ايه احسن هارد SSd

**DODGE2013** · 28-10-2013 06:47 PM

سلام عليكم

عايز اعرف ايه احسن هارد ssd للأبتوب

محتار ما بين انتل او كينجستون الهايبر اكس او السامسونج

كلهم حجمهم 240 - 256 جيجا

ولا كله يعتبر واحد

الكينجستون الهايبر اكس سعره ممتاز بس معرفش ايه نظامه

**M!SHO** · 28-10-2013 07:23 PM

انا برده عايز أجيب واحد بس عايز سعته تكون قليله حتى لو ٦٠ جيجا مثلاً

طيب هو سعر الكينجستون كام وموجود فين ؟

**Ahmed Selim** · 28-10-2013 07:43 PM

الكينجستون كويس جايبينه فى الشغل كتير

و أنا شخصياً جايبه لللاب توب عندي..........و طبعاً فارق جامد.

أنا جايب ال 120 جيجا العادي مش الهايبر أكس بحوالي 850 بعد الواجب لأننا فى الشغل واخدين من نفس الشركة ما لا يقل عن 1000 هارد.......بس الكلام ده من حوالي 4 شهور.

كنت عاوز أجيب الهايبر أكس بس مكنش فيه ال 120 كان فيه 240 بس و كان فارق 1000 جنيه.....كتير بصراحة.

و أنت بتشتري جيب حاجة أسمها upgrade kit ده بيديك معاه enclosure علشان تحط الهارد القديم فيه و تستخدمه كهارد خارجي.

**Amr_MO** · 28-10-2013 08:43 PM

طيب سؤال يا جماعة عن النوع ده من الهاردات

لو اشتريت واحد هيركب ازاي في اللاب الي عندي يعين هل هفك الجهاز واشيل الهارد الي راكب فيه واركب الهارده ال ssd ولا الدنيا بتمشي ازاي؟

طيب لو كان هيركب مكان الهارد الموجود، فهل هارد ال ssd فيه نفس طريقة توصيل الهارد العادي في بوردة الابتوب ولا بيبقى في وصلات زيادة ولا ايه؟ ياريت شرح مفصل شوية عن الموضوع ده وشكرا جزيلا لكم

**DODGE2013** · 28-10-2013 11:12 PM

المشاركة الأصلية كتبت بواسطة Amr_MO

طيب سؤال يا جماعة عن النوع ده من الهاردات

لو اشتريت واحد هيركب ازاي في اللاب الي عندي يعين هل هفك الجهاز واشيل الهارد الي راكب فيه واركب الهارده ال ssd ولا الدنيا بتمشي ازاي؟

طيب لو كان هيركب مكان الهارد الموجود، فهل هارد ال ssd فيه نفس طريقة توصيل الهارد العادي في بوردة الابتوب ولا بيبقى في وصلات زيادة ولا ايه؟ ياريت شرح مفصل شوية عن الموضوع ده وشكرا جزيلا لكم

ال ssd نفس الهارد العادي في التوصيلات وكله فك ده ركب ده خلاص

بس ميزته بقى بيسحب بور اقل , السخونه اقل بكتير

مفيش صوت لانه يعتبر زي الفلاشه اعطاله قليله جدا ونادرا لما يحصل فيه حاجه

(الا لو الباور عندك مش تمام)

شوف من الاخر تقدر تستخدمه زي التابلت فوق تحت يمين شمال

هو ايه الي بيبوظ هارد الاب العادي كتر الحركه والهز والخبطات لاكن التاني انسى

وتقدر تسترجع البيانات بسهوله لو الهارد باظ بعددددددديييييييييييييييي ييييييييييييييييييييييين

انا خلاص نويت لاني زهقت جدا من الهارد العادي كل شويه يبوظ ومع كل سنه بيبطء جداااا

**Amr_MO** · 28-10-2013 11:21 PM

شكرا جزيلا على الافادة جزاك الله خيرا

طيب سؤال فني شوية، انا عندي اللاب بتاعي محدود برامات 2 جيجابايت فقط غير قابلة للزيادة لأنها مدمجة في البوردة وطبعا ده مسبب بطئ عام في الجهاز والتنقل وتشغيل الملفات والبرامج وخلافه فهل لو جبت الهارد ssd هيكون في فرق شاسع في السرعة ولا برضه العملية هتبقى مخنوقة بسبب ال 2 جيجا رامات؟

سؤال اخير ايه لافرق ما بين هارد ال ssd الكينجستون العادي والهايبر اكس؟

**DODGE2013** · 28-10-2013 11:24 PM

المشاركة الأصلية كتبت بواسطة Amr_MO

شكرا جزيلا على الافادة جزاك الله خيرا

طيب سؤال بالنسبة فني شوية، انا عندي اللاب بتاعي محدود برامات 2 جيجابايت فقط غير قابلة للزيادة لأنها مدمجة في البوردة وطبعا ده مسبب بطئ عام في الجهاز والتنقل وتشغيل الملفات والبرامج وخلافه فهل لو جبت الهارد ssd هيكون في فرق شاسع في السرعة ولا برضه العملية هتبقى مخنوقة بسبب ال 2 جيجا رامات؟

سؤال اخير ايه لافرق ما بين هارد ال ssd الكينجستون العادي والهايبر اكس؟

اتأكد الاول الهارد عندك ساتا ولا داتا لو داتا منصحكش D:

لو ساتا مش حتفرق الرامات قد ايه ,, وطبعا حتحس فرق في السرعه بطريقه غريبه ههههههههههه

العادي والهايبر اكس الفرق خصوصا في سرعة النقل والخامه زائد الساتا 3 وكمان التكنولوجي احدث بدون الخوص في تفاصيل

واخير تغليف الهايبرممتاز جدا جوا علبة كرتون ومتحاوط عليه باسفنج لاكن العادي في حتت بلاستيك كده وخلاص

**M!SHO** · 29-10-2013 01:54 AM

المشاركة الأصلية كتبت بواسطة dodge2013

الكينجستون من موقع امازون عامل عليه عرض جاااااااااااااااااااااااا ااااامد 240 جيجا ب 172 دولار
وشحن 15 دولار لمصر

سعره بره ما لا يقل عن 250 - 350 دولار

لو 60 جيجا بس منصحش يعني الا لو مش حتخليه كهارد اساسي فا سعره رخيص جدا على امازون

لقيته على 40 دولار بس هات حاجه كبيره مره واحده وريح راسك لان ال ssd مشاكله قليله وسريع جدا
عن الهاردد ديسك العادي

انا عايزه صغيره عشان النسخه والبرامج بس لكن هيبقى فيه هارد تاني عادي

عندي اللاب بيقبل تركيب هاردين

**DODGE2013** · 29-10-2013 02:09 AM

المشاركة الأصلية كتبت بواسطة M!SHO

انا عايزه صغيره عشان النسخه والبرامج بس لكن هيبقى فيه هارد تاني عادي

عندي اللاب بيقبل تركيب هاردين

[url=http://www.amazon.com/Kingston-Digital-Adapter-Solid-SV300S37A-60G/dp/B00A35X6GM/ref=sr_1_1?ie=UTF8&qid=1383005294&sr=8-1&keywords=ssd+60+gb]Amazon.com: Kingston Digital 60GB SSDNow V300 SATA 3 2.5 (7mm height) with Adapter