بيان هام من مجلس إدارة قنوات سي بي سي بشأن برنامج باسم يوسف

**eslamrace** · 28-10-2013 09:28 PM

باسم ذكى الكل لازم يعترف بده خاصه مع اهتمام فئات كتير من الناس بيه سواء مؤيدين او معارضين او مش فارقه معاهم وذكائه اتضح اكتر كمان فى الحلقه الاخيره اللى مكانش ينفع تطلع غير بالصوره دى اللى احتار فيها المتعصبين لكل فريق وكل واحد فيهم بقى مش عارف يهاجم ولا يتريق على الطرف التانى ولا يسكت ولا يعمل من بنها
ومع ذلك اهتمام اداره قناه خاصه بحلقه من برنامج اظن الموضوع لا يتعدى العاب سياسيه بيخلى فيها كل طرف مسؤليته احسن يتلط بدون داعى .
يا رب الناس تهدى وتقتنع ان برنامج باسم لا يتعدى برنامج ترفيهى يتراوح بين الاسقاطات الحاده وبين الابتزال الحاد ولكن فى النهايه جرعه ترفيهيه لكتير من الناس يارب نبقى كلنا كووول زى ا/ماهر ههههههههههههههههه ونحط كل حاجه فى قدرها الحقيقى
تحياتى.

**mmolazem** · 28-10-2013 09:41 PM

‫احمد موسى: باسم يوسف دا مجرد صرصار يتداس بالجزم‬&lrm; - YouTube

حاجه تقطع القلب . . .( بتاع أحد الشعبين ) .

**Imhotep** · 28-10-2013 09:46 PM

الواد دمه تقيل و كلامه مباشر كأنه بيقول محاضرة و مضحكنيش و لا مرة :-( . . . بس برضه هو معذور لان تأليف الكوميديا و انك تنتزع الضحكة من بنى ادم ده شئ صعب جدا و ده برضه يضيف لجاذبية برنامج باسم مع ان احيانا حلقة كاملة ممكن تعدى و مضحكش فيها غير مرة و لا اتنين بس برضه لا بأس احسن من مفيش و برضه الاسكتشات احيانا بتبقى لوحات جامدة حدا زى الاغنية فى الحلقة الاخيرة مثلا الواد التخين اللى كان ماسك مصاصة كبيرة اوى كان شكله مسخرة اول ما لمحته وقعت على الارض من الضحك :-) و الواد القصير اللى كانوا كل شوية يضربوه برضه مسخرة

**ESO101** · 28-10-2013 09:52 PM

المشاركة الأصلية كتبت بواسطة mmolazem

‫احمد موسى: باسم يوسف دا مجرد صرصار يتداس بالجزم‬&lrm; - youtube

حاجه تقطع القلب . . .( بتاع أحد الشعبين ) .

مش فاضل غير أحمد موسى يتكلم عن باسم يوسف
رغم كل ملاحظاتنا على باسم يوسف
إلا أنه ( مبدع ) وعنده شيء عرف يتميز بيه
أما أحمد موسى شخصية مريضة

**eslamrace** · 28-10-2013 09:53 PM

المشاركة الأصلية كتبت بواسطة imhotep

الواد دمه تقيل و كلامه مباشر كأنه بيقول محاضرة و مضحكنيش و لا مرة :-( . . . بس برضه هو معذور لان تأليف الكوميديا و انك تنتزع الضحكة من بنى ادم ده شئ صعب جدا و ده برضه يضيف لجاذبية برنامج باسم مع ان احيانا حلقة كاملة ممكن تعدى و مضحكش فيها غير مرة و لا اتنين بس برضه لا بأس احسن من مفيش و برضه الاسكتشات احيانا بتبقى لوحات جامدة حدا زى الاغنية فى الحلقة الاخيرة مثلا الواد التخين اللى كان ماسك مصاصة كبيرة اوى كان شكله مسخرة اول ما لمحته وقعت على الارض من الضحك :-)

برغم انى مشفتوش بس مش لحاجه غير انى ليه حلقتين واستبوخته وده مش عيب فيه بس هو الموضوع قبول مش اكتر فى ناس مبيبقاش عندها اى موهبه ولكن القبول اللى عنده يخليك تفضل تشوفه وممكن شخص موهوب ومع ذلك غير مقبول وده سر نجوميه كتير من الممثلين والفنانين
وبرضه الشخص اللى بياخد الموضوع بجديه ويحضر كويس ويدور كتيييييييييير علشان يقدر يعمل شئ كوميدى غير اللى بياخد الموضوع لمجرد الظهور وعلشان كده دايما بيقولو ان صناعه الكوميديا من اكتر الصناعات صعوبه
تحياتى .

