السلام عليكم ..
لو سمحت كنت عايز اعرف المصاريف الاجمالية لترخيص " بـيـجو 301 " كام بالظبط ..
وهو الترخيص اقل حاجة واكثر حاجة كام سنة .. والنظام ايه " التكلفة " ؟؟
وشكرا .
عرض للطباعة
السلام عليكم ..
لو سمحت كنت عايز اعرف المصاريف الاجمالية لترخيص " بـيـجو 301 " كام بالظبط ..
وهو الترخيص اقل حاجة واكثر حاجة كام سنة .. والنظام ايه " التكلفة " ؟؟
وشكرا .
التوتال في حدود 1400-1500 جنيه
هقولك التفاصيل اللى انا فاكرها
الضريبة 3 سنين 660
المثلث والاسعافات 71
تأمين اجباري 320
طفاية 140
حافظة ملف 25
كدة 1216 ، وطبعا في شوية فكة وحاجات تانية زي النمر وشوية حاجات كدة مش فاكرها المهم اعمل حسابك وخد معاك بتاع 1500 جنيه
مش عارف والله هل تمن العربية في فئة الـ 1600 بيدخل في حساب الضريبة ولا لا ، بس تقريبا لا
المثلث وحقيبة الاسعافات من هناك ، والطفاية من المكتبة اللى هناك او تقريبا من كشك التأمين الاجباري ، مش متأكد بالظبط ( المهم انا جبت كل حاجة من هناك )
المهم في ملاحظة انت لو مرور محافظات تعمل حسابك تروح المرور اللى تبع المحافظة نفسها تعمل استعلام امنى عن العربية لان دى الحاجة اللى اخرتنى يوم ما جيت ارخص لانى مكنتش عامل حساب حاجة زي كدة وكنت فاكر الاستعلام الامنى ده للعربيات المستعملة بس
هو حضرتك الورق بتاعها بيكون صورة الافراج الجمركي .. وورقة البيع من التوكيل للموزع .. وورقة البيع من الموزع ليا انا ... وخطاب المرور الموجه للمرور التابع ليا ... وشهادة البيانات نفسها كمان
ليه بقى اعمل الاستعلام الامني ده .. ما كل الحاجة موجودة ورسمية كمان ومنهم كلهم !!
مش عارف بس عموما ده شيء كويس مش وحش ، لان ممكن العربية تتسرق من المعرض او التوكيل ويتم تزوير الورق ، او حد يزور توكيل عام ويتعامل بصفتك ويرخص باسمك او باسمه والعربية تبقى معاه ، المهم انه اجراء امنى
هو رخم شوية لو انت مش عارف وخصوصا لو المرور بتاعك متخلف ومش بيطلع من نفس الوحدة زي ما حصل معايا ، انما انا لو كانت رايح وعارف مسبقا بالموضوع ده مكنش هيضايقنى اوى
ده حتى الموتوسكلات بيعملوا لها الاستعلام الامنى دلوقتى وده شيء كويس
العفو ياباشا :)
حضرتك استلمت ولا لسة ؟
الف مبروك :)
الله ينور يا عمرو بية من الآخر :tumb:
بالنسبة لنقطة الضريبة فهى بتعتمد على السعة بتاعت الموتور مش فئة العربية فهى هتبقى موحدة على كل الفئات
الاستعلام الامنى دة خطوة روتينية و ضرورية بس دى عندنا بتبقى فى المرور برضة