الموضوع: عربية مدبوحة من الامارات؟؟

صديقي المواطن
في اﻹمارات إنت اﻷول لازم تروح معارض سيارات الشارقة بعد كارفور وتقعد تلف ولو ملقتش حتطلع على منطقة جنبها بتاع 30 كيلو إسمها العوير منطقة معارض كبيرة وبسور وتخش تعيش حياتك ولكن السؤال هل عندك خلفية عن تقطيع العربية هناك ﻷنه لو مقطعتهاش بنفسك حتكلفك جامد وعندك حد يشحنهالك مهو مش معقولة حتشحنها لوحده وأنا أنصح تشتريها مقطعة جاهزة وحتلاقي كتير جدا وعلى كيف كيفك وكمان تقدر تفكر بطريقة تانية تخص أهالي بور سعيد بأنك تجيب عربية كاملة وتنزلها منطقة حرة بورسعيد وهناك حيدلوك عالطريق القويم وتقلب دي مكان دي أو تفضيها براحتك
وبالتوفيق وإلى اﻷمام ومن نصر إلى نصر
ودمتم للنضال

متابع بشدة
ويا ريت معلومات عن الكريستالة
لانسر 99...
ومنتظر راي الاستاذ صدام..

المشاركة الأصلية كتبت بواسطة ahmed a.maksoud

بلإضافة للكلام الى قاله أستاذ صدام

انا عيشت هناك ٣ سنين مشوفتش فيهم ٥ عربيات أوبل على بعض.......و معظمهم كان كورسا وتيجرا و موديل تاني اعلى من الفيكترا بس مش فاكر اسمه......و شوفتها مرة واحدة بالعدد

صديقي المواطن
شكرا لمعلوماتك القيمة اﻹضافية وإستكمالا لها
الموديل اﻷكبر هو أوبل أوميغا ويأتي بمحركات 2000 و 2400 و2600 و 3000 كلهم 4 سلندر عدا ال 3000 فهي 6'سلندر وأكاد أجزم أنها طيارة وليست سيارة والموديل اﻷعلىولكنه نادر فهو أوبل سيناتور وده بينزل 3000 بس المكنة عربية عظيمة
أما متشوفش.فيكترا في الشارع ليه وده لسببين
اﻹمارات ما فيهاش طبقة متوسطة مقيمة للأبد فالمواطنون 95% منهم أغنياء وهوؤلاء يعتبرون فكترا أقل من مستواهم أما الصنف الثاني فهم الفقراء غير المقيمين أي طالبي الرزق والعمل فهذا إن ركب عربية فيركب العربيات الشائعة وهي كورولا وصني ولما ربنا يغنيه يجيب كامري عمره ميفكر يجيب فيكترا سوقها ثقيل عندهم وبسعر العربيات اللي في نظرهم أفضل
ولكن في المعارض في الشارقة وفي العوير ستجدها وأيضا ستجد سيارة قطع غيار جاهزة تشتري وتحمل
وبالتوفيق وإلى اﻷمام ومن نصر إلى نصر
ودمتم للنضال

المشاركة الأصلية كتبت بواسطة bedo13

شكرا ياكبير
هل في معلومات عن الاسعار؟؟
بالنسبة للشحن ليا واحد قريبي هناك هسألو عن الموضوع ده
بالنسبة للتقطيع انا ماعرفش اي حاجة
هل في ناس بتقطع هناك؟ الاقيهم فين؟ هتكلف كام؟ويعني ايه اقطعها بنفسي؟
هل موجود اوبل فيكترا سي 2007-2008 ولا فعلا صعب الاقيها؟

اسف للاطالة وشكرا

صديقي المواطن
تقطعها بنفسك يعني حتشتري عربية ماشية وتجيب صاروخ وتقطعها إنت بنفسك وتفك حاجتها عشان يعدوها من جمارك مصر لو دورت على حد يقصلك العربية بنفسه ممكن ياخد منك 1000 درهم يعني 300 دولار أقل واجب يعني 2100 جنيه ويمكن أكتر وكمان ممكن تلاقي مخازن في المنطقة الصناعية فيها نصاص جايه من ألمانيا جاهزة وأنا شايف إنك يا إما تعمل إقامة في دبي وتشتري عربية وتنزل بيها مصر سواقة وبعد كده تقطع براحتك وبعدين أعلمك تعمل إيه يا إما تشوفلك حد في بور سغيد تنزل العربية منطقة حرة كاملة ومن هناك يتصرفواوالصح تلاقيلك في دبي نصين جاهزين وتجيبهم والسلام وتشحن بقه وجمارك وحتطلع عنيك وونش وإكراميات وحتكره نفسك وحتكره كل واحد نصحك بالموضوع ده الموضوع ده لوه ناسه المخصصه واﻷسعار هناك ممكن العربية تعمل 20 ألف درهم أول أقل بحاجة بسيطة
وبالتوفيق وإلى اﻷمام ومن نصر إلى نصر
ودمتم للنضال

المشاركة الأصلية كتبت بواسطة جيفارا

متابع بشدة
ويا ريت معلومات عن الكريستالة
لانسر 99...
ومنتظر راي الاستاذ صدام..

صديقي المواطن
إعفيني
فأنا أعتبرك وأعتبر كل أعضاء المنتدى إخوتي ولذلك الرسول صلى الله عليه وسلم أوصاني بأن أحب ﻷخي ما أحبه لنفسي

وأنا لا أحب لانسر بكل أنواعها ممكن أوائل التسعينات كان مميز بعدها أنا لا أعتبرها سيارة تليق بالمواطن المصري فأنا أعتبرها من أشباه السيارات ولكن قطع غيارها متوفرة وبياعة بسرعة ومرغوبة ولكن ثمنها أعلى من قيمتها ثم يا راجل يا طيب ليه أحط فلوسي في عربية ركبها قبل مني 16 أو 17 مالك قبل مني عربية مرغوبة لو طلعت ملفها في المرور حتلاقي كذا واحد قبلك شاريها فشبعانة بهدلة وكمان أنا شايف مقام حضرتك عالي ومتليقش عربية زي دي بمقامك فكر بغيرها وأنا معاك ﻵخر المشوار
وبالتوفيق وإلى اﻷمام ومن نصر إلى نصر
ودمتم للنضال