بعد التفحيص والتمحيص جبت اللاب خلاص

**midoabdeen** · 28-10-2013 09:57 PM

السلام عليكم ورحمه الله وبركاته

اخييرا بعد ماتعبت الناس هنا معايا نزلت جبت اللاب اول امبارح خلاص

وعايز اعمل عنه تقرير بسيط كده

جبت hp probook 4540s

المواصفات

core i3-2.4m
ram 4g
vga amd 1g up to 4 g
screen 15.6
finger print

بصراحه الجهاز دا ممتاز جدا
هو انا لغايه دلوقتى لسه مشغلتش العاب عاليه قوى بس امكانيات الجهاز جامده جداااا
والشكل فى منتهى الشياكه الميتال فيه جاااامد جدااا
وكمان الخامات ممتازه جدا تحس انك فعلا معاك جهاز يستاهل انك تدفع فيه فلوس

والصوت كمان جميل جدا لانى كنتى متوقع انه مش هيبقى قد كده لانى كنت راسم على جهاز تانى بيتس اوديو لكن فوجئت ان الجهاز صوته جيد

جبته ب 3450 ج ودا اقل سعر علشان صاحبى يعرف ناس فى المول اللى كان شغال فيه لانى لاقيته فى اماكن كتييير اووووى ب 3500 من غير كارت الشاشه وكمان من غير ضمان انما اللى معايا ضمان 11 شهر

بجد والله انا ماندمتش على الفلوس اللى ادفعت فيه

شوفت الديل والتوشيبا واللينوفو فى نفس الفئه السعريه ولكن معجبنيش حاجه خالص كله الخامات تعبانه جدااا وامكانيات كمان مش تمام