بيان هام من مجلس إدارة قنوات سي بي سي بشأن برنامج باسم يوسف

**ESO101** · 28-10-2013 07:20 PM

[youtube]SNlRv5XFGPM[/youtube]

إيه رأيكم ؟

**Imhotep** · 28-10-2013 07:34 PM

الاراء اللى هتتقال هتتراوح بين ما يلى:
بيضربوا بنط جدعنة مع الحكام الحاليين على حسابه

طلقة تحذير عشان يلزم حدوده بعد كده و لا يتجاوز الخطوط الحمراء

محاولة انهم يوهموا المشاهدين انهم مستائين من اللى بيقوله و الايحاءات و الكلام ده. . .

توزيع ادوار

ها مين يزود و يقول حاجة جديدة :-)

**ابو لؤى** · 28-10-2013 07:39 PM

ممكن اضحك لو سمحت ههههههههههههههههه

**ESO101** · 28-10-2013 08:08 PM

المشاركة الأصلية كتبت بواسطة imhotep

الاراء اللى هتتقال هتتراوح بين ما يلى:
بيضربوا بنط جدعنة مع الحكام الحاليين على حسابه

طلقة تحذير عشان يلزم حدوده بعد كده و لا يتجاوز الخطوط الحمراء

محاولة انهم يوهموا المشاهدين انهم مستائين من اللى بيقوله و الايحاءات و الكلام ده. . .

توزيع ادوار

ها مين يزود و يقول حاجة جديدة :-)

أهلًا بالعزيز إمحوتب
دا بما إن باسم يوسف يعني تجاوز حدوده
باسم يوسف مش ممكن يكون تعدى الخطوط الحمراء بحلقته
اللي هيا عبارة عن مجموعة فقرات
تريقة على ناس سايحة في دمها ومعتقلة + تريقة على نفاق + فقرة المرأة الساقطة + شوية كلام
مفيش أي تعليق على خطابات السيسي مهازلهم الكوميدية وجرائمهم الوحشية

لن ينجح البرنامج في إستحمار المتلقي بهذه الطريقة
لن ينجح البرنامج إلا إذا إنتقد السيسي بكل قوة كما كان يفعل مع مرسي
لن ينجح البرنامج وهوا بيسخر من ناس معتقلة

ومش عايزينه يألف الواقع كفاية

**mohamed_selim** · 28-10-2013 08:28 PM

هل ده معناه ان البرنامج المتسجل اتعرض من غير ما القناه تشوفه و توافق على محتواه؟

**Imhotep** · 28-10-2013 08:34 PM

أنا شخصيا هكون من اسعد الناس
لما السيسي يهرتل زى مرسى
عشان باسم يوسف ينتقده زى ما الناس عايزة
و ادينا قاعدين بنتفرج لان انا شخصيا من الناس اللى وصفهم الاخ r0xer فى الموضوع التانى اللى عن باسم يوسف انهم الناس الكوول
يعنى الناس اللى مش هيتأثر رأيها بباسم يوسف سواء نقد مرسى او مدح السيسى او العكس مش فارق معايا و لا انا هتضايق و لا هنبسط
انا من الناس اللى يهمها تضحك و بس لانه فى الحقيقة ده بقى هدف دلوقتى فى حد ذاته فى وقت عز فيه الضحك

بس نقطة على جنب كده. . . جايزة الاوسكار فى الهرتلة لن ينزعها احد من مرسى مهما طال الزمن. . . دماغه دى كانت مليانة الماظات :-)
احنا مفتقدينه جدا على الاقل كان بيدى مادة ثرية جدا لباسم يوسف لا مثيل لها :-)

نقطة جانبية كمان. . . اللى عايز باسم يوسف ينتقد السيسى. . . بيعترف ضمنا بتأثيره الكبير على طائفة واسعة من الناس. . . و مستنيه يعمل كده مع السيسى زى ما عمل مع مرسى لعل و عسى و العيار اللى ما يصبش يدوش :-). . . بس حتى دى برضه طلعت فشنك. . . لان ناس كتير جدا فقشت من مجرد تعرض باسم للسيسى فى الحلقة اللى فاتت. . . يعنى رب ضارة نافعة :-)

على العموم ادينا بنتسلى و نضحك. . . مجرد ان باسم يوسف واخد الحيز ده كله من اهتمام الناس مهما كان نوعه ده نجاح ما بعده نجاح يحسب له

**ESO101** · 28-10-2013 08:51 PM

دا شيء مميز إن فيه برنامج بيجمع الناس حوليه وأنا شخصيًا من المتابعين للبرنامج
بجيب الحلقة بعد مارجع من الشغل وأتفرج عليها عالنت ( لوحدي )

ومن أكتر الناس اللي ضحكوا على مرسي و شوية مصطلحاته اللي كانت مادة ملهاش مثيل في برنامج باسم يوسف
وكنت في كل خطابات مرسي بعد أعد الحجات اللي هيجيبها باسم ونراهن بعض أنا وصحابي ههههه
لكن دا مش معناه إن السيسي أقل كوميديا دا كفاية شوية التسريبات الجامدة اللي طلعت عليه والخلل الواضح في التصريحات

هههههههههههههههههههههه

أنا ممكن أعمله مادة دسمة هيعوم فيها باسم وفريقه هههههههههه

**Imhotep** · 28-10-2013 09:06 PM

هايل خلى كل فريق يطلع اللى عنده و احنا نتفرج و نشجع اللعبة الحلوة :-)

**ESO101** · 28-10-2013 09:09 PM

هوا فريق واحد و( الشعب ) بيتفرج عليه

وأما نشوف المسرحية دي هتخلص على إيه

**ESO101** · 28-10-2013 09:21 PM

[youtube]PCUgkszIAdo[/youtube]

لاحظوا الحلقة نزلت بتاريخ 24/10/2013 يعني قبل حلقة باسم يوسف بيوم واحد
المشاهدات اللي عملتها
731,032
like 14,242
dislike 1,533

دا والبرنامج مش على الشاشات والشاب مش مشهور ومفيش أي إمكانيات ومفيش أي إحاءات ولا هالة إعلامية