**ESO101** · 28-10-2013 10:02 PM

المشاركة الأصلية كتبت بواسطة Imhotep

الواد دمه تقيل و كلامه مباشر كأنه بيقول محاضرة و مضحكنيش و لا مرة :-( . . . بس برضه هو معذور لان تأليف الكوميديا و انك تنتزع الضحكة من بنى ادم ده شئ صعب جدا و ده برضه يضيف لجاذبية برنامج باسم مع ان احيانا حلقة كاملة ممكن تعدى و مضحكش فيها غير مرة و لا اتنين بس برضه لا بأس احسن من مفيش و برضه الاسكتشات احيانا بتبقى لوحات جامدة حدا زى الاغنية فى الحلقة الاخيرة مثلا الواد التخين اللى كان ماسك مصاصة كبيرة اوى كان شكله مسخرة اول ما لمحته وقعت على الارض من الضحك :-) و الواد القصير اللى كانوا كل شوية يضربوه برضه مسخرة

الواد التخين لما كان بيرقص فصلني ههههههههههههه
ركز فالدقيقة 2:46

[youtube]sCEgL5bjBVM[/youtube]

على حتة زي أبو سكسوكة .. هرب في فلوكة .. كان ناقص يلبس باروكة
الواد نسي نفسه ههههههههههههههههه

**Imhotep** · 28-10-2013 10:05 PM

هى دى بالظبط النقطة المهمة انه سواء اتفقنا او اختلفنا معاه يظل هامش الابداع عند باسم يوسف عالى جدا فى ظل الصعوبة الكبيرة انك مطالب انك تعمل حلقة تضحك الناس كل اسبوع و تحديات كده من تخيل و كتابة سيناريو و تنفيذ. . . و التنفيذ بيبقى على مستوى عالى جدا بالذات فى الحاجات اللى بتعملها مجاميع زى اوبريت قطرى كان فعلا الاداء اوبرالى و كمان اختيار المغنيين اللى فعلا متقمصين شخصية المغنيين الاصليين و غيرها من التفاصيل اللى بتضيف للحلقة. . . فى مين تانى بيعمل نفس الاهتمام بالتفاصيل فى اى برنامج اخر؟ تقريبا مفيش عشان كده انا قلت انه مجرد انه ياخد المساحة دى من اهتمام الناس و القدرة الكبيرة دى على اثارة الجدل سواء مع او ضد فده نجاح كبيييير جدا و تميز و ذكاء يحسب له. . . نفس التميز اللى خلا احد الاعضاء يعمل موضوع مخصوص يعلق فيه على لازمة مثيرة للجدل برضه لاحد الاحد الاعضاء التانيين فلاقى الموضوع رواجا و تعليقات كثيرة- برضه مع او ضد :-)

**ESO101** · 28-10-2013 10:15 PM

حتى مؤسسة فبريكا شيء مشرف أداء عالي وتقديم محترف

**ESO101** · 28-10-2013 10:17 PM

لكن دا ميخلناش نتعمي عن سلبياته ونشرب المادة بدون أي ردة فعل !
منتظرين نقد حقيقي
هنشوف الحلقات الجاية هيكون على نفس المستوى وقت مرسي ولا مجرد تطبيل لفريق معين ورعب من السيسي

**prof2013** · 28-10-2013 10:38 PM

المشاركة الأصلية كتبت بواسطة eso101

لكن دا ميخلناش نتعمي عن سلبياته ونشرب المادة بدون أي ردة فعل !
منتظرين نقد حقيقي
هنشوف الحلقات الجاية هيكون على نفس المستوى وقت مرسي ولا مجرد تطبيل لفريق معين ورعب من السيسي

وانا ايضا انتظر ذالك ..... اتمنى ان ينتقد باسم يوسف عبد الفتاح السيسي وخطاباته المضحكه وما اكثرها كما انتقد مرسي ومن وجهه نظري الشخصيه ورغم ما لاقاه مرسي من نقد وسخريه من خطاباته الا انه يتفوق كثيرا عن السيسي في الخطابه والكلمات التي يتفوهها
اذن النتيجه الطبيعيه ان نجد سخريه اكثر من باسم يوسف تجاه السيسي واعوانه
دعونا ننتظر