ازاي تفاتح بنت في موضوع جواز

**الجنرال** · 30-10-2013 12:26 AM

نصيحتي ليك:
1- صلي استخارة الاول وادعي من قلبك ان ربنا يوفقك لو فيها خير
2- متتكلمش انت بشكل مباشر معاها علشان الحساسية خصوصا انكوا فى الشغل مع بعض
3- حاول تخلي في وسيط فى الموضوع ويكون موثوق (ابعد عن البنات اللى في الشغل معاك علشان اللت والعجن + النفسنه والحوارات دي)
4- يفضل ان الوسيط يكون حد من اهلك .. ويفضل قوي لو اختك
5- ازاي بقه تعرفها على اختك دي انت تفكر فيها .. ممكن تشوف هيا بتخرج فين وتاخد اختك وتروح تخرج في نفس المكان (نادي او كافيه او غيره) وتعملها كأنها صدفة او تخلي اختك تستناك تحت الشغل في وقت انتهاء العمل وتنزل كأنك رايح تقابلها تديها حاجة ويكون ده في نفس وقت نزولها من الشغل مثلا .. وساعتها كلام البنات هيجيب بعضه وهتفتح معاها الموضوع واحدة واحدة بعد ما تكون انت بره الصورة خالص والموضوع يكون بين اختك وبينها بس

خلي بالك انك لازم تراعي حياء البنت فى المواضيع دي .. ولازم تراعي حساسية (انكوا شغالين فى شركة واحدة) علشان ممكن هيا نفسها ترفض

**sas5** · 30-10-2013 09:32 AM

المشاركة الأصلية كتبت بواسطة salodas

خليك جريء ... لو الموضوع جد ومش بتهزر .
فى أول فرصة بكرة فى الشغل .
قلها انا معجب بيكى وعاوز أطلب أيديك .... موافقة ؟

هتدعيلى

السلام عليكم ورحمه الله
نعم كلام مضبوط تكلم فى الموضوع مباشره مع البنت لانك لاتضمن الوسيط وطريقه وساطته هل يكون معك ام ضدك

**ainshouka** · 30-10-2013 09:42 AM

شوف وقت يكون الناس مش مركزه فيه ويكون الجو هادى
قلها انا معجب بيك وعاوز اتقدملكواديها نبذه سريعه عنك واهلك واخواتك وورقه تبقى كاتب فيها معلومات عنك وعن اهلك عشان لو حبوا يسألوا عليك وقلها انا سايبلك فترة اسبوعين تكونى سألت على وخدت فيهم قرار عشان لو مكانش فيه قبول ليك واتكسفت تقولك حتفهم كده بعد مايمروا الأسبوعين
الدوغرى مفيش احسن منه
والجواز كله قسمه ونصيب ومش معنى انها رفضتك يبقى انت عندك مشكله
وجو الحساسيات لا يدوم
بس تكون مصلى استخارة ومصفى نيتك كويس عشان دا جواز

**ahmedteam** · 30-10-2013 09:59 AM

بص م الاخر البنات بيحبوا الراجل الواضح الصريح الجرىء و متتكسفش من حاجه

انت مش طالب حاجه عيب او حرام

و اياك و الواسطه خصوصا من البنات علشان ماتضمنش الغيره و الحسد و ....و.......

خليك واثق فى نفسك و تأكد انها لو نصيبك مفيش حاجه فى الدنيا هتقف قدامك

طبعا لا تنسى الاستخاره

**Mohamed_Hamid** · 30-10-2013 09:59 AM

قوللها هى متقولش لواحدة زميلتكم مهما كنت واثق فيها لأن الحريم بيسيحوا وبيخربوا الدنيا. اسألنى انا على يدى والله . واحد زميلى كان معجب ببنت معانا وعايز يخطبها وطلب منى اجيبله معلومات وفعلا جبتله معلومات من بنت تانية ( عاقلة مش بتاعة لت وعجن ) لكن هو استعجل ومصبرش وراح الباشا سأل بنات تانيين ( بنات معروف انه لتاتين ومش بيتبل فى بؤهم فولة ) وفى ثانية كانت الشركة عارفة الموضوع هههههههههه
قولها وش ياباشا طبعا بالتدريج كدة وبهدوء ومتدخلش حد تانى فى الحوار علشان حتى لو مفيش قبول يبقى خلاص الموضوع بينكم انتم الاتنين بس وعلى كدة
بالتوفيق ان شاء الله

**ham_855** · 11-12-2013 08:57 AM

انا فاتحتها فعلا في الموضوع وقابلت اهلها واخدت اهلي نقابلهم وكلو تمام بس فية مشكلة
في المكان اللي احنا شغالين فية مينفعش احنا الاثنين نكون متجوزين وشغالين في نفس المكان
زي ما تقولو كدة نظام شركة
فدلوقت والدها عاوزني انا اللي اشوف شغل تاني وهية متسبش الشغل علي اساس انها قريبة من اهلهاوكدة

**ham_855** · 11-12-2013 08:57 AM

هل دة طلب منطقي ولا انا اللي مزودها برفضي للنقطة دي

**amr011111** · 11-12-2013 09:00 AM

المشاركة الأصلية كتبت بواسطة ham_855

انا فاتحتها فعلا في الموضوع وقابلت اهلها واخدت اهلي نقابلهم وكلو تمام بس فية مشكلة
في المكان اللي احنا شغالين فية مينفعش احنا الاثنين نكون متجوزين وشغالين في نفس المكان
زي ما تقولو كدة نظام شركة
فدلوقت والدها عاوزني انا اللي اشوف شغل تاني وهية متسبش الشغل علي اساس انها قريبة من اهلهاوكدة

هوه غالباً الكلام ده لو انت شغال فى الشركه وهتجيب مراتك تشتغل مش هيوافقوا
انما معتقدش ان الشركه هتطلب ان حد فيكم يسيب الشغل

وطلب والدها مش مقبول

**4fun14** · 11-12-2013 09:08 AM

المشاركة الأصلية كتبت بواسطة ham_855

هل دة طلب منطقي ولا انا اللي مزودها برفضي للنقطة دي

الشغل بالنسبه للراجل ضرورة..لو حد لازم يسيب الشغل يباه هى طبعا
وعلى كل حال معتقدش فى شركه تقولكوا حد منكم يمشى..اقصى حاجه حد فيكوا يتنقل ادارة تانيه جوه الشركة