الموضوع: عاوز رايكم فى البواب الجديد ده ..

صديقي المواطن
قولا واحدا اﻹمام الشافعي رحمه الله قال من ضمن قصيدته الشهيرة الرضى بقضاء الله وقدره التي لو طبقها الشعب المصري كلها لكنا في المدينة الفاضلة ومنها أقتطع وأقتبس وأقول وعايزك ده مبدأ تمشي عليه في كل أمور حياتك

بيقول إيه

وتستر بالسخاء فإن كل عيب يغطيه كما قيل السخاء

إنت لازم يكون عندك طموح إنك تكون أكثر شخص محبوب في أي مكان تخشه فدايما لازم تدفع بزيادة حاجة بسيطة تخيل لو دخلت مقهى وقال لك حسابك 17 جنيه لو إديتلو 17 مش 18 مش حيحبك وحتجيب لنفسك كلام في ظهرك وهو مش فرض عليك ولكن دي بيسموها الرضى عن نفسك وكمان لو مونت بنزين ب 90 ودفعت 90 جنيه الجنيه اﻹكرامية اللي حتدفعه لعامل المضخة هو ده اللي حيزيد رضاك عن نفسك
وبالنسبة لبواب عمارتك فأنا لو منك بكره الصبح أنزل أشتريله قميص ب 25 أو 30 جنيه وكمان حزوده ل 35 مش 30 طالما تفهمه إنها مش فرض عليك دي مش مكرمة حتشتريه بمكرمتك وتكسبه لصفك والرسول صلى الله عليه وسلم قال
تهادوا تحابوا فعشان تحبب خلق الله فيك دايما هادي ودايما معاك في عربيتك علبتين تلاتة بسكوت أبو نص جتيه وإنت قاعد في مقهى اة بتسلم على واحد إديه واحده حيشيلوهالك ولما تقابلهم حتاخد إبتسامة عرضها 4 شوارع
أنا أحيانا بروح أتعرف على حد أشتريله هدية رمزية حتى لو عطر ب 10 جنيه أو قميص ب 30 ياه تخيل حيستغرب ويقوللك أكيد إحنه مش في مصر وصدقني كله حييجي يوم ويتردلك في حياتك قبل مماتك
أنا بدقع فث شقة مقفولة من 5 سنين 100 جنيه شهريا رجعت من سفرية طويلة مرة ومكنتش عارف إن المقفول يدفع برضو وكانت ظروفي وحشة وقتها وبيقوللي عليك 900 جتيه والله وأنا صاحب شقة تمليك بقيت أهرب من البواب وإتحاد الملاك وكنت بخش شقتي ساعة 3"بالليل وكنت دايما أطبخ وأبعت للبواب وأجيب لمراته جلابية مثلا شوية شكلاتات لعياله وكان بيحارب عشاني في العمارة ناس أقدم مني بعشرات السنين ودايما خلي كلامك بصوت واطي وبحنيه مع الناس
أنا نتائج أفعالي مفيش ورشة في جمهورية مصر العربية أخشها من تاني مرة إلا وكل اﻷسطوات يسيبوا عربيات الناس ويشتغلولي وساعات أنا مرضاش وأسطوات وصنايعية صغيرة يكلموني ويتطمنوا عليا ولو يوم مرحتش الكافتيريا مثلا المواطتين مفيش ليهم شيبي وبسكوت

على فكرة كلامنا معاك ده أنا صارف عليه نت وشحن موبايل وتفرغ وقت أكتر من ال 5 جنيه بتاعت الموضوع أو حتى خلاف مبدأ زي منته بتسميه
ولكن أنا كنت عايز أفتح عنيك على أشياء أكبر في الحياة قد تكون غفلت عنها

وبالتوفيق وإلى اﻷمام ومن نصر إلى نصر
ودمتم للنضال