وزير النقل‏:‏ الطرق الحرة تدخل مصر

**Mina W** · 06-07-2007 12:10 PM

يشهد الدكتور أحمد نظيف رئيس مجلس الوزراء أوائل الشهر المقبل‏,‏ توقيع عقد تحويل طريق القاهرة ـ الإسكندرية الصحراوي إلي طريق حر تمهيدا لطرح‏3‏ طرق أخري أمام القطاع الخاص لتطويرها في المرحلة المقبلة‏.‏

ومن جانبه أكد المهندس محمد منصور وزير النقل لـاهتمامات الناس أن الوزارة ستوقع العقد مع شركة المقاولون العرب لتقوم بتنفيذ المرحلة الأولي من تطويره خلال عامين بطول‏50‏ مترا‏,‏ وبتكلفة‏446‏ مليون جنيه دون إضافة رسوم جديدة لعبور الطريق :?: ‏.‏

وقال الوزير‏:‏ إن هذا الطريق واحد من أربعة طرق سيتم طرحها أمام القطاع الخاص لتطويرها في المرحلة المقبلة بعد أن تقوم الوزارة بالاشتراك مع المقاولون العرب بتطوير طريق الإسكندرية ـ القاهرة ليكون أول طريق تم تطويره وفقا للمستويات المطبقة عالميا من أمن وسلامة المركبات التي تستخدمه :!:

بالإضافة إلي الخدمات الجانبية الملحقة به من وحدات للإسعاف‏,‏ ومحطات للوقود‏,‏ واستراحات لخدمة رواده‏,‏ فضلا عن الورش الصغيرة الخاصة بصيانة السيارات وإصلاح الأعطال الطارئة علي امتداد الطريق الذي يبلغ‏220‏ كيلومترا‏.‏

وبالنسبة للطرق التي سيتم طرحها أمام القطاع الخاص فسوف تشمل‏:‏
*‏ القوس الشمالي من الدائري الإقليمي حول القاهرة بطول‏130‏ كيلومترا‏.‏
‏
*‏ الطريق الدائري الحالي حول القاهرة الكبري بتحويله إلي محور نقلي متكامل حر لسير سيارات النقل الكبيرة بطول مائة كيلومتر‏.‏
‏
*‏ طريق شبرا ـ بنها كبديل لطريق القاهرة ـ الإسكندرية الزراعي بوصلتيه‏(‏ القاهرة ـ طوخ ـ بنها‏),‏ والوصلة الأخري‏(‏ القاهرة ـ طوخ ـ الزقازيق‏).‏

وأشار الوزير إلي أن هذا الطرح يأتي في إطار مخطط الوزارة لتطوير هذه الطرق الرئيسية وتحويلها إلي طرق حرة عن طريق القطاع الخاص في ضوء تنفيذ تطوير طريق الإسكندرية ـ القاهرة الصحراوي كنموذج استرشادي للطرق الحرة الذي تملكه وتديره الوزارة من خلال هيئة الطرق والكباري التابعة لها‏.‏

وبالنسبة لأعمال التطوير قال الوزير‏:‏ سوف يتم تطويره علي أربع مراحل يتم خلالها الالتزام بالمواصفات العالمية في أعمال تمهيده وإقامة الحواجز الخرسانية لعزل المناطق السكنية علي جانبي الطريق‏,‏ فضلا عن السماح للسيارات بسرعات أعلي من‏120‏ كيلومترا في الساعة وحتي‏220‏ كيلومترا :D من خلال‏4‏ حارات بكل جانب من جانبي الطريق‏.‏

**جندى مجند** · 06-07-2007 04:44 PM

فضلا عن السماح للسيارات بسرعات أعلي من‏120‏ كيلومترا في الساعة وحتي‏220‏ كيلومترا من خلال‏4‏ حارات بكل جانب من جانبي الطريق‏.

أقولك على اللى حيحصل مقدماً ... الحارة فى أقصى اليسار حتحتلها التريللات بمقطورة و تمشى على 70 و الحارة اللى جنبها على طول التريللات بدون مقطورة على 80 و الجدع يهوب! و الحارتين على اليمين حتلاقى شباب مصر كلهم جايين يطلعوا الكبت بتاع السنين دى كلها فيهم و مديينها غرز على 180 و 200 و الناس الطبيعية اللى معاها أسر و أطفال و عايزين يمشوا على 100 أو حتى 120 أو 130 مش حيلاقوا مكان وسط الهيصة دى فياخدوا الزراعى بقى!

