مين شاري في بورتو ساوث بيتش او شاري تايم شير من عامر جروب؟

**qkash.com** · 28-10-2013 09:14 PM

اعضاء النايل موتورز الاعزاء ...كيف احوالكم

كنت بسأل لو فيه حد اشتري من عامر جروب في مشروع بورتو ساوث بيتش في العين السخنة...انا شاري فيه من شهر يناير 2013 وكانوا بيقولوا ان الاعضاء ممكن يستفيدوا بتايم شير في اي مشروع تبعهم لمدة اسبوع لحد الاستلام كهدية يعني من الشركة للأعضاء...عامةً انا مش مستعجل اوي يعني لو في فرصة لأسبوع هدية قبل الاستلام يبقي فل اوي ..ولو مفيش يبقي نستني لميعاد الاستلام باذن الله

هما كلموني من يومين وقالولي اروح استلم عقد الوحدة (اللي هي تايم شير 30 يوم خلال السنه لمدة 50 سنة للناس اللي متعرفش)

بس انا شايف ان في ناس كتير بتشتكي منهم وان المشروع مش ماشي بالسرعة المطلوبة واكيد هيتأخروا في التسليم..وكمان في ناس كتير بتشتكي من سوء المعاملة واللامبالاه من خدمة العملاء بصفة عامة
وهذا الكلام ينطبق علي بعض المشروعات الاخري مثل بورتو شارم وبورتو مطروح وغيرها

لو في حد اتعامل معاهم وممكن يفيدنا بأي معلومة او اي نصيحة يبقي جزاه الله خيراً.

**ahmed4000** · 29-10-2013 10:45 AM

شركة مصرية فحتتوقع ايه...يجروا وراك ويبقوا قمة فى الذوق والتعاون
واول متشترى يبدأوا اللامبلاة وده كان سبب تراجعى عن شراء التايم شير بتاعهم رغم انه كان عرض جيد جدا

**mohamed_selim** · 29-10-2013 11:05 AM

انا شارى معاهم بس محدش قالى على موضوع الاسبوع الهديه ده .... بالنسبه للاستلام المفروض نص 2014 بس فى حد قالى مش قبل 2015 .. لو هتروح تستلم العقد ممكن تسالهم على موضوع الاسبوع ده و تبقى قولنا

**الجنرال** · 29-10-2013 02:17 PM

كنت هشتري منهم .. لكن بسبب المعاملة الزبالة وعدم المصداقية فى الكلام وانه يقولي كلام علشان يجر رجلي وبعد كده يلحسها ويعمل عبيط .. بسبب الكلام ده فقدت الثقة فيهم ومرضيتش اشتري مع اني كنت خلاص على وشك اني امضي العقد بتاع التايم شير ده وادفع المقدم

**qkash.com** · 29-10-2013 06:16 PM

هروح استلم العقد...لما نشوف اخرتها معاهم الجماعة دول وهسألهم عن التطور في المشروع

وهرجع اقولكم ايه اللي تم ان شاء الله

**tkamal** · 30-10-2013 11:17 PM

اشتريت وطبعا ممكن ترحل ميعاد التسليم مش اقل من سنتين

**ahmedmohelsayed** · 23-12-2013 01:25 AM

السلام عليكم ورحمة الله وبركاته
انا سألت من شهر على موعد التسليم لوحدات التايم شير
قالولي إن التسليم إتأجل لشهر 6-2014
بسبب الاحداث اللي في البلد
علشان الطريق لسه مالهاش
لأن الجيش هو اللي ينفذها
في حد عنده أي جديد
هو كان المفروض التسليم يكون في يناير 2014
يا ريت كمان لو في حد زار الموقع يقولنا ايه الاخبار هناك

شكرا

**ahmadyusuf** · 23-12-2013 09:40 AM

السلام عليكم و رحمه الله و بركاته
ده جروب معمول علي النت لموضوع Port South Beach و حتلاقوا عليه كل التطورات

https://www.facebook.com/groups/392207520890719/

**qkash.com** · 24-05-2014 05:45 PM

محدش عنده اخبار عن مشروع بورتو ساوث بيتش يا جماعة

**محمد طارق** · 26-05-2014 09:51 PM

هو يعني اية التايم شير

الموضوع: مين شاري في بورتو ساوث بيتش او شاري تايم شير من عامر جروب؟

LinkBack

أدوات الموضوع

عرض

مين شاري في بورتو ساوث بيتش او شاري تايم شير من عامر جروب؟ - انشر الموضوع فى :

-

-

-

-

المواضيع المتشابهه

حد جرب التايم شير مع عامر جروب (بورتو) ؟

شاري 405 من شهر

حد تعامل مع بورتو ''عامر جروب'' ؟

لسه شاري لانسر 2007

الكلمات الدلالية لهذا الموضوع

المفضلات

المفضلات

ضوابط المشاركة