الموضوع: الالنترا خليجي 2008 كامله

شباب قدامي الالنتر 2007 كامله بدون فتحة سقف خليييييييجي دواخل فبريكا راشه حزام بالتكييف التاتش عشان ده اكتر حاجة عجباني ب 5 جنوط اسبور الراجل بيحلف انه لسه مغيرلها عافشه بالكامل 4 مكن رافع
سنتر الاصلي بمفتاحها
حساسات ركن
المريات باشارات ليد بيضا و العربيه فيها زنون من قدام و شبوره
كامير بس مش شغاله هو شايل الشاشه
العربيه عايزة حبة سمكره من بره و دهاان
عداد عامل 175000
صاحبها طالب 82 الف وهحاول انزلها ل 80

ايه راي الشباب ؟؟

المشاركة الأصلية كتبت بواسطة msobhy

بص حضرتك ما تيجى نقسم الكلام بتاعك على كذا جزء
أولا العربيه خليجى (ميزه جامده فى التكييف والدهان)
ثانيا العربيه راشه بره (يبقى فقدت ميزة الدهان اللى فوق)
ثالثا تكييف تاتش (ميزه حلوه وكان نفسى فيها)
رابعا جنوط اسبور (ميزه حلوه وبرضو كان نفسى فيها)
خامسا المريات بإشارات (ميزه حلوه لكن اللى انا اعرفه انها بدأت تنزل فى موديل 2010 - 2011 وياريت حد يأكد المعلومه)
سادسا حساسات ركن وزينون - برضو زى الفل

نيجى بقى للمهم
1- العربيه موديل 2007 - يعنى الموتور القديم
2- العربيه عامله 175000 كيلو - وانا عارف ان فيه ناس هاتعترض على الكلام ده - لكن مش كتيير على موتور الالنترا حتى لو كان القديم - السؤال الفتيس بقى عامل ايه والعفشه اللى اتجددت اتعمل فيها ايه؟؟؟؟؟؟؟
3- العربيه رشه بره وكمان فيها خبطات وعايزه تترش تانى - وفى نفس الوقت العربيه فيها زينون وبارك سينسور ومتركبلها مرايات فيها اشارات وعامله 175.000 كيلو - شكل الكلام بيقول ان صاحبها شاب وكان (اسف على اللفظ) فاشخها زى ما الكتاب بيقول
.
.
اعرف واحد صارف على عربيته زى ما حضرتك كاتب كده - العربيه لانسر موديل 2007 وعامله 60.000 كيلو فقط وكلهم سفر للساحل الشمالى
يمكن اكون غلطان بس العربيه ديه شكلها متهااااااان اوى - وانا اسف على اللفظ - بلاش تفرح بالتكييف التاتش والجنوط وبقى الكماليات ديه
دور على عربيه ماسكه نفسها وان كان صعب عن تجربه - انا قعدت ازيد من 6 شهور بدور على النترا تكون بحالتها لأختى - لاقيت ان كل اللى بيبيع النترا بتبقى العربيه رايحه فى داهيه - أو انه طالب سعر فلكى فيها
لكن فعلا زى ما الاخوه قالوا لحضرتك العربيه ديه توبها سبعينات - واعمل حسابك على 5000 أو 6000 جنيه على الاقل أول لما تشتريها
وبرضو ربنا يكرمك للى فيه الخير ليك

يا جدعان سبعينات ايه مافيش اي حاجه بالكلام ده كله
انا دورت كتير اوي اقل اقل حاجة هيوانداي ماتركس 2007 اوتوماتيك ب 78 و كمان قدامي لانسر كلاسيك 2007 ب 78 بـــــــــــــــــــــس لكن غير كده ماتلاقيش خالص اي حاجة من العربيات ديه في السبعينات و انا كنت في القاهره من يومين و كان قدامي الالنتر و كانت عامله 84 الف برضوا و تنزل ل 82 ال بس و علي النت دورواه مش هاتلاقوا السبعينات ديه خاااااااااااااالص و انا في الغردقة هنا كل معارض العربيات عرفيتني و كل الناس اللي عايزه تبيع عرفيتين عشان بنطلهم كل شوووووووووووووووووويه مافيش اي اي عربيه اقل من 80 او 80 و كسر
الا لما افاصل و اوصلها بالعافيه ل 79 ولا 78


انا اصلان كنت بدور علي لانسر وفضلت 5 شهور ادور علي لانسر و كل عربيه اشوفها حلوه و زي الفل اخدها ارفعها الاقيها مشيسه من تحت او مقلوبه او راشه قوايم او موتور ملعوب فيه خد علي كده بتاع 8 ولا 9 عريات لانسر و 2 الالنتر اللي مغير نص واللي راشش قوايم
فا انا خلاص بجد قرفت و العربيات ديه بهدليتني عشان كده لما لاقيت الالنتر قولت اخودها و خلاص و كمان هاخدها بكره التوكيل و ادفعلي عليها 250 كشف و ياصابت يا خابت
انا صرفت كشف علي العربيات بفلوس اجيب بيها 128 ولا 127