الموضوع: تجربتي في دهان غرفتي

المشاركة الأصلية كتبت بواسطة Sherifmt

مبروك .....واهم حاجة انك كسرت الرهبه وجربت حاجة جديدة ومفيدة .... انا باحييك بشدة اولا انك شاركتنا النتيجة بالصور وثانيا بتجاوب علي استفسارتنا ثالثا انك شجعتني شخصيا لما ارجع مصر اجربها بنفسي ......تحياتي من مكة (:

تيجي بالسلامة إن شاء الله ومتنساش تشاركنا النتيجة لما تعملها

المشاركة الأصلية كتبت بواسطة S O P H O S

ما شاء الله
شغل امتياز فعلا وجميل

تسلم يا باشا

المشاركة الأصلية كتبت بواسطة salodas

الله ينور

عليك يا جميل

المشاركة الأصلية كتبت بواسطة besso

بجد احيك من كل قلبى وارفع لك القبعه

انا بحترم جدااااااا الشخص اللى بيعمل حاجته بنفسه لان احنا شعب التناكه واخداه اوى وتحس انه لو غير الانبوبه حتى يبقى نزل من مستواه ....

انا بردو بعشق انى اصلح حاجتى بنفسى وفى البيت عندنا تقريبا انا شغال بتاع صيانه لكل حاجه ماتور مياه سيفون كهربائى كل شىء حتى الكمبيوتر من ساعت ما اشتريته ماصلحتوش عند حد كل حاجه بجيبها من على النت واحاول بنفسى ولو باظت النهارده المره اللى جايه هاتعمل ومش هاغلط تانى
وان شاء الله فى المستقبل القريب عربيتى بردو محدش هايمد ايده فيها غيرى

دى متعه انك تعمل حاجتك بنفسك اساسا

طب اقوللك على حاجه واحد صاحبى اشترى موتوسيكل صينى المهم كل لما يحب يعمل فيه حاجه اقولله اعملهالك انا يقوللى لا اوديه لميكانيكى ولا كهربائى(مع ان دراستى اصلا سيارات) لكن هو مقتنع ان الكهربائى او الميكانيكى ممكن يخلصهاله احسن حتى لو مشكله هايفه يعنى لو هايفك بوجيه يوديه لميكانيكى اقولله تعالى ووفر الاجره اللى هاتدفعها ما بيسمعش الكلام اقوله طب اعلمك تعمل فيها ايه بردو لا يقوللى انا هاوسخ ايدى وابهدل نفسى على ايه لسانى وجعنى من كتر الكلام معاه

مدرس قاللى جمله زمااااان عمرى ما نسيتها لحد النهارده

قاللى طالما فيه عين بتشوف وعقل بيفكر تعمل اى حاجه

فعلا مشكلتنا إننا شعب تناكة على الفاضي لكن لما تتفرج على برنامج زي خواطر الشقيري وتلاقي شعب اليابان المتحضر بجد كل واحدة بتنضف الشارع قدام بيتها كل يوم بنفسها ومفيش حاجة عندهم اسمها زبال تتأكد إننا فعلا شعب مظاهر كدابة وزي المثل اللي بيقولك "أقرع ونزهي"

المشاركة الأصلية كتبت بواسطة Car's Sniper

بجد شغل عالى ...تسلم ايدك ياباشا وذوقك حلو فى اختيار اللون

تسلم يا باشا على المرور والكلام الجميل

المشاركة الأصلية كتبت بواسطة #MAAM#

ما شاء الله ......... الله ينور عليك حلو انك تعمل حاجتك بنفسك وعلى مزاجك

وعليك يا باشا