الموضوع: بيان هام من مجلس إدارة قنوات سي بي سي بشأن برنامج باسم يوسف

المشاركة الأصلية كتبت بواسطة eso101

[youtube]1hr5ufl25ja[/youtube]

شوفوا التعليقات عشان تشوفوا قدر الناس دي في عيون المصريين مؤيدين ومعارضين
حاجة ( تفرح القلب ) هههههههههه

احلي حاجة انهم بدءو الانقسام علي انفسهم.

لاول مرة في حياتي اقولك شكرا باسم يوسف انك تسببت في كمية القرف اللي طاف وظهر عالسطح ده.

وعلي الله حد يفهم برده.

ملخص الحلقه : مصر ماشيه بورقه ... عرفى !!؟ لأ .. تفويض ...

حابب بس أعلق على جمله واحده بس قالها ... " ان فيه ندره فى الماده الاعلاميه اللى كان بيستغلها فى حلقاته .. بسبب قفل القنوات الدينيه و خطابات مرسى الطويله و كل المنتمين للتيار الاسلامى و موءيدينهم" ..

فحبيت اساعده و اديله بعض النقط اللى ممكن تساعده فى حلقاته الجايه وممكن تعمل معاه احلى افيهات و مسخره :

1- بنطلون السيسى و السلم اللى اخده معاه فوووووق و صوره مع الممثلات و المغنيات فى المناسبات هوه و قيادات الجيش و المتحدث العسكرى .
2- عدلى منصور .. و ده يتفردلوا حلقات !!! بكمية الافيهات اللى طلعت عليه .
3- حكومة الببلاوى .. حكومة الشباب .. و كشف حساب ال 100 يوم اللى اجلته الى اجل غير مسمى ..
4- المتحدث العسكرى و الانجذاب اللى عامله !!!!
5- يكلمنا عن العقد اللى مع شركة دعايه للتسويق لمصر جوه بره !!!!
6- يا ترى ليه كل حكومة هشام قنديل اتغيرت ما عدا الكهرباء و البترول و الداخليه !!!! مع ان اغلب الناس كانت بتلعب و مركزه على التلات حاجات دول !!! الامن و الكهرباء و البنزين !!! ولا دلوقتى بقى عادى !!!
7- يكلمنا عن النفاق اللى يخلى الواحد يرجع من مقدمى برامج التوك شو و غيرهم و زى ما يكون خلاص بقينا سويسرا!
8- طالما كان بيتكلم عن نحس مرسى .. يكلمنا على النحس اللى احنا فيه دلوقتى طيب .. حريق السد العالى .. حوادث قناة السويس .. غرق مراكب .. ترحيل مصريين من الاردن بعد زيارة عدلى منصور ....... وكتييييير غيرها...
9- يكلمنا عن الدين الداخلى و الخارجى و العجز فى ميزان المدفوعات بارقام و شهادة البنك المركزى ... و مقارنات نفس الفتره مع اللى قبلها !!
10- و طبعا يا ريت يكلمنا عن اللى ماتو فى فض رابعه و النهضه و الحرس و و حرق الجثث و حرق المصابين احياء و فرحة و سعادة الداخليه بموتهم هما و الاعلام زى ما يكونوا مش بنى آدمين.
11- يكلمنا عن انتهاكات الداخليه بغباوه اكتر من الاول و تعمد للاهانه لمجرد فرض فكرة انك مدام عايز امن يبقى انسى كرامتك.. و اعتقالات بطريقه عشوائيه لأى حد بقوائم قديمه من قبل 25 يناير و منهم اللى مات من شهور و رايحين يعتقلوه ..
12- البنات اللى قابضين عليها بتهمة حيازه بلالين رابعه ..
13- يكلمنا عن عربية الترحيلات اللى مات فيها 38 واحد بسبب غباء تصرف مجموعه من الظباط !!!
14- يكلمنا عن نتيجة تحقيقات تفجير وزير الداخليه .. مخابرات الاسماعيليه .. جنود سينا .. و غيرها .. فين التحقيقات !!!
15- البرادعى .. مشى ليه .. و رأيه ايه !! مش هوه اللى كانوا مفوضينوا تمرد !!! طيب اخباروا ايه !!
16- ايه اخبار الامن و الاستقرار و الاسعار !!! كل حاجه تمام الحمد لله !!؟
17- يكلمنا شويه عن الشحاته من دول الخليج !! و يكمل الاغنيه بتاعة قطر ببقية البلاد اللى بتشحتنا دلوقتى !!
18- لاميس و خيرى و النقطه اللى كانوا بيلموها على الهوا !!! وفلوسها راحت فين !!!
19- الدستور !!! و لجنته !!! دى يتفردلها حلقاااات !!! و اللى بيحصل فيها ..
20- الشركات اللى بتلم و تمشى تسيب البلد كل يوم !!!
21- يفهمنا ليه كل مقدمى البرامج فرحانين و راضيين و مبسوطين فى الوقت اللى الناس كلها شايله الطين !!!!
22- فين المسيرات و المظاهرات اللى كل يوم فى كل حته !!!جامعات .. مدارس .. شوارع .. محافظات .. !!! كل دول اخوان !!!!
23- تسريبات رصد !! تحصين وزير الدفاع !!! ايه !!!؟
و غيرها كتييييييييييير .. ده اللى جه فى بالى دلوقتى .. كمساعده منى بماده اعلاميه علشان هوه بيقول انوا مش لاقى !! و كده وانا مجرد متابع عادى !! لكن لو معايا فريق اعداد زيوا و واحد لكل برنامج اكيد هنطلع بلاوى ....
لكن يا ريت بلاش طريقة السم فى العسل !!! و فرض فكرة الخضوع للأمر الواقع ...

ولو جاب الحاجات دى ساعته هقوللوا من كل قلبى ....... Good luck ya Baseeeeeeeeeeeeeeeeeeeeeeeem