ممكن صور للعربية؟؟
عرض للطباعة
ممكن صور للعربية؟؟
هقولك رأيي العربيه ماشاء الله حاله شاذه فعلا بس مع ذلك اعتقد انها هتحتاج مصاريف في حدود ٤٠٠٠٠ مثلا العربيه موديل ٢٠٠٥ يعني ٨ سنين وحضرتك بتقول مغيرتش حاجه يعني هتحتاج كاوتش جديد ب ٢٠٠٠ على الاقل لو مقاس العجل ١٥ ده غير السيور والزيوت والبوجيهات وتيل الفرامل فاعتقدالسعر محتاج ينزل شويه ياباشا ياريت تقولي النهائي خالص عشان في صديق بيدور على ميجان ويارب كلامي مايزعلكش
لا يا فندم طبعا مفيش اى زعل..الزيوت تمام والسيور انا لسه مشيك عليه طريه وتمام اوى هى فعلا هتحتاج كاوتش لانه نشف من الركنه هو ميشلان فرنساوى بتاع الفابريقه بس بتاع الكاوتش قال لى يتمشى عليه سنه كمان . اما بخصوص السعر يا فندم يعنى هو الكلام مع والدى فيه هيبقى اكثر افاده لو حضرتك كلمته على الرقم اللى فى الاعلان بس معتقدش حضرتك انه هيقل عن 75 وربنا يوفقك حضرتك لما فيه الخير
طيب هي الشنطه بتاعنها صغيره اوي ؟ يعني كام لتر تقريبا
سلام عليكم
كلمة حق بعيدا عن السعر و البيع و الشرا
طقم الكاتينة بالذات لازم يتغير على 60 الف كيلو او 3 سنوات ايهما اقرب , مهما كانت حالته
ده كلام التوكيل
انا عن نفسي غيرته في عربيتي على 50 الف كيلو عشان عمرها بقى 3 سنين
موفق في البيع يا صاحب الموضوع ان شاء الله :)
متشكر جدا لحضراتكم .. بالنسبه لنقطة الشنطه هى واسعه يعنى اقل قليلا من شنطة البيجو 405 واكبر من البيجو 307 مثلا انما معرفش بالارقام بالظبط كام .. وبالنسبه لموضوع التوكيل يا فندم انا مفيش عربيه عندى بتروح التوكيل انا اللى بأشتغل فيها بإيدى حتى الزيت يا فندم عمرى ما بروح لميكانيكيه ولا كهربائيه ولا توكيل فى كل السيارات عندنا وبالنسبه للميجان هو فقط البوجيهات والزيت وسير الكاتينه لما بصيت عليه ماشاء الله تمام جدا
طيب مكانك فين ياباشا
عجبانى اوى العربية و عاجبنى اكتر مصداقيتك التى لا تقدر بثمن و عاجبنى اكتر و اكتر انك بتعمل فيها كل حاجة بنفسك وربنا يوفقك ان شاء الله فى بيعها