ستر ان العربيه كلها مولعتش

ماهو انا بتكلم اصلا على المواتير القديمه
و اول كلام قولته ان الجديد بينزل متلين اصلا
و حتى الزيرو زمان كان بيحتاج تليين لأن و موضوع تطبيع أجزاء متحركه على بعض ده موضوع مش موجود في الشغل البلدي فقط، لأ ده ميكانيكيا معروف انه حتى في اي حاجه جديده
مثال : لما بتغير تيل و طنابير مع بعض بدون خراطه او ملو تيل او شغل بلدي، بيحتاجو فترة تليين

بالنسبه لموضوع الفوطه ده انا بس استغربت لانك بتقول نسيها فوق البساتم

عموما موضوع شوفته بعنيه واحد صاحبي اول ما دخلنا الكليه جاب ابيزا سيستم بورش زيرو و كانت سحبها زي الزفت و التاني مثلا اخره 40 و بعد فتره العربيه كانت بتتكلم عن نفسها و الكل عارف أداء العربيه دي ايه

نقطه أخيره نيسان صني مثلا بتنزل زيرو مقفول على السرعه و عند صيانه 5000 كيلو على اذكر بيرجعوها لطبيعتها ، ياترى أيه السبب ؟

**khaabas** · 29-10-2013 04:23 PM

المشاركة الأصلية كتبت بواسطة lanos2004

عربيتك اصلا مش قويه قوى لو اتوماتيك لو مانوال كانت هتفرق معاك جامد
انا جريت مع ار بى ونيو اكسنت عربيات مش جرايه قوى زى ما الناس متخيله
متنتظرش منها كتير
كل عربيه وليها حدود
انا جريت مع اكسنت ار بى كتير واخرها معايا كان بيكون 190

يا عم الحج عربيتى مانيوال مبركبش اتوماتيك ( انا والاتوماتيك دونت ميكس ) ههههههههه

وبالنسبة لسؤالك التانى ابقى سلملى على الشرعية ههههههههههههههههههههههههه هههههههههه

**lanos2004** · 29-10-2013 04:27 PM

المشاركة الأصلية كتبت بواسطة khaabas

يا عم الحج عربيتى مانيوال مبركبش اتوماتيك ( انا والاتوماتيك دونت ميكس ) ههههههههه

وبالنسبة لسؤالك التانى ابقى سلملى على الشرعية ههههههههههههههههههههههههه هههههههههه

طب مانوال يعنى المفروض صاروخ ممكن يكون الطريق مش مساعدك
الشرعيه فى النمليه
اشوفك بس على طريق
تحياتى

**khaabas** · 29-10-2013 04:35 PM

الطريق خلوه حارة واحدة مسافة 25 كيلو كده ( طريق اسماعيلية ) فلما اتخطى العربية اللى امامى بحس ان التجميع كانى راكب اتوماتيك وصلت الفكرة

**lanos2004** · 29-10-2013 04:44 PM

المشاركة الأصلية كتبت بواسطة khaabas

الطريق خلوه حارة واحدة مسافة 25 كيلو كده ( طريق اسماعيلية ) فلما اتخطى العربية اللى امامى بحس ان التجميع كانى راكب اتوماتيك وصلت الفكرة

هوة ماتورك كام حصان وعزمه قد ايه وبيطلع على كام لفه

-

الموضوع: تفتيح المكنة :)

LinkBack

أدوات الموضوع

عرض

-

-

المواضيع المتشابهه

تفتيح الموتور !!!!!!!!!!!!!!!!!!!!!!!!!!!!!!!!!!!!

تفتيح السيارة

تفتيح الموتور

تفتيح الموتور

تفتيح الموتور

الكلمات الدلالية لهذا الموضوع

المفضلات

المفضلات

ضوابط المشاركة