**mina_ramsis** · 06-07-2007 04:51 PM

يا باشا الزراعى اغلب الطريق السرعة فيه 60 كيلو فى الساعة هو يا 180 يا 60 مفيش حاجة وسط

**Mina W** · 09-07-2007 10:54 AM

علشان تمشى بالعربية مش تجرى على 120 كم/س لازم الطريق يكون مرصوف كويس و الناس ملتزمة بالحارة اللى ماشية فيها مش بينط من حارة لحارة كأنه بيلعب بلاى ستاشين مش على طريق سريع زى ما الواحد بيشوف

بس ياناس خلونا نحلم اننا ممكن نشوف فى مصر طرق زى اللى فى الدول المحترمة و اللى السواقة فيها كلها ادب مش بلطجة لان القانون على الكل و مش مهم بابا مين و لا عمو بيشتغل ايه

**egyegy** · 09-07-2007 03:23 PM

المشاركة الأصلية كتبت بواسطة Mina W

ياناس خلونا نحلم اننا ممكن نشوف فى مصر طرق زى اللى فى الدول المحترمة و اللى السواقة فيها كلها ادب مش بلطجة لان القانون على الكل و مش مهم بابا مين و لا عمو بيشتغل ايه

و انا كمان بحلم معاك ان بلدنا في يوم من الأيام يبقى فيها على الأقل طريق واحد محترم و لكن العيب ليس في الطرق إنما العيب في من يستخدم تلك الطرق وبالتالي يجب أن يكون الحلم ليس بطريق محترم وإنما بشعب محترم، وهذا هو الحلم بالمُحال والمُستحال، بالنسبة لحكاية القانون على الكل فهذا لن يحدث في (مصر هي خالتي) مطلقا لأن أبو فلان وعم علان وصهر ترتان هم من يتحكمون في هذه الطرق ويتحكمون ايضا في المرور بل يصغون قانون المرور، وفي مصر هي خالتي يصاغ القانون لكي يحاسب من ليس له أب وعم وصهر والحمدلله أن أبي ليس فلان وعمي ماهو بعلان وصهري لم يكن ترتان.

**mohamed_88sk** · 09-07-2007 04:36 PM

هو لو ده أتحقق حتلاقو إن الطرق دي السرعات فيها تمام وكل حاجه ونفس السرعات اللي بيتعاملو بيها البني أدمين المحترمين اللي بره .. لكن فكروكو أن اللي حيستخدموا الطرق دي حيتغروا ويكونو زي الناس اللي بره ؟!؟!؟!

في رأيي ده صعب لأن مستوانا الأخلاقي أحنا الشعب المصري مش حيسمح لنا بكده . لأن طبعا حتلاقي اللي مقضيها غرز وعمال يطنطط في وقلب الحارات رايح جاي وكأنه في حلبة سباق وخايف حد يعديه.بجد سلوكياتنا بقت زفت ..والأول محتاجين تغير في أخلا قنا وسلوكياتنا -طبعا إلا من رحم ربي- بس السيئة هي اللي بتعم ويقاس أخلاق الشعب بالأغلبية مش صح برضو ولا إيه ؟؟ ففي رأيي بلاش نسرح بعقول الناس ولا نشطح بأحلام وامال ضعيف جدا تحقق. وياريت محدش بس يفتكر إن ده تشاؤوم أو نظرة سوداوية .. بجد أن بلادنا دي من بعد ومن قبل حتى ما أروح بلدان عربية كتيرة وأقمت هناك ورجعت بلدنا تاني وقارنت بقت بلدنا دي شوية كوم زبالة في نظري سوري في اللفظ بس دي الصراحة ومبحبش غير الصراحة أنا بجد أسف على ما الت إليه بلدنا وما أل إليه سلوكياتنا .. دلوقتي تجد المحترم يقال عليه عبيط وأهبل وجبان والبلطجي ده الراجا الميه ميه وده بتلاقيه على الطريق .. ويقولو القياده فن وذوق .. سلملي على التورماي...
أسف على الأطاله بس بجد أنا لما صدقت أفضفض ..
أخوك الصغير محمد السيد .

**Mina W** · 10-07-2007 09:47 AM

الناس بره مش ملايكة هو الفرق ان فى قانون ماشى على الكل 8) ، انا كنت فى المملكة المتحدة من كام شهر و ركبت مع مديرين كبار و بصراحة كانوا بيسوقوا بطريقة تجييب الضغط ، ادب زيادة عن اللازم (بالمقارنة بالواحد متعود عليه هنا) و ركبت كام مرة مع موظف شاب (فى العشرينات) و لولا الكاميرات اللى فى كل حته و قسط التأمين اللى ممكن يتضاعف لو عمل حادثة كان عمل اكتر من اللى بيحصل هنا :arrow: .
فالحل انهم يحطوا كاميرات مراقبة على الطرق و بكده حتى لو ابويا وزير هيكون فى تسجيل و يتعرف مين الغلط و مين اللى صح بدل العسكرى الغلبان اللى بيقعد يقول ربنا يعوض عليك علشان تمشى و هو يرجع يقف مكانه يشاور يمين و شمال و خلاص