السلام عليكم يا رجالة .. طالب منكوا مساعدة سريعة
الفردة اليمين قدام اتبهدلت معايا وانا اتبهدلت معاها ومش هاينفع امشي بالكاوتش ده تاني وراكنه في شنطة العربية و أنا شغال دلوقتي بالاستبن الأصلى بتاع العربية بقالى يومين (وهو مش مستحمل أصلا (وخسارة يتقال عليه عجلة أصلا .. ده اخره يركب على موتوسيكل)
فقولت أغير فردتين الكاوتش اللي قدام .. والأستبن هاجيبله جنط 13 أصلى (اللي هو الفردة العادية بتاعة العربية نفسها) من التوكيل (كلمتهم قالولى 450 جنيه) وأركبله فردة كاوتش هو كمان .. وأهه يبقى على الأقل فردة عليها القيمة بدل عجلة المتوسيكل اللي مكتفاني دي (هي بصراحة معلمانى الأدب في السرعة .. ببقى ماشي على 70 و 80 ) :E_braces[1]:
..
العربية سبارك لايت 2010 والجنط مقاسه (13 /4.5J ) هو أنا مش فاهم (4.5J) دي ايه !!!
الكاوتش مقاسه 155/65R13
السؤال بقى
لما جيت أدور على فردة الكاوتش دى صعب قوي اني الاقيها واللي بلاقيه منها كاوتش صيني و روماني وحاجات تعبانة وانا بحب الحاجة النضيفة حتى لو غالية زي بريدجستون أو تويو او بيريللي (وفيه ناس شكروا في الفولدا الألمانى) ، ولاقيت هانكوك ب 330 عند واحد في الحي السادس في مدينة نصر
اللي سألتهم قالولى اللي انت عايزها دي قليلة و خد الـ 155/70 منتشرة أو 165/65
أنا مش عايز أغير المقاس اللي متصمم علي العربية وفي نفس الوقت مش عايز حاجة أي كلام
..
ايه رأيكوا ؟
