عرض للطباعة
السلام عليكم
بندور على عربية لزوجتى
قدامنا عربية واحدها صاحبتها ، تيجو ٢٠٠٩ ، ٢٠٠٠ سى سى ، اوتوماتيك ، عاملة حوالى ٤٠ الف كيلو
حالتها جيدة
سؤالى :
هل تنصحون بهذه السيارة ؟ و ماهو سعر السوق المناسب لها ؟
هل فيها اى مشاكل ؟ ( العفشة ، الفرامل ، الفيتيس ؟ )
قطع الغيار و اسعارها ؟
معاملة الوكيل و صيانته ؟
ربنا يجازيكم خير على النصيحة
متابع
بس مش عارف الاتوماتيك هل فعلاً موجود من 2009
لو لزوجتك و سعرها و حالتها كويسين توكل علي الله
40000كيلو
تعتبر حاله ممتازه العربيه اجمالا كويسه
لكن ممكن تكشف علي الفتيس في التوكيل قبل الشراء
علشان تكون مطمئن
شكرا للنصائح
بالنسبة لقطع الغيار و الصيانة ، هل متوفرة خارج التوكيل ؟
فى رأيكم سعر مناسب للعربية دي يكون كام ؟
لو 2000 سى سى 4*4 هتاكل بنزين كتير دور على 1600
و للعلم بما ان العربية صينى و رخيصة بالنسبة لعربية off road فمتانتها زبالة
العربية دى اخدت نجمتين فى اختبار السلامة الاسترالى و متعملهاش كمان اختبار الاصطدام الجانبى بعمود بناء على طلب الشركة لانهم قالوا انهم هيستدعوها و هيحطوا دعامات للابواب فقامت ادارة الاختبار باعطائها اعلى نسبة نجاح متوقع انها تاخدها من اختبار التصادم الجانبى
و الكلام ده من مواقع اجنبية و مش هتلاقيه اصلا و ميغركش متانة الصاج من بره لان العربية لما هتخبط على سرعات عالية كل العربية بتشرب الصدمة بما فيها الشاسية الحديد المفرغ ههههه الهش المعمول لتخفيض تمن العربية
و نجمتين دى يعنى فخ موت زى هيونداى اكسيل و دايو لانوس ما قبل 99 لكليهما
و بالنسبة للموديل الاول 1600 مدخلش اى اختبارات و يقال انه دخل الاوروبى و اخد صفر مع انى ملاقيتش على موقع الاختبار اى حاجة عنها
تقديرى للعربية عن تجربة 4.5سنة تاخد درجة جيد جداً وليس امتياز، وفى المجمل مناسبة جداً وامكانيتها كافية ، ومعدل الامان (فرامل ، صاج ، ثبات،،،،) عالى.
اعتقد مع استخدام العربية المعروضة على حضرتك (40 الف كيلو) ولو العربية مفيش فيها حاجة، سعرها 80:82 الف مناسب،وحسب شطرتك.
معتقدش فى اى عربية بالتجهيزات والحالة دى فى مصر وموديل 2009 وعاملة 40000ك ممكن تكون بالسعر دة او حتى قريبة منة.
لو حضرتك مقتنعتش بيها ، اكون شاكر لو تساعدنى وانا هشتريها.