الموضوع: تنظيف الانجكشن

المشاركة الأصلية كتبت بواسطة saddam

صديقي المواطن
تنظيف دورة الوقود فعلا تبدأ من التنك للمواسير للرشاشات للصبابات وغيرها كثير وليست فقط البوابة وإن فاقت الرشاشات فاقت العربية وإن نامت الرشاشات نامت العربية
عربيتك لو معدية 80 ألف أو 100 ألف كيلو عمرها ما حتنظف من علبة ولا حتى علبتين ولا أنصح بليكو مولي ليس ﻷنه سيء بالعكس فهو جيد ولكن سعره غالي وإنت أكيد حتجيب واحد بس وواحد عمره محيفرق معاك فتقدر تروح تنظف الرشاشات بجهاز تنظيف الرشاشات ال ألترا سونيك وده حيكلفك 140 جنيه وبديله بعد حسابات مظنية وتجارب كثيرة والنتيجة ممتازة
إنك تنزل التوفيقية تجيب 2 فلتر بنزين بتوع عربيتك وتجيب 5 منظف رشاشات أو 6 حسب وساخة عربيتك من أبو 20 جنيه بالجملة حتلاقيه في البنزينات ب 37 وب 42 كمان وأغلى وحتجيب وينز البنفسجي وسعره 20 جنيه لو ملقيتش تاخد أنظف حاجة بعديها بمستوى 20 جنيه ﻷن فيه أنواع ب 12 و 15 سيبك منها ثم تروح تغير فلتر بنزين وفلتر هواء وبوجيهات ويفضل سلك بوجيهات كمان لو بتاعك نص عمر ثم تطلع عالبنزينة وتمون عاﻵخر 92 وتحط 3 علب وتقرص عالعربية لحد ما ومنهم لازم مرة ربع ساعة متصلة على سرعة 140 بعد كده لما تيجي تفضى بنزين بشوية تمون تاتي وتحط علبتين وتعمل زي ما عملت بالتموينة اﻷولانية ثم تعيش حياتك وبعدها بتموينة متعملش حاجة ثم تغير فلنر البنزين تاني يكون لم كل البواقي وبكده حترجع عربيتك جديدة ثم تفضل كل شهر أو كل 7:تموينات الثامنة تحط منظف واحد في التنك
وبالتوفيق وإلى اﻷمام ومن نصر إلى نصر
ودمتم للنضال
عربيتك حتبقه طلقه ومصروف البنزين حيزيد بنسبة 10% ﻷنك فتحت رشاشاتها المكتومة بالوساخة وكمان إنت حتحب تجري دايما ﻷنها حتشجعك على كده

يا باشا انت كده هتبوز الرشاشات مش هتنضفها ..بيبقى مكتوب على علبة منظف الرشاشات انو يتحط علبه واحدة مع كل التنك ...ومينعش تحطو تانى غير كل 5 الاف كيلو ازاى هتحط ال3 علب مع بعض ....

المشاركة الأصلية كتبت بواسطة eng f3lix

هتلاقي في شارع دمشق وكيل معتمد

ولو حابب حاجة نضيفة هتلاقي منتج stp في اي بنزينة

روحت سآلت علي نوع stp عند الحاج مصطفي محل المدينه لقيته ب ٧٠ ج انا شايف انه غالي شويه بس بيقولي انه دوره كامله رايك ايه يا باشا