الجماعة الاكيلة اية اسعار الاوبن بوفية فى القاهرة وافضلها؟

**الفجر** · 28-10-2013 08:41 PM

الجماعة الاكيلة واللى بتحب الاكل فى المنتدى هنا برة اية اخبارالاوبن بوفية برة البيت فى القاهرة واسعارهم اية وهل الاكل بايت ولا حلو وطازة وهل فى تخفيضات للاعداد ؟ وازاى الحجز؟

**Ayman-Ahmed** · 29-10-2013 12:26 AM

البوفيه بصفة عامة مبيبقاش اكل طازج 100% وده بنسبة كبيرة هتلاقيه حاليا لضعف الاقبال على اماكن الاوبن بوفيه الا اذا كانت مناسبة عامة-عيد-راس سنة.....الخ.

تخفيضات الاعداد على حسب سياسة المكان وكام العدد اللى هيدى عليه تخفيض ولكن ممكن بنسبة كبيرة تاخد تخفيض كويس لو مركب عائم وعدد الافراد فوق ال 10.

الاسعار ممكن تبدا من 90 لحد 300 للفرد وده على حسب المكان وجودة الاكل والمطبخ ونضافته.

**الفجر** · 29-10-2013 12:37 AM

المشاركة الأصلية كتبت بواسطة ayman-ahmed

البوفيه بصفة عامة مبيبقاش اكل طازج 100% وده بنسبة كبيرة هتلاقيه حاليا لضعف الاقبال على اماكن الاوبن بوفيه الا اذا كانت مناسبة عامة-عيد-راس سنة.....الخ.

تخفيضات الاعداد على حسب سياسة المكان وكام العدد اللى هيدى عليه تخفيض ولكن ممكن بنسبة كبيرة تاخد تخفيض كويس لو مركب عائم وعدد الافراد فوق ال 10.

الاسعار ممكن تبدا من 90 لحد 300 للفرد وده على حسب المكان وجودة الاكل والمطبخ ونضافته.

طيب محتوى الاكل اية لحوم واسماك ؟؟؟

واللحمة مستوردة ويجيلك اسهال بعدها ولا كويسة وتتاكل ؟

**Ayman-Ahmed** · 29-10-2013 01:23 AM

المشاركة الأصلية كتبت بواسطة الفجر

طيب محتوى الاكل اية لحوم واسماك ؟؟؟

واللحمة مستوردة ويجيلك اسهال بعدها ولا كويسة وتتاكل ؟

كل ده برضه هيتوقف على المكان وجودته ولكن معظم الاوبن بوفيه هيبقى مستورد ومش لدرجة الاسهال الا اذا كان المكان سئ للغاية.

الاوبن بوفيه كل ما تنوع اكتر كل ما سعره هيزيد جدا.

فيه اوبن بوفيه+عرض رقص شرقى+dj+باند+مركب متحرك لمدة ساعتين.ممكن يتكلف من 200-230 جنيه للفرد على مركب زى فرعون النيل.

وجودة اقل وسعر اقل ممكن مركب مصر للسياحة.مع ان الاتنين 5 نجوم.