بدون تحييز لاصحاب السيفيك : هل ترى ان عربيتك اسرع 1600 ؟

**JapRuleZ** · 29-10-2013 03:13 AM

صديق ليا مش فارق معاه اى حاجة فى العربيه
عاوز موتور و بس .... مكته سحب و اداء

متردد جدا بين ال:
civic
tiida
elantra
cerato

**abo-berry** · 29-10-2013 03:19 AM

اكيد سيفيك

**saddam** · 29-10-2013 03:26 AM

صديقي المواطن
من اﻹختيارات أعلاه قولا واحدا هوندا والمعيار كأداء محرك فقط عشان يكون كلامنا واضح
وحتى لو معجبتوش فهي أرخص وحده فيهم تقبل تعديل عالمكنة وتركيب كيت توربو جاهز ومنتشر
وبالتوفيق وإلى اﻷمام ومن نصر إلى نصر
ودمتم للنضال

**Islam.Chalabi** · 29-10-2013 03:34 AM

سيفيك.. ابقى خلى صاحبك يتفرج على المقارنات اللى موجوده فى القسم

**corolladestroyer** · 29-10-2013 05:42 AM

للاسف كلامي مش هيعجب ناس كتير بس عن تجربتي الشخصيه لو هنتكلم ك موتور stock من غير اي تعديل ابطاهم السيفيك واسرعهم الالنترا او السيراتو الاتنين واحد تقريبا...وعموما محدش يفتكر اني اقصد بكلامي ان السيراتو تتطير السيفيك مش v10 هيا يعني ابوها 1600 cc برضو الفروق طفيفه جدا بين كل العربيات السالف ذكرها..بدون تحيز وبانصاف....
واللي يقال واسمعه اني السيفيك.المفروض انها بتتعدل يعني ومشهوره بالموضوع ده بس انا معنديش معلومات كافيه عن الكلام ده ومدى سهولة تطبيقه العملي ومشاكله.

**yasserelsayad** · 29-10-2013 06:10 AM

عيب السيفيك ان من الثبات معظم العربيات هتزعلك

**No Comment** · 29-10-2013 08:58 AM

لو عاوز ماتور وبس ... ممكن يحط فيرنا كمان معاهم
وساعتها ممكن الالنترا والسيراتو والفيرنا فى الطلعة يتفوقوا عليها ... الطلعة بــــــس
لكن لو عاوز ماتور صاحى معاه على طول ومعاه ثبات وتحكم ... هتبقى السيفيك بلا منازع

**SAMEH_FOUAD** · 29-10-2013 09:56 AM

عشان بس يبقى التقييم واقعى :

اولا : صاحب الموضوع : ماينفعش ياباشا تجيب عربية ماتور بس , لازم يكون قوة ماتور ومعاة ثبات ومعاة فرامل عشان تقدر تجرى بقلب

والسيفيك بتجمع كل دول بكل جدارة

طيب عيب السيفيك اية ( الجيل الثامن ) : او بمعنى ادق بطىء لية فى الطلعة ؟؟

لانها بتعتمد على تكنولوجيا اسمها drive by wire , ودية بتخلى العربية ماتندفعش مرة واحدة وذلك للاسباب الاتية :

1- الحفاظ على المحرك

2- تقليل استهلاك الوقود

3- المحافظة على ناقل الحركة

4- المحافظة على قواعد المحرك

كل الكلام دة بينتهى تحديدا عندما تبلغ السيارة سرعة 40 كم وبعد كدة العربية بتتحول تماما لوحش , ياكل اى عربية قدامة , طبعا مش معنى كلامى انها بطة بلدى فى الطلعة لأ هية بتسحب وكل حاجة بس مش زى بقية المنافسين

- السيفيك السرعة القصوى بتاعتها 225 كم , وبتجيب من صفر الى 100 فى 10 ثوانى تقريبا يعنى زيها زى السيراتو وزى الالنترا

- السيفيك ثباتها اعلى من الاتنين بفرق شاسع

يعنى الالنترا سيارة المراجيح الاولى فى مصر

السيراتو سيارة اخرك فيها 140 كم بعد كدة انت بتغامر بحياتك وربنا يسترها عليك

- الفرامل : سيفيك ثم تليها السيراتو بفرق بسيط بس الكلام لحد سرعة 120 كم بعد كدة السيفيك تتفوق بجدارة فى السرعات العالية
الالنترا اقدر اقولك باختصار فرامل غير مناسبة تماما لوزن السيارة ولا اى قوة المحرك , يعنى فراملها دية اخرها توقف i10 بالعافية

لو انت بالسيفيك واللانترا ( مانيوال ) الالنترا هتتعب السيفيك جدا بس لحد سرعة 170 وهتبدأ السيفيك فى التقدم