استشاره بخصوص التأمين بعد عمل حادثه

السلام عليكم ورحمة الله وبركاته
انا عربيتى لانوس 2012 كنت جايبها بنك وسعرها كاش كان 71500 (بالقسط وصلت حوالى90 الف) وكنت مأمن فى مصر للتأمين اول سنه عدت الحمد لله ماخدتش حاجه من التأمين خالص.. من كام شهر كده عملت حادثه كبيره (ربنا يعافيكم) والتصليح اتكلف حوالى 19 الف!! دفعت منهم 20% والتأمين اتحمل الباقى..
السؤال هو لما اجى اجدد الرخصه (طبعا لازم اجيب جواب التأمين) اجدد مع نفس الشركه ولا هيقللوا قيمة التغطيه ؟
يعنى اجدد مع نفس الشركه ولا اشوف شركه تانيه واستفيد بتغطيه كامله؟ انا حتى معرفش اذا غيرت الشركه هيبقى فى تغطيه كامله ولا كده كده هتقل قيمة العربيه

ولكم جزيل الشكر :)

قيمة العربية بتقل
لان ده قيمتها السوقية
لو العربية ب 71000 اول سنة
ده تمن بيعها وشرائها فى السوق
تانى سنة التمن ده فى السوق نفسه بيقل للزمن والاستخدام
فهيكون مثلا 65000
وده مبلغ التأمين

اقتباس:

---

المشاركة الأصلية كتبت بواسطة a.saad

قيمة العربية بتقل
لان ده قيمتها السوقية
لو العربية ب 71000 اول سنة
ده تمن بيعها وشرائها فى السوق
تانى سنة التمن ده فى السوق نفسه بيقل للزمن والاستخدام
فهيكون مثلا 65000
وده مبلغ التأمين

---

كلام زي الفل .......... اشكرك على المعلومة والتوضيح

غير الشركة لان القسط هيعلي عليك بسبب صرف تعويض تجاور قيمة القسط

صديقي المواطن
وأضيف أيضا معلومة لما قالوه زملائي اﻷعضاء اﻷفاضل
وهو إن حضرتك لما تأمن في شركة تانية بعد متسيب الشركة دي وأنصح تسيبها طبعا فمش زي مرخصت أول مرة والعربية زيرو محدش حخي شافها إنت حتوديها لمقر شركة التأمين الجديدة ويطلغوا ناس يكشفوا عليها ويقدر ثمنها ويقوللك إحنه حنأمن علبها بالقيمة دي وحتكون أقل من سغر السوق بحاجة بسيطة
وبالتوفيق وإلى اﻷمام ومن نصر إلى نصر
ودمتم للنضال

شكرا للجميع على الرد انا بالفعل تاكدت انى مفروض اغير شركة التأمين بس فى سؤال مهم.. هو انا ينفع اغير الشركه وانا شارى العربيه بقرض سياره عن طريق بنك ؟

ياريت اللى يعرف بس هو اللى يقول لانه موضوع مهم

Update
ياجماعه انا كلمت شركة التامين اللى انا كنت مأمن معاها (مصر للتأمين) وفعلا رفعوا القسط السنه دى 30% (2500 جنيه بدل 1900) وسألت مندوب البنك اللى فى المعرض قاللى ينفع تغير الشركه عادى..
محدش يعرف بقى شركه تكون كويسه وتأمين على العربيه بقسطها العادى؟
وطبعا متكونش شركه وحشه عشان لاقدر الله محدش عارف يمكن احتاجهم

ايه ياجماعه مفيش رد يعنى كله مشاهدات بس !
فين الناس الخبره ؟
انا رخصتى خلصت بقالها 12 يوم دلوقتى وعايز انجز فى الموضوع ده

صديقى العزيز اخى معه نيسان صنى الجديدة وهو زى حضرتك حفظ ملكية للبنك وهو مأمن مع شركة اليانز لها فرع فى السبع اهم شيىء فى اليانز ان بعد الشر لو فى حادثة التعويض 100% بعد خصم المصاريف الادارية
وبالتوفيق